ກຳລັງຮັກສາສັນຕິພາບສະຫະປະຊາຊາດຫວຽດນາມ ໄດ້ຈັດພິທີສະເຫຼີມສະຫຼອງ 77 ປີແຫ່ງວັນຊາດຫວຽດນາມຢູ່ ຊູດັງໃຕ້
	ຫວຽດນາມ ຈະເຂົ້າຮ່ວມການເຄື່ອນໄຫວຮັກສາສັນຕິພາບຂອງ ສປຊ ຢ່າງເລິກເຊິ່ງ, ກ້ວາງຂວາງກ່ວາອີກ

ສະຫາຍ ພົນຈັດຕະວາ ຮວິ່ງດັກເຮືອງ ໄດ້ສະແດງຄວາມປິຕິຊົມຊື່ນເມື່ອໄດ້ກັບຄືນມາຢ້ຽມຢາມປະເທດລາວ ອີກຄັ້ງ, ໂດຍຢັ້ງຢືນວ່າ ສາຍພົວພັນແບບພິເສດລະຫວ່າງສອງປະເທດຫວຽດນາມ-ລາວ ເຕັມໄປດ້ວຍການເພີ່ມພູນຄູນສ້າງ, ປົກປັກຮັກສາດ້ວຍເຫື່ອແຮງ ແລະເລືອດເນື້ອຂອງທະຫານ ແລະປະຊາຊົນລຸ້ນຕ່າງໆຂອງສອງປະເທດ, ກາຍເປັນຊັບສົມບັດອັນລໍ້າຄ່າຂອງສອງປະເທດ, ແມ່ນສາຍພົວພັນຫາຍາກຂອງປະຫວັດສາດໃນໂລກ.

ສະຫາຍ ທອງລຸນ ສີສຸລິດ ຕ້ອນຮັບຄະນະຜູ້ແທນອະດີດນັກຊ່ຽວຊານ ແລະທະຫານອາສາສະໝັກຫວຽດນາມ ຢູ່ລາວ. ພາບ: ສໍານັກຂ່າວສານຫວຽດນາມ.

ທີ່ການຕ້ອນຮັບຄັ້ງຕ່າງໆ, ສະຫາຍ ທອງລຸນ ສີສຸລິດ ແລະສະຫາຍ ໄຊສົມພອນ ພົມວິຫານ ໄດ້ຕາງໜ້າພັກ, ລັດຖະບານ ແລະປະຊາຊົນລາວ ຕີລາຄາສູງ ແລະຂອບໃຈການຊ່ວຍເຫຼືອທີ່ລໍ້າຄ່າຂອງພັກ, ລັດ ແລະປະຊາຊົນຫວຽດນາມ ເວົ້າລວມ, ໂດຍເນັ້ນໜັກເຖິງການເສຍສະຫຼະເລືອດເນື້ອຢ່າງໃຫຍ່ຫຼວງຂອງທະຫານອາສາສະໝັກ ແລະອະດີດນັກຊ່ຽວຊານຫວຽດນາມ ຢູ່ລາວ ບໍ່ພຽງແຕ່ຊ່ວຍການປະຕິວັດລາວ ຍາດໄດ້ເອກະລາດຢ່າງສົມບູນໃນວັນທີ 2 ທັນວາ ປີ 1975 ເທົ່ານັ້ນ, ຫາກຍັງປະກອບສ່ວນສ້າງການພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານ ລາວ-ຫວຽດນາມ, ພ້ອມທັງສ້າງສາຍພົວພັນແບບພິເສດ, ຫາຍາກໃນການພົວພັນສາກົນໃນໂລກອີກດ້ວຍ.

ສະຫາຍ ທອງລຸນ ສີສຸລິດ ແລະສະຫາຍ ໄຊສົມພອນ ພົມວິຫານ ໄດ້ຢັ້ງຢືນວ່າ ຈະພ້ອມກັບສະຫາຍການນໍາລາວ ສຸມໃສ່ສຶກສາອົບຮົມປະຊາຊົນລາວ, ພິເສດແມ່ນໄວໜຸ່ມເພື່ອເຂົ້າໃຈກ່ຽວກັບສາຍພົວພັນແບບພິເສດລາວ-ຫວຽດນາມ ຢ່າງເລິກເຊິ່ງ, ຈາກນັ້ນມີຄວາມຮັບຜິດຊອບສືບຕໍ່ຮັກສາສາຍພົວພັນແບບພິເສດນີ້ໃຫ້ໝັ້ນຄົງຂະໜົງແກ່ນຊົ່ວກາລະນານ.