ເຂົ້າຮ່ວມໃນບຸນກັບພີ່ນ້ອງຊາວພຸດ ມີທ່ານຜູ້ຕາງໜ້າສະຖານທູດ, ຜູ້ຕາງໜ້າສະມາຄົມຄົນຫວຽດນາມທີ່ປະເທດໂປໂລຍ ແລະ ອົງການຈັດຕັ້ງມວນຊົນອື່ນໆ. ເປັນປະທານງານບຸນໂດຍພຣະອາຈານ ທິກຈຸງດາດ, ເຈົ້າອະທິການວັດ ເຍິນຮວາ.
 |
| ປະຊາຄົມຄົນຫວຽດນາມທີ່ໂປໂລຍຈັດບຸນມະຫາພຸດທິເບກ ພສ 2565 |
ໃນງານບຸນ, ທ່ານ ບຸ່ຍວັນຢຸ ຮັກສາການປະທານສູນພຸດທະສາດສະໜາຫວຽດນາມທີ່ໂປແລນ ອ່ານຄຳເຫັນເປີດງານບຸນ, ເລົ່າເຖິງຄວາມໝາຍຂອງບຸນມະຫາພຸດທິເບກໃນວັດທະນະທຳຄວາມເຊື່ອຖືຂອງຄົນຫວຽດນາມ ແລະ ໃນມວນຊົນຄົນຫວຽດນາມທີ່ຢູ່ໂປໂລຍ.
ທ່ານນາງ ຫງວຽນຖີ້ບິກລຽນ, ເລຂາສອງ ຮັບຜິດຊອບວຽກງານປະຊາຄົມ ໄດ້ອ່ານເນື້ອໃນທັງໝົດຂອງຈົດໝາຍທ່ານເອກອັກຄະລັດຖະທູດ ຫງວຽນຮືງ. ໃນຈົດໝາຍທ່ານເອກອັກຄະລັດຖະທູດ ໄດ້ສົ່ງຄຳອວຍພອນເຖິງເຈົ້າອະທິການ, ພຣະອາຈານ ແລະ ພີ່ນ້ອງທີ່ນັບຖືພຸດທະສາດສະໜາໃນປະຊາຄົມມີແຕ່ສຸດຂະພາບແຂງແຮງ ແລະ ມີຄວາມສຸກ. ທ່ານເອກອັກຄະລັດຖະທູດ ກໍໄດ້ເນັ້ນຄືນເຫດການການສູນເສັຍ, ຄວາມຫຍຸ້ງຍາກຕ່າງໆຂອງພີ່ນ້ອງປະຊາຄົມໃນ 2 ປີຜ່ານມາຍ້ອນການແຜ່ລະບາດໃຫຍ່ຂອງພະຍາດທີ່ສ້າງຂຶ້ນ. ທ່ານເອກອັກຄະລັດຖະທູດກ່າວຂອບໃຈພີ່ນ້ອງປະຊາຄົມທີ່ໄດ້ຮ່ວມມື, ສາມັກຄີກັນ, ຊ່ວຍເຫຼືອກັນໃນການປະເຊີນໜ້າກັບພະຍາດລະບາດ. ທ່ານເອກອັກຄະລັດຖະທູດເຊື່ອໝັ້ນວ່າ ໃນໄລຍະເວລາຕໍ່ໜ້າ ພີ່ນ້ອງຈະສືບຕໍ່ໃຊ້ຊີວິດຢ່າງໝັ້ນຄົງ, ຮັກສາສືບທອດບັນດາກິດຈະກຳການເຄື່ອນໄຫວຕ່າງໆ ຊຶ່ງໃນນັ້ນກໍມີກິດຈະກຳທາງຄວາມເຊື່ອດ້ານຈິດໃຈ.
ພາຍຫຼັງພິທີການທາງການແລ້ວ ພຣະອາຈານ ທິກຈຸງດາດ ພ້ອມກັບພີ່ນ້ອງມວນຊົນ ດຳເນີນພິທີທາງສາດສະໜາຄວາມເຊື່ອຖືຕ່າງໆ ເຊັ່ນ ການສວດມົນ, ກາບໄຫວ້, ສວດມົນເພື່ອຄວາມສະຫງົບຂອງຊາດ, ກາບໄວ້ຂໍພອນຕົ້ນປີໃຫ້ແກ່ປະຊາຄົມຊາວຫວຽດນາມທັງໝົດໃນໂປໂລຍ.
ເພື່ອເປັນການສະແດງຄວາມຮູ້ບຸນຄຸນຕໍ່ຄວາມມານະພະຍາຍາມຂອງພຣະສົງໃນການຮັກສາ ແລະ ເສີມຂະຫຍາຍພຸດທະສາສະໜາຂອງປະຊາຄົມຊາວຫວຽດນາມ ຢູ່ປະເທດໂປໂລຍ, ຊາວພຸດໃນວັດຍັງໄດ້ກາບໄຫວ້ພຣະອາຈານໃຫຍ່ ທິກຈຸງດາດ ເຈົ້າອະທິການວັດ ເຍິນຮວາ.
ວິລະຊົນ
