 |
ໂຮງຮຽນການເມືອງ-ການປົກຄອງ ແລະ ໂຮງຮຽນການເມືອງ - ການປົກຄອງ ແຂວງ ຄຳມ່ວນໄດ້ເຊັນບົດບັນທຶກຊົ່ວຈຳການຮ່ວມມື. (ພາບ: baoquangbinh.vn)
ທີ່ກອງປະຊຸມ, ຜູ້ຕາງໜ້າ ໂຮງຮຽນການເມືອງ-ການປົກຄອງແຂວງກວ້າງບິ່ງ ໄດ້ປຶກສາຫາລື ກັບຄະນະຜູ້ແທນໂຮງຮຽນການເມືອງ - ການປົກຄອງແຂວງຄຳມ່ວນ ກ່ຽວກັບການຈັດຕັ້ງປະຕິບັດວຽກງານການພັດທະນາເສດຖະກິດ - ສັງຄົມ ຂອງແຂວງກວ້າງບິ່ງ ແລະ ການດຳເນີນງານກໍ່ຄືການເຄື່ອນໄຫວ ຂອງໂຮງຮຽນການເມືອງ-ການປົກຄອງແຂວງກວ້າງບິ່ງ ໃນປີ 2018 ແລະ 6 ເດືອນຕົ້ນປີ 2019.
ລະອຽດແມ່ນ ໂຮງຮຽນການເມືອງແຂວງກວ້າງບິ່ງ ໄດ້ຈັດຕັ້ງການບຳລຸງສ້າງ ແລະ ຝຶກອົບຮົມ ຂື້ນຈຳນວນ 57ຊຸດ ມີຈຳນວນນັກຮຽນເຂົ້າຮ່ວມ ຫຼາຍກ່ວາ 4.250 ຄົນ.
ເພື່ອຕື່ນຕົວຜັນຂະຫຍາຍວຽກງານການບຳລຸງສ້າງ, ຝຶກອົບຮົມ ການນຳໂຮງຮຽນ ໄດ້ເອົາໃຈໃສ່ ແລະ ສຸມໃສ່ນການສ້າງແຜນການຈັດຕັ້ງປະຕິບັດ ບົນພື້ນຖານຕິດພັນກັບພາລະກິດການເມືອງ ແລະ ຄວາມຮຽກຮ້ອງຕ້ອງການຕົວຈິງພາຍໃນແຂວງ.
ໂຮງຮຽນຍັງໄດ້ເອົາໃຈໃສ່ໃນການປັບປຸງຄຸນະພາບຂອງການຝຶກອົບຮົມ ແລະ ຕື່ນຕົວຊີ້ນຳຢ່າງມີຫົວຄິດປະດິດສ້າງ ໃນວິທີການສິດສອນໄປສູ່ການເພີ່ມແນວທາງການປະຕິບັດ ແລະ ທັກສະໃນການແກ້ໄຂບັນຫາ, ພ້ອມກັນນັ້ນກໍ່ປະສານ ວິທີການສິດສອນແບບດັ້ງເດີມ ກັບ ວິທີການສິດສອນແບບໃໝ່ທີ່ກ້າວໜ້າ, ສ້າງຄວາມຕື່ນຕົວກໍ່ຄືຄວາມເປັນເຈົ້າການໃຫ້ນັກຮຽນ, ປັບປຸງຄຸນນະພາບໃນແຕ່ລະການສິດສອນ ແລະ ການບັນຍາຍ.
ພາຍຫຼັງແລກປ່ຽນ, ປຶກສາຫາລື ທັງສອງໂຮງຮຽນ ໄດ້ເຫັນດີເຊັນລົງນາມໃນແຜນການ-ການຮ່ວມມື ໃນໄລຍະຈະມາເຖິງດ້ວຍເນື້ອໃນດັ່ງນີ້: ສອງຝ່າຍສືບຕໍ່ແລກປ່ຽນ ການເຄື່ອນໄຫວ ແລະ ການຮ່ວມມື, ຊ່ວຍເຫຼືອເຊິ່ງກັນແລະກັນບົນພື້ນຖານ ຈິດໃຈ ແລະ ເນື້ອໃນບົດບັນທຶກກອງປະຊຸມທີ່ການນຳຂັ້ນສູງແຂວງກວ້າງບິ່ງ ແລະ ຄຳມ່ວນໄດ້ເຊັນລົງນາມ; ນອກຈາກແນວທາງທົ່ວໄປຂອງການນຳຂອງສອງແຂວງ, ທັງສອງໂຮງຮຽນ ຍັງຈະມີແຜນການ-ການຮ່ວມມື, ແລກປ່ຽນບົດຮຽນ ແລະ ຊ່ວຍເຫຼືອເຊິ່ງກັນແລະກັນ ໃນຫຼາຍໆກິດຈະກຳດ້ານວິຊາສະເພາະ; ປີ 2021 ໂຮງຮຽນການເມືອງ-ການປົກຄອງແຂວງກວ້າງບິ່ງ ຈະໄປຢ້ຽມຢາມ ແລະ ເຮັດວຽກ ກັບໂຮງຮຽນການເມືອງ - ການປົກຄອງແຂວງຄຳມ່ວນ.
（ຫັດທະບູນ）
