| ເພີ່ມທະວີບັນດາການເຄື່ອນໄຫວພົວພັນແລກປ່ຽນວັດທະນະທຳ ຫວຽດນາມ - ອິນໂດເນເຊຍ | |
| ມຸ່ງໄປສູ່ການຮັບຮອງເອົາ “ໜັງສືຜ່ານແດນວັກຊີນ” ລະຫວ່າງ ຫວຽດນາມ ແລະອິນໂດເນເຊຍ |
ກ່າວຄຳເຫັນນະທີ່ນີ້, ທ່ານ ຫງວຽນແທ່ງຕ໋ວນ, ຮອງປະທານສະມາຄົມມິດຕະພາບຫວຽດນາມ - ອິນໂດເນເຊຍ ໄດ້ກ່າວແຈ້ງບັນດາຜົນງານທີ່ລັດຖະບານ ແລະ ປະຊາຊົນ ອິນໂດເນເຊຍ ບັນລຸໄດ້ໃນຊຸມປີມໍ່ໆມານີ້. ນອກຈາກການພົວພັນດ້ານການເມືອງທີ່ນັບມື້ນັບຕິດພັນແລ້ວ, ການຮ່ວມມືດ້ານເສດຖະກິດການຄ້າລະຫວ່າງ ຫວຽດນາມ ແລະ ອິນໂດເນເຊຍ ກໍ່ມີບາດກ້າວພັດທະນາຢ່າງກະໂດດຂັ້ນ; ການຮ່ວມມືດ້ານປ້ອງກັນຊາດ-ປ້ອງກັນຄວາມສະຫງົບ ໄດ້ຮັບການພັດທະນາຢ່າງຕັ້ງໜ້າ; ການຮ່ວມມືໃນຂົງເຂດອື່ນໆທີ່ສຳຄັນ ເຊັ່ນ: ກະສິກຳ, ການປະມົງ, ພະລັງງານ, ການບິນ, ວັດທະນະທຳ, ການສຶກສາ - ບຳລຸງສ້າງ, ການທ່ອງທ່ຽວ ລ້ວນແຕ່ມີຄວາມສົນໃຈຊຸກຍູ້...
ທ່ານຮອງປະທານສະມາຄົມມິດຕະພາບຫວຽດນາມ - ອິນໂດເນເຊຍ ປາດຖະໜາວ່າ ການພົວພັນຮ່ວມມືລະຫວ່າງ 2 ປະເທດ ຈະສືບຕໍ່ພັດທະນາຢ່າງເລິກເຊິ່ງກ່ວາອີກໃນໄລຍະຈະມາເຖິງ.
 |
| ຮັດແໜ້ນສາຍພົວພັນມິດຕະພາບລະຫວ່າງ ຫວຽດນາມ ແລະ ອິນໂດເນເຊຍ. (ພາບ: thoidai) |
ທ່ານກົງສຸນໃຫຍ່ອິນໂດເນເຊຍ ປະຈຳນະຄອນໂຮ່ຈິມິນ Agustaviano Sofjan ໄດ້ຕີລາຄາບັນດາຈຸດຄ້າຍຄືກັນໃນວັດທະນະທຳ ແລະ ປະຫວັດສາດແຫ່ງການຕໍ່ສູ້ເພື່ອເອກະລາດ ແລະ ສ້າງສາປະເທດຊາດຂອງ 2 ປະເທດ ຫວຽດນາມ ແລະ ອິນໂດເນເຊຍ. ນີ້ກໍ່ແມ່ນຈຸດທີ່ສະແດງໃຫ້ເຫັນສາຍພົວພັນມິດຕະພາບທີ່ເປັນມູນເຊື້ອ ລະຫວ່າງສອງປະເທດ ທີ່ປະທານ ໂຮ່ຈີມິນ ແລະ ປະທານປະເທດ Soekarno ໄດ້ສ້າງພື້ນຖານໄວ້ນັບແຕ່ຊຸມວັນທຳອິດທີ່ຍາດເອົາເອກະລາດ.
ປະຈຸບັນ, ສາຍພົວພັນຮ່ວມມືຂອງປະຊາຊົນ ລະຫວ່າງອິນໂດເນເຊຍ ແລະ ຫວຽດນາມ ນັບມື້ນັບໄດ້ຮັບການຍູ້ແຮງດ້ວຍບັນດາການເຄື່ອນໄຫວຕົວຈິງ ໃນສະພາບທີ່ສອງປະເທດຜ່ານຜ່າຄວາມຫຍຸ້ງຍາກຍ້ອນໂລກລະບາດໂຄວິດ-19. ໃນປີ 2021 ແລະ 6 ເດືອນຕົ້ນປີ 2022, ສະຖານກົງສຸນໃຫຍ່ ອິນໂດເນເຊຍ ປະຈຳນະຄອນ ໂຮ່ຈີມິນ ໄດ້ສົມທົບກັບສະຫະພັນບັນດາອົງການມິດຕະພາບນະຄອນ ໂຮ່ຈີມິນ ຈັດຕັ້ງການເຄື່ອນໄຫວເຊື່ອມຕໍ່ປະຊາຊົນ, ນັກທຸລະກິດ ແລະ ຊາວໜຸ່ມ 2 ປະເທດ. ເປີດກວ້າງທິດທາງການພັດທະນາເສດຖະກິດສອງປະເທດ, ປະກອບສ່ວນເຂົ້າໃນການພັດທະນາຂອງສອງປະເທດເວົ້າສະເພາະ ແລະ ອາຊຽນ ເວົ້າລວມ.
ທ່ານ Agustaviano Sofjan ໃຫ້ຄຳໝັ້ນສັນຍາຈະມານະພະຍາຍາມເພື່ອກາຍເປັນຂົວຕໍ່ທີ່ເຂັ້ມແຂງໃຫ້ແກ່ການພົວພັນລະຫວ່າງ 2 ປະເທດ ຜ່ານບັນດາການເຄື່ອນໄຫວຮ່ວມມືລະຫວ່າງລັດຖະບານກັບລັດຖະບານ; ວິສາຫະກິດກັບວິສາຫະກິດ ແລະ ປະຊາຊົນກັບປະຊາຊົນ. ກົງສູນໃຫຍ່ ອິນໂດເນເຊຍ ຈະສົມທົບກັນຢ່າງແໜ້ນແຟ້ນກັບນະຄອນ ໂຮ່ຈີມິນ ເພີ່ມທະວີການພົວພັນທາງການທູດຜ່ານການແລກປ່ຽນວັດທະນະທຳ, ການສຶກສາ ແລະ ອື່ນໆ, ປະກອບສ່ວນຊຸກຍູ້ການພົວພັນມິດຕະພາບທີ່ເປັນມູນເຊື້ອອັນດີງາມ, ນຳມາເຊິ່ງຜົນປະໂຫຍດໃຫ້ປະຊາຊົນສອງປະເທດ.
ໃນໂອກາດນີ້, ຍັງໄດ້ຈັດພິທີມອບລາງວັນການປະກວດ “ສີສັນວັດທະນະທຳ ອິນໂດເນເຊຍ” ໃຫ້ບັນດານັກສຶກສາບັນດາມະຫາວິທະຍາໄລນະຄອນ ໂຮ່ຈີມິນ ເພື່ອເປັນການສ້າງເງື່ອນໄຂໃຫ້ບັນດານັກສຶກສາໄດ້ຊອກຮູ້ກ່ຽວກັບວັດທະນະທຳອິນໂດເນເຊຍຢ່າງເລິກເຊິ່ງກ່ວາອີກ.
ຄຳຮຸ່ງ
