| ການາດາ ປະທັບໃຈຕໍ່ບັນດາຜົນງານຂອງ ຫວຽດນາມ | |
| ໜັງສືພິມທ່ອງທ່ຽວ ການາດາ: ອ່າວຮ້າລອງ - top 5 ຈຸດທ່ອງທ່ຽວທີ່ງາມທີ່ສຸດໃນໂລກປີ 2022 |
 |
| ສື່ສິ່ງພິມທີ່ແນະນຳກ່ຽວກັບການທ່ອງທ່ຽວຫວຽດນາມ. ພາບ: ສໍານັກຂ່າວສານຫວຽດນາມ. |
ພາຍຫຼັງສອງປີທີ່ຢຸດສະຫງັກ, ງານຕະຫຼາດນັດການທ່ອງທ່ຽວ ແລະບໍລິການຈັດຈອງສາກົນ ໄດ້ເປີດປະຕູຄືນໃໝ່ຢູ່ນະຄອນ Montreal, ການາດາ ໃນໄລຍະແຕ່ວັນທີ 28-30 ຕຸລາ, ດ້ວຍການເຂົ້າຮ່ວມຂອງບັນດາບໍລິສັດທ່ອງທ່ຽວ, ຜູ້ບໍລິຫານລາຍການທ່ອງທ່ຽວ,... ຂອງ 100 ກວ່າປະເທດ. ເຫດການລວມມີກອງປະຊຸມສໍາມະນາສະເພາະຂະແໜງການ, ລາຍການສະແດງສິລະປະ (ຟ້ອນ, ດົນຕີພື້ນເມືອງ), ວາງສະແດງເຄື່ອງຫັດຖະກໍາສິລະປະ, ການເຄື່ອນໄຫວບັນເທີງ... ທີ່ງານຕະຫຼາດນັດ, ຮ້ານວາງສະແດງແນະນໍາບັນດາສະຖານທີ່ທ່ອງທ່ຽວທີ່ມີຊື່ສຽງຂອງຫວຽດນາມ ທີ່ດຶງດູດນັກທ່ອງທ່ຽວຈໍານວນຫຼວງຫຼາຍ.
ທ່ານ ຟ້າມກາວຟອງ ເອກອັກຄະລັດຖະທູດຫວຽດນາມ ປະຈໍາ ການາດາ ຢັ້ງຢືນວ່າ ຈໍານວນຊາວ ການາດາ ເອົາໃຈໃສ່ເຖິງຕະຫຼາດຫວຽດນາມ, ຢາກທໍາມາຫາກິນ ແລະໄປທ່ຽວຫວຽດນາມ ນັບມື້ນັບຫຼາຍຂຶ້ນ, ພິເສດແມ່ນໃນລະດູໜາວຢູ່ການາດາ. ຫວຽດນາມ ໄດ້ຮັບຖືວ່າ ແມ່ນສະຖານທີ່ທ່ອງທ່ຽວທີ່ດີສໍາລັບນັກທ່ອງທ່ຽວຮັກຄວາມງາມແບບໂຣແມນຕິກ, ຄວາມສະຫງົບສຸກຂອງຫາດຊາຍຂາວທີ່ຍາວຢຽດ, ນິຍົມເສັ້ນທາງທີ່ຄົດລ້ຽວໂງເງ, ນາຂັ້ນໄດ...
ທ່ານນາງ Manon Ferlatte ນັກຊ່ຽວຊານໃຫ້ຄໍາປຶກສາໃນຂະແໜງການທ່ອງທ່ຽວ ກໍຕີລາຄາວ່າ ການເຄື່ອນໄຫວທ່ອງທ່ຽວຂອງຫວຽດນາມ ໄດ້ຈັດຕັ້ງເປັນຢ່າງດີ ແລະຢັ້ງຢືນວ່າ ຫວຽດນາມ ແມ່ນສະຖານທີ່ທ່ອງທ່ຽວທີ່ສຸດຍອດເພື່ອໄປທ່ອງທ່ຽວ.
la.qdnd.vn
