ລາວພວມສຸມໃສ່ຍົກສູງລະດັບການດຳລົງຊີວິດຂອງປະຊາຊົນບັນດາແຂວງລຽບຕາມເສັ້ນຊາຍແດນຕິດກັບເທື່ອທຽວເຫ້ວ

19:00 | 16/11/2022

ຍສໝ - ທ່ານຮອງເລຂາຄະນະພັກແຂວງ ກໍຢືນຢັນວ່າ ບັນດາການເຄື່ອນໄຫວສະແດງໃຫ້ເຫັນຈິດໃຈສະໜິດຕິດແທດລະຫວ່າງພັກ, ລັດ ແລະ ປະຊາຊົນສອງປະເທດເວົ້າລວມ, ໃນນັ້ນມີ ແຂວງ ເທື່ອທຽນເຫ້ວ ແລະ ບັນດາແຂວງຂອງລາວ ທີ່ມີເສັ້ນຊາຍແດນຮ່ວມກັນເວົ້າສະເພາະ.

	ກວາງຈີ້-ສະຫວັນນະເຂດ: ສ້າງເສັ້ນຊາຍແດນສັນຕິພາບ, ສະຖຽນລະພາບ ແລະ ພັດທະນາຕາມຮູບແບບແຮກສ່ຽວ
	ຮັດແໜ້ນການຮ່ວມມືລະຫວ່າງແຂວງເທື່ອທຽນເຫ້ວ ກັບແຂວງຕ່າງໆຂອງປະເທດໄທ

ທ່ານຮອງເລຂາຜູ້ປະຈຳຄະນະພັກ ຟານງອກເທາະ ໃຫ້ການຕ້ອນຮັບຄະນະປະຕິບັດງານຂອງຄະນະກຳມະການສູນກາງແນວລາວສ້າງຊາດ

ຫວ່າງແລ້ວນີ້, ຄະນະພັກແຂວງ ເທື່ອທຽວເຫ້ວ ຫາກໍ່ມີການຕ້ອນຮັບຄະນະປະຕິບັດງານຂອງຄະນະຜູ້ແທນໂດຍທ່ານ ສຈ. ປອ ອອດ ພົງສະຫວັນ, ຮອງປະທານຄະນະກຳມະການສູນກາງແນວລາວສ້າງຊາດ ເປັນຫົວໜ້າຄະນະ ເນື່ອງໃນໂອກາດມາຢ້ຽມຢາມ ແລະ ເຮັດວຽກຢູ່ແຂວງ. ທ່ານ ສຈ. ປອ ອອດ ພົງສະຫວັນ ໃຫ້ຮູ້ວ່າ ປັດຈຸບັນ ລາວພວມສຸມແຫຼ່ງກຳລັງເພື່ອລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກ, ຍົກສູງການດຳລົງຊີວິດຂອງປະຊາຊົນບັນດາແຂວງເຂດຊາຍແດນ ຕິດກັບເທື່ອທຽນເຫ້ວ, ເປັນຕົ້ນແມ່ນໃນຂົງເຂດກະສິກຳ, ການທ່ອງທ່ຽວ.

ທີ່ການພົບປະກັບຄະນະ, ທ່ານຮອງເລຂາຄະນະພັກແຂວງ ຟານງອກທໍ້ ໄດ້ສະແດງຄວາມປິຕິຊົມຊື່ນ ແລະ ເຄົາລົບນັບຖື ເມື່ອໄດ້ຕ້ອນຮັບຄະນະ ແລະ ໄດ້ແຈ້ງໃຫ້ຊາບກ່ຽວກັບສະພາບການພັດທະນາຂອງແຂວງໃນຊຸມປີຜ່ານມາ. ນອກຈາກນັ້ນ, ແຂວງຍັງໄດ້ຈັດຕັ້ງການເຄື່ອນໄຫວໃຫຍ່ຫຼາຍຢ່າງເພື່ອສະເຫຼີມສະຫຼອງ 60 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ລາວ ແລະ 45 ປີແຫ່ງວັນເຊັນສົນທິສັນຍາມິດຕະພາບ ແລະ ການຮ່ວມມື ຫວຽດນາມ - ລາວ.

ທ່ານຮອງເລຂາຄະນະພັກແຂວງ ກໍຢືນຢັນວ່າ ບັນດາການເຄື່ອນໄຫວສະແດງໃຫ້ເຫັນຈິດໃຈສະໜິດຕິດແທດລະຫວ່າງພັກ, ລັດ ແລະ ປະຊາຊົນສອງປະເທດເວົ້າລວມ, ໃນນັ້ນມີ ແຂວງ ເທື່ອທຽນເຫ້ວ ແລະ ບັນດາແຂວງຂອງລາວ ທີ່ມີເສັ້ນຊາຍແດນຮ່ວມກັນເວົ້າສະເພາະ. ໃນໄລຍະທີ່ຜ່ານມາ, ແຂວງເທື່ອທຽນເຫ້ວ ຍາມໃດກໍ່ຊຸກຍູ້ການພົວພັນມິດຕະພາບທີ່ເປັນມູນເຊື້ອລະຫວ່າງ 2 ປະເທດ ແລະ ບັນດາແຂວງມີຊາຍແດນຮ່ວມກັນ ດ້ວຍບັນດາການເຄື່ອນໄຫວລະອຽດ ແລະ ແທດຈິງ.

ທ່ານ ສຈ. ປອ ອອດ ພົງສະຫວັນ, ຮອງປະທານສູນກາງແນວລາວສ້າງຊາດ ໄດ້ຂອບໃຈການຕ້ອນຮັບຢ່າງສົມກຽດ ເຊິ່ງການນໍາແຂວງໄດ້ສະຫງວນໃຫ້ແກ່ຄະນະຜູ້ແທນ, ພ້ອມທັງສະແດງຊົມເຊີຍຕໍ່ບັນດາໝາກຜົນທີ່ແຂວງເທື່ອທຽວເຫ້ວບັນລຸໄດ້ໃນໄລຍະຜ່ານມາ. ທ່ານກໍ່ສະແດງຄວາມເພິ່ງພໍໃຈກ່ຽວກັບການພົວພັນຂອງແຕ່ລະຝ່າຍ, ເຊິ່ງອີກຄັ້ງໜຶ່ງຢືນຢັນ ການພົວພັນລະຫວ່າງ ຫວຽດນາມ ແລະ ລາວ ທີ່ມີແຕ່ດົນນານ, ຫວັງວ່າໃນໄລຍະຈະມາເຖິງ, ແຂວງເທື່ອທຽນເຫ້ວຈະສືບຕໍ່ມີການເຄື່ອນໄຫວຫຼາຍຢ່າງເພື່ອສືບຕໍ່ຮັກສາ ແລະ ເສີມຂະຫຍາຍການພົວພັນນີ້.

ທ່ານຮອງປະທານຄະນະກຳມະການສູນກາງແນວລາວໂຮມປະເທດຊາດ - ສຈ. ປອ ອອດ ພົງສະຫວັນ ໃຫ້ຮູ້ຕື່ມອີກວ່າ ປັດຈຸບັນ ລາວພວມສຸມໃສ່ບັນດາແຫຼ່ງກຳລັງເພື່ອລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກ, ຍົກສູງຊີວິດການເປັນຢູ່ຂອງປະຊາຊົນບັນດາແຂວງເຂດຊາຍແດນ ຕິດກັບເທື່ອທຽວເຫ້ວ ແລະ ຫວັງວ່າ ຈະໄດ້ຮັບການຮ່ວມມືກັບແຂວງເທື່ອທຽນເຫ້ວ ໃນຂົງເຂດກະສິກຳ ແລະ ການທ່ອງທ່ຽວ.

ບຸນຄົງ