| ຫວຽດນາມ ຍາດໄດ້ຄວາມເຊື່ອໝັ້ນຂອງສາກົນ ຍ້ອນມີການປະກອບສ່ວນຢ່າງມີຄວາມຮັບຜິດຊອບ | |
| ຫວຽດນາມ ຕັດສິນໃຈປະຕິບັດບັນດາຄຳເໝັ້ນສັນຍາສາກົນ ກ່ຽວກັບການປ່ຽນແປງຂອງດິນຟ້າອາກາດ |
 |
| ທ່ານນາງເອກອັກຄະລັດຖະທູດ ເລທິຕວຽດມາຍ |
ທ່ານນາງເອກອັກຄະລັດຖະທູດ ເລທິຕວຽດມາຍ, ຫົວໜ້າຄະນະຜູ້ຕາງໜ້າ ຫວຽດນາມ ຄຽງຂ້າງ ສປຊ, ອົງການການຄ້າ ໂລກ (WTO) ແລະ ບັນດາອົງການຈັດຕັ້ງສາກົນຢູ່ ເຊີແນວ ໄດ້ເຂົ້າຮ່ວມໃນຖານະເປັນນັກປະຖະກະຖາ ຢູ່ ສອງກອງປະຊຸມໃນ BBW 2022.
ຢູ່ສອງເຫດການນີ້, ທ່ານນາງ ເອກອັກຄະລັດຖະທູດ ເລທິຕວຽດມາຍ ໄດ້ແນະນຳແຜນນະໂຍບາຍ, ນະໂຍບາຍຂອງ ຫວຽດນາມ ໃນການຮັບມືກັບການປ່ຽນແປງຂອງດິນຟ້າອາກາດ, ຫຼຸດຜ່ອນໄພທຳມະຊາດ, ຟື້ນຟູ ແລະ ປົກປັກຮັກສາຊັບພະຍາກອນທຳມະຊາດຢູ່ເຂດທະເລຂອງ ຫວຽດນາມ.
ໃນແຜນການພັດທະນາເສດຖະກິດ - ສັງຄົມ ໄລຍະ 2021 – 2025 ຂອງຫວຽດນາມ ໃຫ້ບຸລິມະສິດການຮັບມືກັບການປ່ຽນແປງຂອງດິນຟ້າອາກາດ, ປົກປັກຮັກສາສິ່ງແວດລ້ອມ, ການຫັນເປັນເສດຖະກິດໝູນວຽນ ແລະ ຊັບພະຍາກອນສີຂຽວເພື່ອເປົ້າໝາຍພັດທະນາແບບຍືນຍົງ. ຫວຽດນາມ ໄດ້ ແລະ ພວມປະຕິບັດໂຄງການແຫ່ງຊາດກ່ຽວກັບການພັດທະນາແບບຍືນຍົງໂດຍລັດຖະບານຮັບຮອງເອົາໃນປີ 2017 ແລະ ຍຸດທະສາດພັດທະນາເສດຖະກິດທະເລແບບຍືນຍົງຮອດປີ 2030, ວິໄສທັດຮອດປີ 2045 ທີ່ໄດ້ປະກາດໃຊ້ໃນປີ 2018.
ເລື່ອງຄະນະຈັດຕັ້ງບັນດາເຫດການເຊື້ອເຊີນຜູ້ຕາງໜ້າ ຫວຽດນາມ ເຂົ້າຮ່ວມປຶກສາຫາລືກໍ່ຄືເລື່ອງຫວຽດນາມຜັນຂະຫຍາຍການຮ່ວມມືສາກົນໃນຂົງເຂດນີ້ກໍເປັນການສະແດງໃຫ້ຫວຽດນາມ ໄດ້ຮັບຄວາມເອົາໃຈໃສ່ຈາກປະຊາຄົມພັດທະນາສາກົນກ່ຽວກັບຍຸດທະສາດການຮັບມືກັບການປ່ຽນແປງຂອງດິນຟ້າອາກາດ ແລະ ໂຄງການດຳເນີນງານກ່ຽວກັບສິ່ງແວດລ້ອມ ແລະ ດິນຟ້າອາກາດ.
ໄຊພອນ
