 |
| ລາຍການໂອ້ລົມສົນທະນາແມ່ຍິງການນຳ 2024. |
ລາຍການແມ່ນເພື່ອແນໃສ່ຊຸກຍູ້ໃຫ້ແມ່ຍິງ, ພິເສດແມ່ນເດັກຍິງ ແລະ ນັກຮຽນຍິງຢູ່ ດ້ຽນບຽນ ແລະ ບັນດາເຂດພູດອຍທາງພາກເໜືອ, ກ້າໄຝ່ຝັນ, ຜ່ານຜ່າບັນດາສິ່ງກີດຂວາງ ແລະ ຄວາມຄິດຕາຍຕົວເພື່ອເສີມຂະຫຍາຍຄວາມສາມາດບົ່ມຊ້ອນຂອງຕົນ. ນີ້ແມ່ນການເຄື່ອນໄຫວເພື່ອຕອບສະໜອງເດືອນການກະທຳເພື່ອຄວາມສະເໝີພາບທາງເພດ ແລະ ການປ້ອງກັນ ຕ້ານ, ຮັບມືກັບການໃຊ້ຄວາມຮຸນແຮງບົນພື້ນຖານທາງເພດ 2024 ແລະ ມຸ່ງໄປເຖິງສະເຫຼີມສະຫຼອງຄົບຮອບ 30 ປີ ວັນຖະແຫຼງການ ແລະ ໂຄງການການກະທຳ ປັກກິ່ງ (Beijing+30).
ໂຄງການມີການເຂົ້າຮ່ວມຂອງທ່ານນາງ Caroline Nyamayemombe, ຫົວໜ້າຜູ້ຕາງໜ້າ UN Women ປະຈຳ ຫວຽດນາມ; ທ່ານນາງ ວືດ່າວມິ, ຮອງປະທານສະຫະພັນແມ່ຍິງແຂວງ ດ້ຽນບຽນ, ພ້ອມກັບການນຳແມ່ຍິງຊາວໜຸ່ມມາຈາກບັນດາຊຸມຊົນຊົນເຜົ່າສ່ວນໜ້ອຍ, ບັນດາອົງການພັດທະນາ...
ຢູ່ທີ່ນີ້, ມີຊາວໜຸ່ມ ແລະ ນັກສຶກສາ 150 ກວ່າຄົນ ໄດ້ພ້ອມຮັບຟັງ ແລະ ປຶກສາຫາລືກ່ຽວກັບບັນດາເລື່ອງຜົນສຳເລັດ, ແບ່ງປັນບັນດາຂໍ້ລິເລີ່ມໃນການຊຸກຍູ້ຄວາມສະເໝີພາບທາງເພດ ແລະ ບົດບາດການນຳພາຂອງແມ່ຍິງ, ພິເສດແມ່ນແມ່ຍິງບັນດາຊົນເຜົ່າສ່ວນໜ້ອຍຢູ່ໃນຫຼາຍຂົງເຂດຕ່າງກັນຄື: ດຳເນີນທຸລະກິດ, ວິທະຍາສາດ, ປ່າໄມ້, ການສຶກສາ ແລະ ຊຸມຊົນ.
 |
| ບັນດາເລື່ອງລາວຄວາມສໍາເລັດ ແລະ ສົ່ງແຮງບັນດານໃຈໄດ້ຖືກແບ່ງປັນຢູ່ໃນລາຍການ. |
ກໍ່ມຸ່ງໄປເຖິງສະເຫຼີມສະຫຼອງຄົບຮອບ 30 ປີ ວັນຖະແຫຼງການ ແລະ ໂຄງການການກະທຳ ປັກກິ່ງ (Beijing+30), UN Women ດຳເນີນຂະບວນການ #GenTalk - ຂໍ້ລິເລີ່ມຂອງຊາວໜຸ່ມຊຸກຍູ້ການສົນທະນາ ແລະ ການກະທຳເພື່ອຄວາມສະເໝີພາບທາງເພດ. ນີ້ແມ່ນໂອກາດເພື່ອໃຫ້ບັນດາໄວໜຸ່ມສາມາດແບ່ງປັນຂໍ້ລິເລີ່ມ, ສົ່ງແຮງບັນດານໃຈໃຫ້ຊາວໜຸ່ມ ຢູ່ ດ້ຽນບຽນ ຢ່າງເຂັ້ມແຂງ ແລະ ບັນດາເຂດອ້ອມຂ້າງກາຍເປັນຜູ້ສ້າງການປ່ຽນແປງໃນອະນາຄົດຢ່າງຕັ້ງໜ້າ.
ລາຍການດັ່ງກ່າວຄາດວ່າຈະສົ່ງແຮງບັນດານໃຈ ແລະ ຊຸກຍູ້ບັນດາການນຳແມ່ຍິງຊາວໜຸ່ມຢູ່ ດ້ຽນບຽນ ແລະ ບັນດາແຂວງເຂດພູດອຍທາງພາກເໜືອ, ປຸກລະດົມຈິດໃຈກ້າຄິດ, ກ້າເຮັດ ແລະ ກ້າປ່ຽນແປງ. ພ້ອມກັນນັ້ນ, ກໍ່ສ້າງວັດທະນະທຳການນຳທີ່ສະເໝີພາບ ແລະ ຮອບດ້ານ, ບ່ອນທີ່ແມ່ຍິງສາມາດປະກອບສ່ວນເຂົ້າໃນບັນດາບັນຫາສັງຄົມ ແລະ ການພັດທະນາແບບຍືນຍົງ.
 | ຍສໝ - ວັນທີ 25 ພຶດສະພາ, ມະຫາວິທະຍາໄລສ້າງຄູ-ມະຫາວິທະຍາໄລດ່ານັ້ງ ໄດ້ຈັດຕັ້ງລາຍການແລກປ່ຽນດ້ວຍຫົວຂໍ້ວ່າ “ນັກຮຽນ, ນັກສຶກສາພ້ອມກັບກິດຈະກຳຮັບໃຊ້ຊຸມຊົນ”, ໃຫ້ຄຳປຶກສາທາງອອນລາຍເພື່ອຮັບສະໝັກສອບເສັງ ເຂົ້າມະຫາວິທະຍາໄລ ໃນປີ 2022 ແລະ ປະກາດໝາກຜົນການພິຈາລະນາ ທຶນການສຶກສາ “ສົ່ງແຮງບັນດານໃຈ UED" ປີ 2022. |
 | ຜູ້ຊ່ຽວຊານຫວຽດນາມ ສົ່ງແຮງບັນດານໃຈໃຫ້ແກ່ນັກສຶກສາເຕັກໂນໂລຢີຍີ່ປຸ່ນ ເກືອບ 100 ຄົນ ຍສໝ - ນັກສຶກສາເກືອບ 100 ຄົນທີ່ມາຈາກມະຫາວິທະຍາໄລ 10 ແຫ່ງໃນປະເທດຍີ່ປຸ່ນ ໄດ້ເຂົ້າຮ່ວມໃນການໂອ້ລົມກັບຜູ້ຊ່ຽວຊານ (Industry Lecture) ທີ່ຈັດໂດຍ FUNiX Japan. ນັກປາຖະກະຖາແມ່ນບັນດາຊ່ຽວຊານຫວຽດນາມ. |
ແທັງຮັ່ງ
