| ຫວຽດນາມ ພ້ອມແລ້ວທີ່ຈະປະກອບສ່ວນຢ່າງແທດຈິງ ຢູ່ເວທີປາໄສພັດທະນາຂອງ ສປຊ | |
| ຫວຽດນາມ ແມ່ນຄູ່ຮ່ວມມືທີ່ໄວ້ເນື້ອເຊື່ອໃຈ, ໝັ້ນຄົງເຂັ້ມແຂງຂອງ ສປຊ |
 |
| ທ່ານນາງ Pauline Tamesis ແລະ ທ່ານພົນໂທ ຮ່ວາງຊວນຈ໊ຽນ (ພາບ:Hồng Pha/TTXVN) |
ຫວ່າງແລ້ວນີ້, ໃນການຕ້ອນຮັບທ່ານນາງ Pauline Tamesis, ຜູ້ປະສານງານ ສປຊ ປະຈຳ ຫວຽດນາມ ທີ່ສຳນັກງານກະຊວງປ້ອງກັນປະເທດ ຫວຽດນາມ, ທ່ານພົນໂທ ຮ່ວາງຊວນຈ໊ຽນ, ຮອງລັດຖະມົນຕີກະຊວງປ້ອງກັນປະເທດໄດ້ເນັ້ນໜັກວ່າ: ປີ 2022 ມີຄວາມໝາຍສຳຄັນ, ແມ່ນປີສະເຫຼີມສະຫຼອງ 45 ປີແຫ່ງວັນ ຫວຽດນາມ ເຂົ້າຮ່ວມ ສປຊ. ທ່ານຮອງລັດຖະມົນຕີກະຊວງປ້ອງກັນປະເທດ ໄດ້ຕີລາຄາສູງບັນດາການໜູນຊ່ວຍຂອງ ສປຊ, ບັນດາອົງການເຈົ້າໜ້າທີ່ຂອງ ສປຊ ປະຈຳ ຫວຽດນາມ ໃນໄລຍະຜ່ານມາ, ຫວັງວ່າ, ໄລຍະຈະມາເຖິງ, ສປຊ ຈະສືບຕໍ່ຮ່ວມເດີນທາງພ້ອມກັບກະຊວງປ້ອງກັນປະເທດ ຫວຽດນາມ ໃນຫຼາຍຂົງເຂດ. ກ່ຽວກັບການເຂົ້າຮ່ວມຂອງ ຫວຽດນາມ ຢູ່ກຳລັງຮັກສາສັນຕິພາບ ສປຊ, ທ່ານພົນໂທ ຮ່ວາງຊວນຈ໊ຽນ ຢັ້ງຢືນວ່າ: ໄລຍະຈະມາເຖິງ, ແຜນນະໂຍບາຍຂອງ ຫວຽດນາມ ແມ່ນເຂົ້າຮ່ວມການເຄື່ອນໄຫວນີ້ ຢ່າງເລິກເຊິ່ງ, ກ້ວາງຂວາງກ່ວາ, ສະເໜີໃຫ້ ສປຊ ສືບຕໍ່ສະໜັບສະໜູນ ບັນດາຄຳໝັ້ນສັນຍາ ແລະ ຄຳຕັດສິນໃຈດ້ານການເມືອງຂອງ ຫວຽດນາມ ໃນການເຂົ້າຮ່ວມການເຄື່ອນໄຫວຮັກສາສັນຕິພາບ ສປຊ, ສ້າງເງື່ອນໄຂສະດວກເພື່ອສືບຕໍ່ຊຸກຍູ້ບັນດາການເຄື່ອນໄຫວຮ່ວມມືໃນຂົງເຂດນີ້.
