ທ່ານ ສະຫວັນຄອນ ຣາຊມົນຕີ, ອະດີດຮອງລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວລາວ, ປະທານສະມາຄົມນັກຂ່າວລາວ ໃຫ້ຮູ້ຄືແນວນັ້ນໃນການພົບປະກັບຜູ້ຕາງໜ້າສະມາຄົມມິດຕະພາບ ຫວຽດນາມ-ລາວ ໃນຕອນບ່າຍວັນທີ 27 ສິງຫາ ຢູ່ຮ່າໂນ້ຍ.
ທ່ານ ຫງວຽນແມ້ງຮຸ່ງ, ອະດີດຮອງຫົວໜ້າຄະນະພົວພັນຕ່າງປະເທດສູນກາງພັກ, ອະດີດເອກອັກຄະລັດຖະທູດ ຫວຽດນາມ ປະຈຳ ລາວ, ຮອງປະທານສະມາຄົມມິດຕະພາບ ຫວຽດນາມ - ລາວ ຂໍ່ານັບຕ້ອນຮັບຄະນະຜູ້ແທນນັກຂ່າວລາວ ມາຢ້ຽມຢາມ ຫວຽດນາມ ແລະ ຢືນຢັນວ່າ ການພົບປະກັບ ບັນດານັກຂ່າວທີ່ມາຈາກບັນດາອົງການສື່ມວນຊົນໃຫຍ່ຂອງລາວ ແມ່ນໂອກາດທີ່ດີເພື່ອໃຫ້ສະມາຄົມມິດຕະພາບ ຫວຽດນາມ - ລາວ ແນະນຳບັນດາການເຄື່ອນໄຫວຂອງສະມາຄົມ ກໍ່ຄືຫຼັກການ ແລະ ຈຸດປະສົງຂອງສະມາຄົມ.
 |
| ບັນຍາກາດທີ່ການຕ້ອນຮັບ. ພາບ: thoidai.com.vn |
ທ່ານ ຫງວຽນແມ້ງຮຸ່ງ ໃຫ້ຮູ້ວ່າ: ປີ 2022 ເປັນປີສາມັກຄີມິດຕະພາບ ຫວຽດນາມ - ລາວ, ລາວ-ຫວຽດນາມ, ສອງສະມາຄົມມິດຕະພາບ ລາວ - ຫວຽດນາມ ແລະ ສະມາຄົມມິດຕະພາບ ຫວຽດນາມ - ລາວ ໄດ້ສົມທົບ ກັນຈັດຕັ້ງບັນດາກິດຈະກຳການເຄື່ອນໄຫວຕ່າງໆ ເປັນຕົ້ນແມ່ນຮ່ວມກັນຈັດ ງານບຸນມະໂຫລານມິດຕະພາບລະຫວ່າງປະຊາຊົນ ຫວຽດນາມ - ລາວ ຄັ້ງທີ 4; ຮ່ວມກັນຈັດພິມວາລະສານສະບັບພິເສດໃສ່ຊື່ວ່າ “ສາຍພູຫຼວງສອງຟາກ ຕາເວັນອອກ ຕາເວັນຕົກ” ເປັນພາສາລາວ ແລະ ພາສາຫວຽດ...
ທ່ານຮອງປະທານສະມາຄົມ ປາດຖະໜາວ່າ ສອງຝ່າຍຄວນເພີ່ມທະວີການສົມທົບກັນໂຄສະນາສາຍພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານຫວຽດນາມ - ລາວ, ໂດຍສະເພາະແມ່ນສະມາຄົມນັກຂ່າວລາວ ຕັ້ງໜ້າໂຄສະນາບັນດາການເຄື່ອນໄຫວມິດຕະພາບ, ປະກອບສ່ວນ ເພີ່ມພູນຄູນສ້າງການພົວພັນແບບພິເສດ, ມີໜຶ່ງບໍ່ມີສອງໃນໂລກໃຫ້ຂຽວສົດງົດງາມ ໝັ້ນຄົງທະນົງແກ່ນຊົ່ວກາລະນານ.
ທ່ານ ສະຫວັນຄອນ ຣາຊມົນຕີ ຕີລາຄາສູງບັນດາການເຄື່ອນໄຫວ ແລະ ການປະກອບສ່ວນຂອງສະມາຄົມມິດຕະພາບ ຫວຽດນາມ - ລາວ ໃນການປັບປຸງ ແລະ ເພີ່ມທະວີການພົວພັນມິດຕະພາບຫວຽດນາມ - ລາວ, ສະເໜີ ສະມາຄົມມິດຕະພາບ ຫວຽດນາມ - ລາວ ແບ່ງປັນຂໍ້ມູນບັນດາການເຄື່ອນໄຫວທາງການທູດ, ມິດຕະພາບ ແລະ ເພີ່ມທະວີການຈັດຕັ້ງບັນດາການເຄື່ອນໄຫວມິດຕະພາບ; ປະກອບສ່ວນເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວ ໃຫ້ຂຽວສົດງົດງາມ ໝັ້ນຄົງທະນົງແກ່ນຊົ່ວກາລະນານ.
ບູນມີ
