| ໂຮງຮຽນການເມືອງ - ການປົກຄອງແຂວງກວ້າງບິ່ງ ແລະ ຄຳມ່ວນ: ພົບປະເຈລະຈາ ແລະ ເຊັນລົງນາມໃນແຜນການ-ການຮ່ວມມື | |
| ຄະນະຜູ້ແທນຊາວໜຸ່ມແຂວງຄຳມ່ວນ ເຄື່ອນໄຫວພົບປະແລກປ່ຽນບົດຮຽນຢູ່ ແຂວງກວາງບິ່ງ ສສ ຫວຽດນາມ |
ຫວ່າງແລ້ວນີ້, ຢູ່ເມືອງທ່າແຂກ (ແຂວງຄຳມ່ວນ, ລາວ), ຄະນະປະຕິບັດ ງານພິເສດແຂວງ ກວາງບິ່ງ ແລະ ແຂວງ ຄຳມ່ວນ ໄດ້ດຳເນີນການພົບປະເພື່ອເປັນເອກະພາບກ່ຽວກັບບັນດາແຜນນະໂຍບາຍ ແລະ ມາດຕະການສົມທົບກັນຊອກຄົ້ນ ແລະ ທ້ອນໂຮມອັດຖິທະຫານອາສາສະໝັກ ແລະ ນັກຊ່ຽວຊານຫວຽດນາມ ທີ່ເສຍສະຫຼະຊີວິດໃນປາງສົງຄາມຢູ່ລາວ ໃນບໍລິເວນແຂວງຄໍາມ່ວນ.
 |
| ພິທີລົງນາມໃນບົດບັນທຶກຊ່ວຍຈຳສືບຕໍ່ສົມທົບກັນປະຕິບັດໜ້າທີ່ຊອກຄົ້ນ ແລະ ທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດ. (ພາບ: Quangbinh.gov.vn). |
ທີ່ການພົບປະ, 2 ຝ່າຍໃຫ້ຂໍ້ສັງເກດວ່າ: ວຽກງານສຳຫຼວດ, ຊອກຄົ້ນ ແລະ ທ້ອນໂຮມອັດຖິທະຫານອາສາສະໝັກ ແລະ ນັກຊ່ຽວຊານຫວຽດນາມ ທີ່ເສຍສະຫຼະຊີວິດໃນປາງສົງຄາມຢູ່ລາວ ໃນບໍລິເວນແຂວງຄໍາມ່ວນ ນັບມື້ນັບປະສົບກັບຄວາມຫຍຸ້ງຍາກຍ້ອນສະພາບພູມີປະເທດທີ່ປ່ຽນແປງ, ບັນດາພະຍານ ຮູ້ຈັກກ່ຽວກັບຂຸມຝັງສົບນັບມື້ນັບໜ້ອຍລົງ, ສ່ວນໃຫຍ່ແມ່ນອາຍຸສູງ ແລະ ສຸຂະພາບທີ່ບໍ່ແຂງແຮງ; ຂຸມຝັງສົບຂອງນັກຮົບເສຍສະຫຼະຊີວິດເພື່ອຊາດ ສ່ວນຫຼາຍແມ່ນຢູ່ເຂດຫ່າງໄກສອກຫຼີກ, ມີເສັ້ນທາງຄົມມະນາຄົມທີ່ສັບສົນ, ພູຜາປ່າດົງທຸລະກັນດານ, ມີປະຊາກອນຢູ່ຫ່າງກັນ, ແຕ່ກໍໄດ້ຮັບຄວາມເອົາໃຈໃສ່ຊີ້ນຳ ແລະ ນຳພາຂອງຄະນະພັກ ແລະອຳນາດການປົກຄອງ 2 ແຂວງ ກວາງບິ່ງ-ຄຳມ່ວນ. ເຖິງຢ່າງໃດກໍ່ຕາມ, ດ້ວຍການສົມທົບກັນເຄື່ອນໄຫວຂອງທຸກຂັ້ນ, ທຸກຄະນະ, ທຸກຂະແໜງ, ກຳລັງປະກອບອາວຸດ ແລະ ປະຊາຊົນແຂວງ ຄຳມ່ວນ ໄດ້ສ້າງເງື່ອນໄຂສະດວກໃຫ້ພະນັກງານກອງ 589, ກອງບັນຊາການທະຫານແຂວງ ກວາງບິ່ງ ປະຕິບັດໜ້າທີ່ເປັນຢ່າງດີ.
ໃນລະດູແລ້ງ 2021 – 2022, ຄະນະສຳຫຼວດ, ຊອກຄົ້ນ ແລະ ທ້ອນໂຮມໄດ້ອັດຖິນັກຮົບເສຍສະຫຼະຊີວິດເພື່ອຊາດໄດ້ 17 ຄົນ ແລະ ສົ່ງໄປຢູ່ສຸສານນັກຮົບເສຍສະຫຼະຊີວິດເພື່ອຊາດແຂວງກວາງບິ່ງ ດ້ວຍພິທີກຳທີ່ເຄັ່ງຂຶມ, ສົມກຽດ ແລະ ຕາມຮີດຄອງປະເພນີຂອງຊາດຫວຽດນາມ. ໝາກຜົນນັ້ນໄດ້ປະກອບສ່ວນຮັດແໜ້ນຄວາມສາມັກຄີ, ມິດຕະພາບແບບພິເສດລະຫວ່າງສອງພັກ, ສອງລັດ ຫວຽດນາມ - ລາວ ແລະ ສອງແຂວງ ກວາງບິ່ງ - ຄຳມ່ວນ.
ໃນລະດູແລ້ງ 2022 – 2023, ການຊອກຄົ້ນ ແລະ ທ້ອນໂຮມອັດຖິທະຫານອາສາສະໝັກ ແລະ ນັກຊ່ຽວຊານຫວຽດນາມ ທີ່ເສຍຊີວິດໃນປາງສົງຄາມຢູ່ລາວ ຈະສຸມໃສ່ບັນດາເມືອງບົວລະພາ, ມະຫາໄຊ, ເຊບັ້ງໄຟ, ຄູນຄຳ ແລະ ຍົມມະລາດ, ທ່າແຂກ... ຂອງແຂວງຄໍາມ່ວນ.
ບູນມີ
