| AFF Suzuki Cup 2020: ຫວຽດນາມ ພົບກັບມາເລເຊຍ, ອິນໂດເນເຊຍ, ກຳປູເຈຍ ແລະ ລາວ | |
| ຫວຽດນາມ ຊະນະ ອິນໂດເນເຊຍ 4-0 ປະຕູ ຢູ່ຮອບຄັດເລືອກ World Cup 2022 |
 |
| ທ່ານ Agustaviano Sofjan - ຫົວໜ້າສະຖານກົງສຸນໃຫຍ່ ສາທາລະນະລັດ ອິນໂດເນເຊຍ ປະຈຳນະຄອນ ໂຮ່ຈີມິນ ແລະ ທ່ານຫງວຽນແທ່ງຈີ ປະທານ ສະຫະພັນບັນດາອົງການຈັດຕັ້ງມິດຕະພາບແຂວງ ດົ່ງນາຍ (ພາບ: baodongnai) |
ທີ່ການເຮັດວຽກ, ທ່ານ Agustaviano Sofjan - ຫົວໜ້າສະຖານກົງສຸນໃຫຍ່ ສາທາລະນະລັດ ອິນໂດເນເຊຍ ປະຈຳນະຄອນ ໂຮ່ຈີມິນ ປາດຖະໜາຢາກສ້າງຕັ້ງສະມາຄົມມິດຕະພາບ ຫວຽດນາມ - ອິນໂດເນເຊຍ ຢູ່ແຂວງ ດົ່ງນາຍ, ເພີ່ມທະວີການເຄື່ອນໄຫວແລກປ່ຽນວັດທະນະທຳ, ສົ່ງເສີມການລົງທຶນ. ໃນຖານະເປັນຫົວໜ້າສະຖານກົງສຸນໃຫຍ່ ປະຈຳນະຄອນໂຮ່ຈິມິນ, ທ່ານຈະຊຸກຍູ້ການພົວພັນລະຫວ່າງສະຖານກົງສຸນໃຫຍ່ ແລະ ສະຫະພັນບັນດາອົງການມິດຕະພາບແຂວງ ດົ່ງນາຍ ຢ່າງເລິກເຊິ່ງກ່ວາອີກ.
ກ່າວຄຳເຫັນທີ່ການພົບປະ, ທ່ານ ຫງວຽນແທ່ງຈີ ປະທານ ສະຫະພັນບັນດາອົງການຈັດຕັ້ງມິດຕະພາບແຂວງ ດົ່ງນາຍ ຖືວ່າ: ນີ້ແມ່ນການພົບປະທີ່ມີຄວາມໝາຍທີ່ສຸດ, ພິເສດແມ່ນໃນໂອກາດສະເຫຼີມສະຫຼອງ 66 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ອິນໂດເນເຊຍ (30 ທັນວາ 1955 – 30 ທັນວາ 2021). . ທ່ານ ຈີ ໄດ້ສະແດງຊົມເຊີຍຂໍ້ສະເໜີຂອງ ທ່ານຫົວໜ້າສະຖານກົງສຸນໃຫຍ່ ກ່ຽວກັບການສ້າງຕັ້ງສະມາຄົມມິດຕະພາບຫວຽດນາມ - ອິນໂດເນເຊຍ ຢູ່ແຂວງ ດົ່ງນາຍ.
ຕາມທ່ານຈີແລ້ວ, ເພື່ອສ້າງຕັ້ງສະມາຄົມມິດຕະພາບຕ້ອງມີການກະກຽມ, ພິເສດແມ່ນຮັບປະກັນຈຳນວນສະມາຊິກ. ສະນັ້ນ, ໃນໄລຍະຈະມາເຖິງ, ສະມາຄົມມິດຕະພາບຫວຽດນາມ - ອາຊຽນ ຈະເຊື່ອມຕໍ່ບັນດາການເຄື່ອນໄຫວພົວພັນແລກປ່ຽນລະຫວ່າງ 2 ຝ່າຍ. ຄຽງຂ້າງບັນດາເຫດການຫຼາຍຝ່າຍແລ້ວ, ສະມາຄົມມິດຕະພາບຫວຽດນາມ - ອາຊຽນ ກໍໄດ້ມີແຜນການເພື່ອຈັດຕັ້ງບັນດາເຫດການແລກປ່ຽນວັດທະນະທຳ ແລະ ຊຸກຍູ້ການສົ່ງເສີມການລົງທຶນສະເພາະໃຫ້ແກ່ ອິນໂດເນເຊຍ ໃນປີໜ້າ. ຫວັງວ່າສະຖານກົງສຸນໃຫຍ່ ອິນໂດເນເຊຍ ປະຈຳນະຄອນ ໂຮ່ຈີມິນ ຈະສົມທົບກັນຢ່າງແໜ້ນແຟ້ນ ເພື່ອຈັດຕັ້ງບັນດາເຫດການດັ່ງກ່າວໃຫ້ສຳເລັດຜົນ.
ບຸນຄົງ
