| ປະຊາຄົມຄົນຫວຽດນາມທີ່ໂປໂລຍຈັດບຸນມະຫາພຸດທິເບກ ພສ 2565 | |
| ຫວຽດນາມ ໄດ້ຮັບວັກຊີນກັນໂຄວິດ -19 ຫຼາຍກວ່າ 501.000 ໂດສ ໂດຍປະເທດໂປໂລຍອຸປະຖຳ |
ເຂົ້າຮ່ວມພິທີສະເຫຼີມສະຫຼອງ ມີທ່ານ ຫງວຽນຮຸ່ງ, ເອກອັກຄະລັດຖະທູດ ຫວຽດນາມ ປະຈຳ ໂປໂລຍ, ຜູ້ຕາງໜ້າບັນດາອົງການຊຸມຊົນ, ສະມາຊິກຂອງສະໂມສອນ ແລະ ປະຊາຄົມຊາວຫວຽດນາມອາໄສຢູ່ ໂປໂລຍ ເປັນຈຳນວນຫຼວງຫຼາຍ.
ທີ່ພິທີສະເຫຼີມສະຫຼອງ, ສະໂມສອນ ຮ່າແທ່ງ ໄດ້ສາຍຫວນຄືນບັນດາຮູບພາບທີ່ເປັນເອກະລັກສະເພາະຂອງຮ່າໂນ້ຍ ເຊັ່ນ: ໂອກວານເຈືອງ, ລົດສາມລໍ້, ຮ້ານຂາຍດອກໄມ້, ຮ້ານຂາຍອາຫານຕາມຖະໜົນ ແລະ ອາຫານຕາມຖະໜົນທີ່ມີລັກສະນະພິເສດສະເພາະຂອງຮ່າໂນ້ຍ….
 |
| ປະຊາຄົມຊາວຫວຽດນາມ ຢູ່ ໂປໂລຍ ສະເຫຼີມສະຫຼອງ 68 ປີແຫ່ງວັນປົດປ່ອຍນະຄອນຫຼວງ. |
ທີ່ພິທີກໍໄດ້ຫວນຄືນວິວັດການພັດທະນາຂອງນະຄອນຫຼວງ ຈາກຂີດໝາຍແຫ່ງປະຫວັດສາດທີ່ສະຫງ່າລາສີໃນວັນທີ 10 ຕຸລາ 1954, ທ່ານນາງ ຫງວຽນທິກິມຢູ່ງ, ປະທານສະໂມສອນ ໄດ້ຍົກໃຫ້ເຫັນບັນດາການເຄື່ອນໄຫວຂອງສະໂມສອນ ໃນໄລຍະຜ່ານມາ ແລະ ທິດທາງການເຄື່ອນໄຫວໃນຕໍ່ໜ້າ.
ນັບຕັ້ງແຕ່ 10 ປີມານີ້, ສະໂມສອນ ຮ່າແທ່ງ ຍາມໃດກໍ່ຕັ້ງໜ້າເຂົ້າຮ່ວມບັນດາກິດຈະກຳວັດທະນະທຳ, ສິລະປະ, ກິລາ ແລະ ການກຸສົນໂດຍຊຸມຊົນຊາວຫວຽດນາມ ຢູ່ ໂປໂລຍ ຈັດ. ໃນໄລຍະໂລກລະບາດ Covid-19, ສະມາຊິກສະໂມສອນຫຼາຍຄົນ ໄດ້ເຂົ້າຮ່ວມວຽກງານໜູນຊ່ວຍປະຊາຊົນໃນການປ້ອງກັນໂລກລະບາດ Covid-19, ໜູນຊ່ວຍແພດໝໍ, ພະຍາບານ ໂປໂລຍ ຢູ່ດ່ານໜ້າໃນການຕ້ານໂລກລະບາດ ແລະ ໃນໄລຍະມໍ່ໆມານີ້ ໄດ້ໜູນຊ່ວຍຊາວຫວຽດນາມ ຈາກ ຢູແກຼນ ໄປຍັງໂປໂລຍເພື່ອອົບພະຍົບ, ເຂົ້າຮ່ວມງານບຸນວັດທະນະທຳຫວຽດນາມໃນເດືອນສິງຫາ 2022.
 |
ໂດຍຕີລາຄາສູງບັນດາການປະກອບສ່ວນຂອງສະໂມສອນ ແລະ ສະມາຊິກລວມຂອງສະມາຄົມ ຫວຽດນາມ ຢູ່ ໂປໂລຍ, ທ່ານ ເຈີ່ນແອງຕວນ, ປະທານສະມາຄົມ ຫວຽດນາມ ປະຈຳ ໂປໂລຍ ປາດຖະໜາວ່າສະໂມສອນຈະສືບຕໍ່ສົມທົບກັບສະມາຄົມໃນໄລຍະຈະມາເຖິງ.
ທ່ານເອກອັກຄະລັດຖະທູດຫວຽດນາມ ປະຈຳ ໂປໂລຍ ຫງວຽນຮຸ່ງ ປາດຖະໜາວ່າສະໂມສອນ ຮ່າແທ່ງ ຈະສືບຕໍ່ເສີມຂະຫຍາຍຈິດໃຈ “ຮັກແພງເຊິ່ງກັນ ແລະ ກັນ”, ຄວາມສາມັກຄີ, ຊ່ວຍເຫຼືອ, ໜູນຊ່ວຍເຊິ່ງກັນ ແລະ ກັນ ແລະ ສືບຕໍ່ປະກອບສ່ວນເຂົ້າໃນການເຄື່ອນໄຫວຂອງປະຊາຄົມຊາວຫວຽດນາມ ປະຈຳ ໂປໂລຍ.
 |
ເນື່ອງໃນໂອກາດນີ້, ສະມາຄົມຊາວ ໂປໂລຍ ໄດ້ມອບຫຼຽນໄຊ ໃຫ້ທ່ານນາງ ຫງວຽນທິກິມຢຸງ ປະທານສະໂມສອນ ຍ້ອນໄດ້ມີບັນດາການເຄື່ອນໄຫວປະກອບສ່ວນເຂົ້າ ໃນການພັດທະນາການພົວພັນລະຫວ່າງສອງປະເທດຫວຽດນາມ - ໂປໂລຍ ແລະ ໃຫ້ເພື່ອຄວາມໝັ້ນໃຈ ແລະ ຄວາມເຂັ້ມແຂງຂອງແມ່ຍິງ.
ຄຳຮຸ່ງ
