| ຂີດໝາຍບັນດາອົງການ ບໍ່ຂຶ້ນກັບລັດຖະບານຢູ່ ໄທງວຽນ | |
| ໂຮງຮຽນວິທະຍາໄລໄທງວຽນ: ສະເຫຼີມສະຫຼອງ 45 ປີແຫ່ງວັນມູນເຊື້ອ |
ຕາມການລາຍງານໃນພິທີ, ຢູ່ແຂວງ ໄທງວຽນ, ປະຈຸບັນມີນັກສຶກສາລາວ 1.000 ຄົນທີ່ພວມຮ່ຳຮຽນ ແລະ ຄົ້ນຄ້ວາຢູ່ 8 ມະຫາວິທະຍາໄລ, ວິທະຍາໄລ, ໂຮງຮຽນວັດທະນະທຳ. ລາຍການ Homestay ເປັນກິດຈະກໍາທີ່ນໍາເອົານັກສຶກສາລາວ ໄປສໍາຜັດຕົວຈິງໃນ homestay. ປີ 2024 ແມ່ນປີທີ 8 ທີ່ລາຍການດັ່ງກ່າວໄດ້ປະຕິບັດສຳລັບນັກສຶກສາລາວ ທີ່ຮຽນຢູ່ແຂວງ ໄທງວຽນ.
ໃນສົກຮຽນ 2023 – 2024, ຄະນະຊີ້ນຳລາຍການໄດ້ຈັດຕັ້ງ 11 ກິດຈະກຳກ່ຽວກັບ Homestay ໃຫ້ນັກສຶກສາລາວ 4.700 ກວ່າຄົນ ແລະ ຊາວຫວຽດນາມ ເກືອບ 2 ພັນຄົນເຂົ້າຮ່ວມ. ການປະຕິບັດລາຍການໄດ້ນຳມາເຊິ່ງໝາກຜົນສະເພາະຄື: ຍົກລະດັບຄວາມສາມາດດ້ານພາສາຫວຽດ ແລະ ທັກສະການສື່ສານຂອງນັກສຶກສາລາວ, ຊ່ວຍໃຫ້ເຂົາເຈົ້າເຊື່ອມຕົວເຂົ້າກັບວັດທະນະທຳ, ຊຸກຍູ້ຂະບວນການຮຽນຢູ່ແຂວງ ໄທງວຽນ. ຍົກລະດັບຄວາມເຂົ້າໃຈວັດທະນະທຳຫວຽດນາມ ຂອງນັກສຶກສາລາວ; ເຊື່ອມໂຍງດ້ານຈິດໃຈຂອງປະຊາຊົນຫວຽດນາມ ເວົ້າລວມ ແລະ ແຂວງ ໄທງວຽນ ກັບປະຊາຊົນລາວ ເວົ້າສະເພາະ..
 |
| ການນຳສະມາຄົມມິດຕະພາບຫວຽດນາມ - ລາວ ແລະ ການນຳມະຫາວິທະຍາໄລ ໄທງວຽນ ໄດ້ມອບໃບຍ້ອງຍໍໃຫ້ບັນດາກົມກອງລສມໝູ່ທີ່ມີຜົນງານດີເດັ່ນໃນການປະຕິບັດລາຍການ Homestay ໃນສົກຮຽນ 2023 - 2024. ຮູບພາບ: Thainguyen.gov.vn |
ກ່າວຄຳປາໄສທີ່ລາຍການ, ທ່ານ ຫງວຽນໝິລິງ ຮອງຫົວໜ້າພະແນກການຕ່າງປະເທດ, ຮອງປະທານຜູ້ປະຈຳການສະຫະພັນບັນດາອົງການມິດຕະພາບແຂວງ ໄທງວຽນ ໄດ້ຕີລາຄາລາຍການ Homestay ແມ່ນກິດຈະກຳທີ່ມີຄວາມໝາຍ.ໃນຊຸມປີມໍ່ໆມານີ້, ສະມາຄົມມິດຕະພາບຫວຽດນາມ - ລາວ ແຂວງ ໄທງວຽນ ໄດ້ຈັດຕັ້ງການເຄື່ອນໄຫວທີ່ແທດຈິງຫຼາຍຢ່າງທີ່ຕ້ອງໄດ້ຮັບການຮັກສາ ແລະ ເຜິຍແຜ່ຢ່າງເລິກເຊິ່ງກວ້າງຂວາງໃນວົງຄະນະຍາດນັກສຶກສາລາວທີ່ກຳລັງຮ່ຳຮຽນຢູ່ ໄທຫງວຽນ ເວົ້າສະເພາະ ແລະ ຫວຽດນາມ ເວົ້າລວມ. ບັນດາການເຄື່ອນໄຫວເພື່ອແນໃສ່ຊ່ວຍໃຫ້ເຂົາເຂົ້າໃຈວັດທະນະທຳຫວຽດນາມຢ່າງເລິກເຊິ່ງ ແລະ ມີຄວາມສາມາດກ່ຽວກັບດ້ານພາສາຫວຽດ, ປະກອບສ່ວນຍູ້ແຮງວຽກງານໃນການພັດທະນາການພົວພັນຕ່າງປະເທດ ຫວຽດນາມ - ລາວ ໃຫ້ນັບມື້ນັບພັດທະນາ.ເນື່ອງໃນໂອກາດນີ້, ສະມາຄົມມິດຕະພາບຫວຽດນາມ - ລາວ ແຂວງ ໄທງວຽນ ໄດ້ມອບໃບຍ້ອງຍໍໃຫ້ 13 ກົມກອງລວມໝູ່ທີ່ມີຜົນງານດີເດັ່ນໃນການປະຕິບັດໂຄງການ Homestay ໃນສົກຮຽນ 2023 - 2024.
ໃນໄລຍະຜ່ານມາ, ສະມາຄົມມິດຕະພາບຫວຽດນາມ - ລາວ ແຂວງ ໄທງວຽນ ຍາມໃດກໍ່ແມ່ນຂົວຕໍ່ຊຸກຍູ້ການພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວ. ສະມາຄົມໄດ້ຈັດຕັ້ງການເຄື່ອນໄຫວທີ່ອຸດົມສົມບູນ, ແທດຈິງ ແລະ ມີປະສິດທິຜົນໃນບັນດາຂົງເຂດຄື: ການເມືອງ, ເສດຖະກິດ, ການສຶກສາ - ບຳລຸງສ້າງ, ສິລະປະ, ກິລາ ແລະ ການທ່ອງທ່ຽວ.
ແທັງຮັ່ງ
