ເປັນ​ຄັ້ງ​ທຳ​ອິດ​ໃນ​ປະ​ຫວັດ​ສາດ ກອງ​ປະ​ຊຸມ​ສະ​ມັດ​ຊ​າ​ໃຫຍ່ ສ​ປ​ຊ ຮັບ​ຮອງ​ເອົາ​ມະ​ຕິ​ວ່າ​ດ້ວຍ​ການ​ຕ້ານ​ໄພ​ຈົມນ້ຳ
	ກອງ​ປະ​ຊຸມ​ໃຫຍ່​ຜູ້​ແທນ​ທົ່ວ​ປະ​ເທດ​ຄັ້ງ​ທີ XIII ຂອງ ພັກ​ກອມ​ມູ​ນິດ ຫວຽດ​ນາມ ເລືອກ​ຕັ້ງ​ຄະ​ນະ​ບໍ​ລິ​ຫານ​ງານ​ສູນ​ກາງ​ພັກ ຊຸດ​ທີ XIII

ຢູ່ Warszawa, ສະມາຄົມໄທບ້ານດຽວກັນເຂດພາກເໜືອ ຢູ່ປະ​ເທດ​​ໂປ​ໂລຍ ຫາ​ກໍ່​ຈັດ​ຕັ້ງ​ກອງ​ປະຊຸມ​ໃຫຍ່​ຄັ້ງ​ທີ 3 ​ໄລຍະ 2022 – 2025 ຢ່າງ​ເປັນ​ທາງ​ການ.

ຢູ່​ວັດ ເຍິນຮວ່າ, ຢູ່​ຊານນະຄອນ Warsaw, ສູນ​ພຸດທະ​ສາສະໜາ ຫວຽດນາມ ປະຈຳ ​ໂປ​ໂລຍ ຫາກໍ່​ໄດ້​ຈັດ​ຕັ້ງ​ກອງ​ປະຊຸມ​ໃຫຍ່​ຄັ້ງ​ທີ 3 ຢ່າງ​ສົມ​ກຽດ ​ເພື່ອ​ສະຫຼຸບ​ການ​ເຄື່ອນ​ໄຫວ​ຂອງ​ສູນ​ໃນ​ອາຍຸການກ່ອນ, ວາງອອກ​ທິດ​ທາງ​ການ​ເຄື່ອນ​ໄຫວ​ໃນ​ຕໍ່ໜ້າ ​ແລະ ​ເລືອກ​ຕັ້ງຄະນະບໍລິຫານງານຂອງສູນ ຊຸດໃໝ່.

ຄະນະ​ບໍລິຫານ​ງານ​ສະມາຄົມ​ຊຸດ​ໃໝ່. ພາບ: thoidai.com.vn

ຕາງໜ້າ​ໃຫ້​ສະມາຄົມ, ທ່ານ ດ່າວ​ກົງ​ງວານ ປະທານ​ສະມາຄົມ​ໄດ້​ຜ່ານ​ບົດ​ລາຍ​ງານ​ສະ​ຫຼຸບ ​ອາຍຸການ​ທີ 2 ຂອງ​ສະມາຄົມ. ອາຍຸການ​ທີ 2 ເລີ່ມ​ແຕ່​ປີ 2017-2020, ຍ້ອນ​ຜົນ​ກະທົບ​ຈາກ​ການ​ແຜ່​ລະບາດ​ຂອງ​ພະຍາດ​ໂຄ​ວິດ-19 ສະນັ້ນ ຈິ່ງແກ່ຍາວ​ຮອດ​ປີ 2022.

ທ່ານ ດ່າວ​ກົງ​ງວານ ກໍ່​ໄດ້​ວາງ​ອອກ​ທິດ​ທາງ​ການ​ເຄື່ອນ​ໄຫວ​ໃນ​ໄລຍະ​ຈະ​ມາ​ເຖິງ. ນອກຈາກ​ສືບ​ຕໍ່​ປະຕິບັດ​ໜ້າ​ທີ່​ທີ່​ໄດ້​ວາງ​ອອກ​ໃນ​ອາຍຸການກ່ອນແລ້ວ, ​ໃນ​ອາຍຸການໃໝ່ນີ້, ສະມາຄົມ​ຍັງ​ວາງ​ແຜນ​ປະຕິບັດ​ວຽກງານຕ່າງໆຕື່ມອີກ.

ກ່າວ​ຄຳ​ເຫັນ​ທີ່​ກອງ​ປະຊຸມໃຫຍ່, ທ່ານ​ນາງ ຫງວຽນ​ທິບິກ​ລຽນ, ​ເລຂາໂທ ສະຖານທູດ​ຫວຽດນາມ ປະຈຳ ​ໂປ​ໂລຍ ​ໄດ້​ຕີ​ລາຄາ​ສູງ​ບັນດາ​ການ​ເຄື່ອນ​ໄຫວ​ຂອງ​ສະມາຄົມ​ໃນ​ໄລຍະຜ່ານມາ ແລະ ອວຍພອນ​ໃຫ້​ກອງ​ປະຊຸມ​ໃຫຍ່ປະສົບ​ຜົນສຳ​ເລັດຢ່າງຈົບງາມ.

​ໃນ​ການ​ປຶກສາ​ຫາລື, ບັນດາ​ສະມາຊິກ​ຂອງ​ສະມາຄົມ​ໄດ້​ເຫັນ​ດີ​ໃຫ້ສະມາຄົມ ໄທບ້ານດຽວກັນເຂດພາກເໜືອ ກາຍ​ເປັນ​ສະມາຊິກ​ລວມໝູ່ຂອງ​ສະມາຄົມຊາວຫວຽດນາມ ອາໄສຢູ່ ​ໂປ​ໂລຍ. ກອງ​ປະຊຸມໃຫຍ່ໄດ້​ເລືອກ​ຕັ້ງ​ຄະນະ​ບໍລິຫານ​ງານ​ສະມາຄົມ​ຊຸດ​ໃໝ່​ ​ລວມມີ 21 ທ່ານ.