ຕະຫຼາດນັດບ໊າວລາກ, ແຂວງ ກາວບັງ ໄດ້ຈັດຂຶ້ນທຸກໆ 5 ມື້/ຄັ້ງ. ຕະຫຼາດນັດບໍ່ພຽງແຕ່ແມ່ນບ່ອນຄ້າຂາຍ, ແລກປ່ຽນສິນຄ້າຂອງພໍ່ແມ່ປະຊາຊົນບັນດາເຜົ່າເທົ່ານັ້ນ, ງານຕະຫຼາດນັດຍັງແມ່ນບ່ອນເຕົ້າໂຮມສິ່ງຍອດຢ້ຽມທາງດ້ານວັດທະນະທຳ, ຮີດຄອງປະເພນີອັນດີງາມທີ່ເຕັມໄປດ້ວຍເອກະລັກສີສັນຂອງຊາດ, ໂດຍປະຊາຊົນບັນດາເຜົ່າໄດ້ອະນຸລັກຮັກສາ ແລະ ກາຍເປັນຈຸດວັດທະນະທຳທີ່ເປັນ ເອກະລັກສະເພາະຂອງບັນດາເຜົ່າສ່ວນໜ້ອຍຢູ່ທີ່ນີ້.
ຈາກນະຄອນ ກາວບັງ ໄປຫາ ບ໊າວລາກ ຕ້ອງໃຊ້ເວລາເຄິ່ງມື້ (150 ກິໂລແມັດ).
ສີສັນຕະຫຼາດນັດບ໊າວລາກ.
ພໍ່ແມ່ປະຊາຊົນບັນດາເຜົ່ານຸ່ງຊຸດພື້ນເມືອງໄປຕະຫຼາດນັດແຕ່ຮຸ່ງເຊົ້າ.
ຕະຫຼາດນັດບ໊າວລາກ ຕັ້ງຢູ່ຖະໜົນນ້ອຍໃນໃຈກາງເທດສະບານ, ເບື້ອງໜຶ່ງແມ່ນຝັ່ງແມ່ນ້ຳເກິມ. ຕະຫຼາດນັດແມ່ນຈັດຂຶ້ນໃນວັນທີ 5, 10, 15, 20, 25 ແລະ 30 ຂອງເດືອນຕາມຈັນທະປະຕິທິນ.ລ
ຈຸດເອກະລັກສະເພາະຂອງງານຕະຫຼາດນັດບ໊າວລາກ ບໍ່ພຽງແຕ່ແມ່ນການຄ້າຂາຍແລກປ່ຽນທີ່ຄຶກຄື້ນເທົ່ານັ້ນ, ຫາກຍັງແມ່ນການອະນຸລັກຮັກສາສີສັນວັດທະນະທຳ.
ບັນດາຜະລິດຕະພັນກະເສດ ທີ່ພໍ່ແມ່ປະຊາຊົນວາງຂາຍຢູ່ຕະຫລາດ.
ຈຸດເອກະລັກສະເພາະຂອງງານຕະຫຼາດນັດບ໊າວລາກ ບໍ່ພຽງແຕ່ແມ່ນການຄ້າຂາຍແລກປ່ຽນທີ່ຄຶກຄື້ນເທົ່ານັ້ນ, ຫາກຍັງແມ່ນການອະນຸລັກຮັກສາສີສັນວັດທະນະທຳຂອງຊາວເຜົ່າມົ້ງ, ຢາວ, ໂລໂລ…
ໄປງານຕະຫຼາດນັດກໍແມ່ນໂອກາດເພື່ອພົບປະຍາດຕິພີ່ນ້ອງ ແລະ ໝູ່ເພື່ອນ...
ເຄື່ອງນຸ່ງອາພອນພື້ນເມືອງຂອງບັນດາເຜົ່າກໍ່ໄດ້ຂາຍຢູ່ຕະຫລາດນັດເປັນຈໍານວນຫຼວງຫຼາຍ.
ພິເສດ ຮ້ານອາຫານແມ່ນເຕັມໄປດ້ວຍນັກທ່ອງທ່ຽວ. ເຖິງວ່າຈະລຽບງ່າຍ, ແຕ່ເຕັມໄປດ້ວຍວັດທະນະທຳການອາຫານທີ່ຫຼາກຫຼາຍ ແລະ ເປັນເອກະລັກສະເພາະ, ມີລັກສະນະສີສັນວັດທະນະທຳຂອງຊົນເຜົ່າເຂດພູສູງ.
ບູນມີ
