ໂດຍເປັນຕາແສງນ້ອຍໆຢູ່ເມືອງ ບັກອຽນ, ແຂວງ ເຊີນລາ, ປະຊາຊົນຢູ່ທີ່ນີ້ບໍ່ໄດ້ໃຊ້ອິນເຕີເນັດ, ແຂກທ່ອງທ່ຽວທີ່ຢາກເຊື່ອມຕໍ່ເຄືອຂ່າຍ ຕ້ອງໃຊ້ພຽງແຕ່ 4G ເທົ່ານັ້ນ, ສະນັ້ນສະຖານທີ່ແຫ່ງນີ້ເກືອບຈະຖືກຕັດແຍກອອກຈາກໂລກພາຍນອກ. ແຕ່ນັ້ນແມ່ນສິ່ງທີ່ສ້າງເປັນຈຸດພິເສດທີ່ຫາໄດ້ຍາກຂອງ ຕາຊົວ.
 |
| ພາບ: ເລຮວຽນ |
ຄັ້ງຫນຶ່ງໃນຊີວິດຕ້ອງລອງດຳລົງຊີວິດຢູ່ "ກະດູກສັນຫຼັງໄດໂນເສົາ" ຂອງ ໄຕບັກ
ແຕ່ດົນນານມາແລ້ວ, "ກະດູກສັນຫຼັງໄດໂນເສົາ" ແມ່ນສະຖານທີ່ຄົ້ນຫາທີ່ນັກທ່ອງທ່ຽວຫຼາຍຄົນຢາກສໍາຜັດ. “ກະດູກສັນຫຼັງໄດໂນເສົາ” ຢູ່ຕາຊົວ ແມ່ນເສັ້ນທາງທີ່ຕັ້ງຢູ່ເທິງຈອມພູ ຈົ່ງຈາ. ມອງຈາກໄກ, ເສັ້ນທາງສາຍນີ້ເບິ່ງຄືໄດໂນເສົານອນຂວ້ຳ, ຮັບຊົມທິວທັດທຳມະຊາດເຂດພູສູງ ແລະ ຈົມຢູ່ໃນທະເລເມກອັນກວ້າງໃຫຍ່.
 |
| ພາບ: ເລຮວຽນ |
ເສັ້ນທາງຢູ່ເທິງຈອມພູຕາຊົ່ວ ຄົດລ້ຽວມີຄວາມຍາວປະມານ 1.5 ກິໂລແມັດ, ເລືອນລອຍຢູ່ເທິງຈອມພູ ແຕ່ກໍຍັງຂ້ອນຂ້າງສະດວກສໍາລັບນັກທ່ອງທ່ຽວທີ່ຈະຍ່າງຂຶ້ນໄປເທິງຈອມພູ. ແຕ່ປະຈຸບັນ, ຊາວເຜົ່າມົ້ງຢູ່ທີ່ນີ້ຍັງມີບໍລິການຂົນສົ່ງດ້ວຍລົດຈັກໃຫ້ແກ່ນັກທ່ອງທ່ຽວທີ່ບໍ່ຢາກຍ່າງ.
 |
| ພາບ:@aries_230 |
ຖ້າພິຊິດໄດ້ຈອມພູແລ້ວ, ທິວທັດທຳມະຊາດຢູ່ທີ່ນີ້ຈະບໍ່ເຮັດໃຫ້ທ່ານຜິດຫວັງ. ຢືນຢູ່ເທິງ "ກະດູກສັ່ນຫຼັງໄດໂນເສົາ" ທ່ານສາມາດເບິ່ງທິວທັດທຳມະຊາດເຂດພູເຂົາທີ່ສູງຕ່ຳທ່າມກາງໝູ່ບ້ານເມກຂາວ. ເຖິງຂະໜາດທ່ານຈະຮ້ອງອອກມາໂດຍບໍ່ຮູ້ຕົວ ແລະ ຈະບໍ່ໍລືມທິວທັດທີ່ສວຍງາມຢູ່ທີ່ນີ້.
 |
| ພາບ: @aries_2303 |
ລ່າເມກໄດ້ທຸກບ່ອນໃນ ຕາຊົວ
ບໍ່ພຽງແຕ່ຢູ່ "ກະດູກສັນຫຼັງໄດໂນເສົາ" ທີ່ສາມາດລ່າເມກເທົ່ານັ້ນ, ຖ້າທ່ານໂຊກດີ ໄປໃນມື້ທີ່ມີແສງແດດ, ບໍ່ວ່າທ່ານຈະໄປບ່ອນໃດກໍ່ຕາມ, ນັກທ່ອງທ່ຽວກໍ່ສາມາດເຫັນເມກສີຂາວເປັນຊັ້ນໆລອຍຢູ່ທ້ອງຟ້າທີ່ສົດໃສ.
ບໍ່ແມ່ນວ່າຢູ່ "ກະດູກສັນຫຼັງໄດໂນເສົາ" ເປັນບ່ອນຖ່າຍຮູບພຽງແຫ່ງດຽວໃນ ຕາຊົວ, ເຊິ່ງຢູ່ທີ່ນີ້ ຍັງມີສະຖານທີ່ຫຼາຍແຫ່ງທີ່ສາມາດ "check-in" ໄດ້ຕາມແບບສະເພາະຂອງຕົນ.
ຢ່າລືມໄປຢ້ຽມຢາມບ້ານນ້ອຍໆທີ່ເຮັດໃຫ້ຈິດໃຈສະຫງົບສຸກ
ເຖິງວ່າ ຕາຊົວ ເປັນເຂດພູດອຍຫ່າງໄກສອກຫຼີກທີ່ມີເສັ້ນທາງຫຍຸ້ງຍາກ, ແຕ່ກໍ່ແມ່ນສະຖານທີ່ພິຊິດຂອງນັກທ່ອງທ່ຽວຫຼາຍຄົນ, ປະຈຸບັນ, ຕາຊົວ ມີເຮືອນພັກ ແລະ ໂຮງແຮມຢ່າງຄົບຖ້ວນໃຫ້ນັກທ່ອງທ່ຽວໄດ້ພັກຜ່ອນພາຍຫຼັງເດີນທາງເປັນເວລາດົນ.
 |
| ພາບ: ລິງຊິງ, ຮ່າຕີ |
ພູຜາປ່າໄມ້ ແລະ ໝູ່ບ້ານຕ່າງໆຖືກເຊື່ອງຊ້ອນໃນທະເລເມກ, ນັກທ່ອງທ່ຽວຫຼາຍຄົນໄດ້ປຽບຮູບພາບທຳມະຊາດທີ່ສວຍງາມຢູ່ຕາແສງຕາຊົວ ເໝືອນ “ສະຫວັນ” ຊໍັ້ນສູງ.
 |
| ພາບ: ຫວູທິເທືອງ |
ສິ່ງທີ່ຕ້ອງເອົາໃຈໃສ່ເມື່ອມາລ່າເມກຢູ່ຕາຊົວ ແມ່ນຕ້ອງເບິ່ງສະພາບອາກາດຢ່າງລະອຽດ ເພາະວ່າ ຢູ່ນີ້ແມ່ນບ່ອນສູງ ອາກາດບໍ່ປົກກະຕິ ບາງເທື່ອຈະມີແສງແດດໃນຕອນເຊົ້າ ແລະ ຝົນຕົກໃນຕອນບ່າຍ.
 |
| ພາບ: ລິງຊິງ |
ບຸນຄົງ
