| ກວາງນາມ: ນັກຊ່ຽວຊານຍີ່ປຸ່ນນຳໃຊ້ເຕັກໂນໂລຊີກໍານົດຍຸກສະໄໝຢູ່ເຂດວິຫານທາດມິເຊີນ | |
| ຫວຽດນາມ ຮ່ວມມືດ້ານປ້ອງກັນຊາດ ເພື່ອຮ່ວມກັນປະກອບສ່ວນເຂົ້າໃນສັນຕິພາບຂອງພາກພື້ນ ແລະ ໂລກ |
ເສັ້ນຊາຍແດນແຫ່ງຄວາມສຸກ
ຫ່າງຈາກດ່ານຊາຍແດນລາວບາວໄປທາງ ກຳປູເຈຍ ປະມານ 200 ແມັດ, ປ່າຕົ້ນ Listea ທີ່ກຳລັງອອກໃບສີຂຽວ, ມີເນື້ອທີ່ກວ່າ 10 ເຮັກຕາ. ຜືນປ່າແຫ່ງນີ້ໄດ້ເອີ້ນວ່າ: “ສວນຕົ້ນໄມ້ມິດຕະພາບ” ເພາະວ່າ ປ້ອມທະຫານປ້ອງກັນຊາຍແດນຂອງດ່ານສາກົນ ລາວບາວ ແລະ ເທດສະບານ ລາວບາວ ໜູນຊ່ວຍບ້ານກາຕັງ (ຫວຽດນາມ) ມອບໃຫ້ບ້ານ ແດນສະຫວັນ (ລາວ).
 |
| ທະຫານຊ່ວຍເຫຼືອປະຊາຊົນ |
ມາຮອດປັດຈຸບັນ, ພາຍຫຼັງ 5 ປີ, ປ່າດັ່ງກ່າວໄດ້ນຳມາເຊິ່ງລາຍຮັບ ປະມານ 150 – 200 ລ້ານດົ່ງ. ທ່ານ ໂກ້ ຖັັນທາເທບ ນາຍບ້ານແດນສະຫວັນ ເວົ້າວ່າ: “ສະເລ່ຍແຕ່ລະເທື່ອເມື່ອຂາຍຕົ້ນໄມ້ນີ້, ພວກຂ້າພະເຈົ້າມີລາຍຮັບປະມານ 200 ລ້ານດົ່ງ. ຈຳນວນເງິນນີ້ ພໍ່ແມ່ປະຊາຊົນໃນບ້ານໄດ້ເຫັນດີເປັນເອກະພາບເພື່ອລົງທຶນກໍ່ສ້າງໂຮງຮຽນ, ຖະໜົນຫົນທາງ, ກໍ່ສ້າງເຮືອນໃຫ້ແກ່ຄົນທຸກຍາກ, ໜູນຊ່ວຍນ້ອງໆນັກຮຽນທີ່ປະສົບກັບຄວາມຫຍຸ້ງຍາກໃນການມາໂຮງຮຽນ”.
ນັບແຕ່ປີ 2013 ມາຮອດປະຈຸບັນ, ນອກຈາກຮູບແບບ “ສວນຕົ້ນໄມ້ມິດຕະພາບ”, ປ້ອມປ້ອງກັນຊາຍແດນດ່ານຊາຍແດນສາກົນລາວບາວ ຍັງໄດ້ລະດົມທຸກແຫຼ່ງກຳລັງຈາກບັນດາອົງການ, ຫົວໜ່ວຍ, ວິສາຫະກິດ ແລະ ຈາກເຈົ້າໜ້າທີ່, ພະນັກງານ, ນັກຮົບ ເພື່ອປະກອບສ່ວນ ແລະ ມອບໃຫ້ບ້ານກາຕູບ 1, ບ້ານເຟື່ອງ ແລະ ບ້ານແດນສະຫວັນ, ແຕ່ລະບ້ານມີງົວ 12 ໂຕ, ແບ້ 20 ໂຕ, ເປັດ, ໄກ່, ແນວພັນ 5.000 ກວ່າໂຕ, ພ້ອມກັນນັ້ນ ກໍໄດ້ສົ່ງເຈົ້າໜ້າທີ່ມາແນະນຳ ແລະ ເບິ່ງແຍງດູແລ. ມາຮອດປະຈຸບັນ, ຈຳນວນສັດປີກໄດ້ເຕີບໂຕເປັນຢ່າງດີ, ນຳມາເຊິ່ງລາຍຮັບທີ່ດີພໍສົມຄວນໃຫ້ແກ່ບັນດາຄອບຄົວຝ່າຍບ້ານເພື່ອນ.
ກ່ອນໜ້ານັ້ນ, ໃນວັນທີ 28 ເມສາ 2005, ຄູ່ບ້ານ ກາຕັງ (ເທດສະບານ ລາວບາວ, ເມືອງ ເຮືອງຮວາ) ແລະ ບ້ານ ແດນສະຫວັນ (ເມືອງເຊໂປນ, ແຂວງສະຫວັນນະເຂດ) ແມ່ນຄູ່ບ້ານທຳອິດໃນເສັ້ນຊາຍແດນທີ່ໄດ້ຈັດຕັ້ງພິທີລົງນາມແຮກສ່ຽວ, ເພື່ອຖອດຖອນບົດຮຽນປະສົບການ ແລະ ທະວີຄູນເປັນວົງກວ້າງໃນທົ່ວເຂດ.
ຮູບແບບແຮກສ່ຽວບ້ານຕໍ່ບ້ານ ໄດ້ຮັບການຜັນຂະຫຍາຍແຕ່ປີ 2005, ມາຮອດປັດຈຸບັນມີ 24/24 ຄູ່ບ້ານໄດ້ຮັບການແຮກສ່ຽວລະຫວ່າງແຂວງກວາງຈິ (ຫວຽດນາມ) ກັບແຂວງສະຫວັນນະເຂດ.
ຈັດຕັ້ງບັນດາການເຄື່ອນໄຫວພົບປະແລກປ່ຽນ, ສົມທັບກັນຢ່າງອຸດົມສົມບູນ
ໃນໄລຍະ 15 ປີແຫ່ງການແຮກສ່ຽວລະຫວ່ງສອງບ້ານ ກາຕຽງ (ຫວຽດນາມ) ແລະ ບ້ານ ອາເວຍ (ລາວ), ທຸກໄຕມາດໃນປີ, ສອງຝ່າຍຈະຈັດຕັ້ງພິທີມອບຮັບ, ແລກປ່ຽນສະພາບການ, ກຳນົດການຈັດຕັ້ງການຖອດຖອນບົດຮຽນປະສົບການໃນວິວັດການຜັນຂະຫຍາຍປະຕິບັດຮູບແບບແຮກສ່ຽວບ້ານຕໍ່ບ້ານຂອງສອງທ້ອງຖິ່ນ 5 ປີເທື່ອໜຶ່ງ.
ພິເສດ, ຜ່ານການເຄື່ອນໄຫວແຮກສ່ຽວ, 2 ຝ່າຍໄດ້ສົມທົບກັນຈັດຕັ້ງການໂຄສະນາ ສຶກສາອົບຮົມກົດໝາຍໃຫ້ປະຊາຊົນ 2 ບ້ານ, ດ້ວຍ 50 ໃນຈຳນວນ 2.020 ເທື່ອປະຊາຄົມກ່ຽວກັບອະທິປະໄຕຜືນແຜ່ນດິນ, ຈິດໃຈຂອງຊາດ, ຫຼັກໝາຍຊາຍແດນແຫ່ງຊາດ, ປະຕິບັດລະບຽບການ ແລະ ກົດໝາຍຂອງແຕ່ລະປະເທດ; ເຜີຍແຜ່ຄວາມໝາຍຂອງວຽກງານສ້າງຄວາມເຂັ້ມແຂງ ແລະ ປະຕິສັງຂອນລະບົບຫຼັກໝາຍຊາຍແດນແຫ່ງຊາດ. ການເຄື່ອນໄຫວຍັງໄດ້ເຜີຍແຜ່ຄວາມຮູ້ກ່ຽວກັບກະສິກຳ, ການປ້ອງກັນຕ້ານພະຍາດ... ໃຫ້ປະຊາຊົນສອງຟາກຊາຍແດນ.
ໃນກອງປະຊຸມສະຫຼຸບວຽກງານ 15 ປີ ແຫ່ງການແຮກສ່ຽວເຂດຊຸມຊົນ ໄດ້ໄຂຂຶ້ນໃນວັນທີ 10 ສິງຫາ 2022, ທ່ານ ບຸນສູງ ໄຊຍະວົງ, ຮອງເລຂາພັກເມືອງ, ປະທານຄະນະກຳມະການກວດກາ, ຫົວໜ້າກວດສອບເມືອງເຊໂປນແບ່ງປັນວ່າ: ໂດຍຜ່ານລະບຽບການແຮກສ່ຽວບ້ານຕໍ່ບ້ານ, ຄຳໝັ້ນສັນຍາຂອງບັນດາຄອບຄົວທີ່ດຳລົງຊີວິດຢູ່ສອງຟາກຊາຍແດນໄດ້ສ້າງເງື່ອນໄຂໃຫ້ປະຊາຊົນແກ້ໄຂບັນດາບັນຫາທີ່ເກີດຈາກຊີວິດຕົວຈິງ ແລະ ບັນດາບັນຫາກ່ຽວກັບເຂດຊາຍແດນໂລກດ້ວຍຕົນເອງ, ຈາກນັ້ນ ແລກປ່ຽນບົດຮຽນ, ຊ່ວຍເຫຼືອເຊິ່ງກັນ ແລະ ກັນ ພັດທະນາການຜະລິດ, ແຜ່ຂະຫຍາຍ ແລະ ຍົກເລີກການປະຕິບັດທີ່ຫຼ້າສະໄຫມ...
ຜ່ານນັ້ນ, ກໍຍົກສູງຈິດໃຈແຫ່ງຊາດ ແລະ ຂອບເຂດຄວາມຮັບຜິດຊອບແຫ່ງຊາດຂອງພົນລະເມືອງແຕ່ລະຄົນກ່ຽວກັບຄວາມສະຫງົບປອດໄພເຂດຊາຍແດນ, ສະໝັກໃຈ ແລະ ປະຕິບັດບັນດາຂໍ້ກຳນົດການແຮກສ່ຽວ, ລະບຽບການຊາຍແດນແຫ່ງຊາດ ຫວຽດນາມ ແລະ ລາວ ຢ່າງເຂັ້ມງວດ.
ທ່ານພັນເອກພິເສດ ເລວັນເຟືອງ, ຜູ້ບັນຊາການກອງບັນຊາການທະຫານຊາຍແດນແຂວງ ກວາງຈິ ໃຫ້ຮູ້ວ່າ: ໃນໄລຍະຈະມາເຖິງ, ຮູບແບບແຮກສ່ຽວບ້ານຕໍ່ບ້ານ ຈະສືບຕໍ່ໄດ້ຮັບການຮັກສາ, ຍົກສູງປະສິດທິຜົນ; ໂດຍສະເພາະແມ່ນການຊຸກຍູ້ວຽກງານໜູນຊ່ວຍປະຊາຊົນຂອງປະເທດລາວໃນການພັດທະນາເສດຖະກິດຄອບຄົວ ແລະ ທ້ອງຖິ່ນ. ໄປຄຽງຄູ່ກັນນັ້ນ, ກໍ່ຍູ້ແຮງວຽກງານໂຄສະນາເຜີຍແຜ່ໃຫ້ປະຊາຊົນສອງຟາກຊາຍແດນປະຕິບັດກົດໝາຍຊາຍແດນໃຫ້ເປັນຢ່າງດີ, ເປັນການຍົກສູງຄວາມຮັບຮູ້ໃນການປົກປັກຮັກສາອະທິປະໄຕຂອງປະເທດ, ປະກອບສ່ວນກໍ່ສ້າງຊາຍແດນສັນຕິພາບ, ມິດຕະພາບ, ການຮ່ວມມື ແລະ ພັດທະນາ.
ບຸນຄົງ
