ບັນດາໜອງງາມຢູ່ໃກ້ຮ່າໂນ້ຍ ຈະເຮັດໃຫ້ແຂກທ່ອງທ່ຽວຮູ້ສຶກຮັກ

07:15 | 13/10/2022

ຍສໝ - ໂດຍບໍ່ຕ້ອງເປັນຫ່ວງກ່ຽວກັບຄວາມຫຍຸ້ງຍາກໃນຊີວິດປະຈຳວັນ ເພື່ອເຊື່ອມຕົວເຂົ້າກັບທຳມະຊາດທີ່ສວຍສົດງົດງາມ ແລະ ສະຫວາດສະເຫວີຍຢູ່ຂ້າງບັນດາໜອງທີ່ສວຍງາມດັ່ງໃນຝັນຢູ່ຊານເມືອງນະຄອນ.

	ຫວຽດນາມ ນັບມື້ນັບໄດ້ກາຍເປັນໜຶ່ງໃນບັນດາພື້ນຖານເສດຖະກິດຫາກໍ່ພົ້ນເດັ່ນ ແລະ ມີບົດບາດສຳຄັນແຖວໜ້າ ຢູ່ ອາຊີ
	ປະຊາຄົມພັດທະນາສາກົນ ມີຄວາມສົນໃຈຕໍ່ຍຸດທະສາດຮັບມືກັບການປ່ຽນແປງຂອງດິນຟ້າອາກາດ ຂອງ ຫວຽດນາມ

ໃນການດຳລົງຊີວິດປະຈຳວັນທີ່ວຸ້ນວາຍ, ພວກເຮົາທຸກໆຄົນຕ້ອງການເວລາເພື່ອຜັກຜ່ອນເພື່ອຮັກສາສຸຂະພາບ ແລະ ການໄປຜ່ອນຄາຍ ກໍ່ໄດ້ຮັບຖືວ່າແມ່ນໜຶ່ງໃນບັນດາຮູບແບບທ່ອງທ່ຽວຜ່ອນຄາຍທີ່ມີຄວາມເອກະລັກພິເສດພໍສົມຄວນ. ຖ້າຫາກຢາກຫຼີກອອກຈາກຕົວເມືອງທີ່ຄຶກໂຄມໜາແໜ້ນ ແຕ່ພັດຈຳກັດກ່ຽວກັບດ້ານວັນເວລານັ້ນ, ຢູ່ໃກ້ກັບຮ່າໂນ້ຍ ກໍ່ມີສະຖານທີ່ທ່ອງທ່ຽວຫຼາຍແຫ່ງທີ່ເປັນໜ້າດຶງດູດໃຈ. ໜຶ່ງໃນບັນດາສະຖານທີ່ແຫ່ງນັ້ນຕ້ອງເວົ້າເຖິງໜອງແຫ່ງຕ່າງໆຢູ່ຊານເມືອງ. ຢູ່ບ່ອນນັ້ນ, ທ່ານບໍ່ພຽງແຕ່ໄດ້ຊົມທິດທັດທຳມະຊາດທີ່ສະຫງົບຫງຽບເທົ່ານັ້ນ ຫາກຍັງໄດ້ລົງຕົວຈິງກັບການເຄື່ອນໄຫວທີ່ເປັນໜ້າຈັບໃຈ, ຊ່ວຍຜ່ອນຄາຍໄດ້ດີທີ່ສຸດ.

ໜອງຈ່ອມນູຍ

ພາບ: @Toàn Vũ

ໜອງຈ່ອມນູຍ ຫຼືຍັງເອີ້ນວ່າ ໜອງຮວາເຊີນ ແມ່ນສະຖານທີ່ທ່ອງທ່ຽວໃກ້ກັບຮ່າໂນ້ຍ, ເຖິງວ່າບໍ່ແມ່ນສະຖານທີ່ໃໝ່ແຕ່ແຫ່ງນີ້ພວມກັບມາໄດ້ຮັບຄວາມນິຍົມຊົມຊອບຄືນໃໝ່ໃນໄລຍະມໍ່ໆມານີ້ ດ້ວຍບັນດາພາບຖ່າຍທີ່ເຕັມໄປດ້ວຍຄວາມສະຫງົບສຸກ ເຊິ່ງພື່ອນໜຸ່ມຫຼາຍຄົນແບ່ງປັນ, ເຮັດໃຫ້ຜູ້ຄົນທີ່ມັກຮັກການທ່ອງທ່ຽວຮູ້ດີຕໍ່ໃຈ.

ໂດຍຕັ້ງຢູ່ຕາແສງນາມເຊີນ, ເມືອງຊອກເຊີນ, ຢູ່ຫ່າງຈາກໃຈກາງຮ່າໂນ້ຍປະມານ 4 ກີໂລແມັດ, ເດີນທາງດ້ວຍລົດໃຊ້ເວລາປະມານ 1 ຊົ່ວໂມງ, ຢູ່ນີ້ແມ່ນໜອງທຳມະຊາດມີເນື້ອທີ່ກວ້າງໃຫຍ່ພ້ອມກັບທິວທັດທຳມະຊາດທີ່ສວຍງາມ ດັ່ງນັ້ນ ບໍ່ຮູ້ສຶກແປກໃຈເລີຍທີ່ສະຖານທີ່ແຫ່ງນີ້ດຶງດູດໃຈຜູ້ຄົນໄດ້ເປັນຈຳນວນຫຼາຍ.

ໜອງກວານເຊີນ

ພາບ: @irl.yolo

ໄດຍໄດ້ປຽບເໝືອນ ຮະລອງ ຂະໜາດນ້ອຍ, ໜອງກວານເຊີນແມ່ນໜຶ່ງໃນໜອງງາມຢູ່ຊານນະຄອນ. ໂດຍນອນຢູ່ຫ່າງຈາກນະຄອນຮ່າໂນ້ຍພຽງແຕ່ປະມານ 50 ກີໂລແມັດ, ໜອງກວານເຊີນ ຂຶ້ນກັບເມືອງ ໝີດຶກ (ຮ່າໂນ້ຍ) ມີສວ່ນໜຶ່ງຂຶ້ນກັບແຂວງຮ່ວາບິ່ງ.

ໜອງມີທິວທັດທຳມະຊາດທີ່ສວຍງາມດ້ວຍກ່ວາ 20 ຈອມພູຫີນປູນນ້ອຍໃຫຍ່ຢູ່ອ້ອມຮອບໜອງ, ພ້ອມກັບຊີວະນາໆພັນທີ່ຂຽວສົດງົດງາມ, ສະຖານທີ່ແຫ່ງນີ້ດຶງດູດໄວໜຸ່ມຫຼາຍຄົນມາຖ່າຍຮູບ, ນັ່ງເຮືອຊົມໜອງ, ຕັ້ງຄ້າຍ.

ບໍ່ພຽງແຕ່ມີຄວາມງາມແບບຮົກເຮື້ອ, ໜອງກວານເຊີນ ຍັງປະກົດມີດ້ວຍຮູບພາບທີ່ສະຫງົບສຸກຂອງເຂດທົ່ງພຽງພາກເໜືອ ດ້ວຍເຮືອນຫຼາຍຫຼັງ, ຝັ່ງແຄມແມ່ນ້ຳ, ທົ່ງນາ, ຈຸດພົ້ນເດັ່ນໃນທິວທັດທີ່ສວຍງາມນີ້ແມ່ນລະດູດອກບົວ, ດອກ bombax. ອາກາດປອດໂປ່ງບໍລິສຸດ ແຕກຕ່າງກັນຫຼາຍກັບກິ່ນຄວັນຢູ່ເຂດຕົວເມືອງ, ແນ່ນອນວ່າແຫ່ງນີ້ຈະແມ່ນແດນສະຫວັນສຳລັບຫຼາຍຄົນ.

ໜອງດົ່ງແຈງ

ພາບ: @q.tranphot

ໂດຍນອນຢູ່ຫ່າງຈາກນະຄອນຮ່າໂນ້ຍ ພຽງແຕ່ 40 ກີໂລແມັດ, ໜອງດົ່ງແຈງ ນອນຢູ່ຕາແສງ ຍວນແຈກ, ເມືອງເລືອງເຊີນ, ແຂວງຮ່ວາບິ່ງ, ນີ້ແມ່ນສະຖານທີ່ທ່ອງທ່ຽວທີ່ໃໝ່ອ່ຽມ ແລະ ໄດ້ຮັບຄວາມນິຍົມຊົມຊອບຈາກຫຼາຍຄົນ.

ໂດຍມີຄວາມງານແບບທຳມະຊາດຮົກເຮື້ອ ແຕ່ຍັງງາມກ່ວາເມື່ອທຽບໃສ່ກັບໜອງແຫ່ງອື່ນ, ໜອງດົ່ງແຈງ ປະກົດຂຶ້ນດ້ວຍຮູບພາບຂອງໜອງທີ່ກວ້າງໃຫຍ່ ແລະ ມີສີຟ້າບິກ, ບັນດາສາຍພູທີ່ຢູ່ສອງຟາກ ຈະເຮັດໃຫ້ທ່ານຫຼົງໄຫຼຈົນບໍ່ຢາກອອກຈາກເຂດນີ້.

ມາໜອງດົ່ງແຈງ ທ່ານບໍ່ຕ້ອງເສຍຄ່າຫຍັງໝົດ, ມີແຕ່ຂໍ້ເສຍຢູ່ຈຸດໜຶ່ງນັ້ນແມ່ນຢູ່ແຫ່ງນີ້ບໍ່ມີຕົ້ນໄມ້ ດັ່ງນັ້ນ ຍາມຕອນທ່ຽງແດດຈະຮ້ອນຫຼາຍ ແລະ ຕອນຄ່ຳກໍ່ມີລົມພັດໜາວ, ເພາະສະນັ້ນ ຖ້າມາແຫ່ງນີ້ຈົ່ງກະກຽມເຄື່ອງຂອງກໍ່ຄືສົ້ງເສື້ອທີ່ຈຳເປັນເພື່ອມີການລະຫຼິ້ນບັນເທິງທີ່ດີທີ່ສຸດ.