| ການນຳເຂົ້າ-ສົ່ງອອກຫວຽດນາມ-ອົດສະຕາລີ ນັບມື້ນັບດີຂຶ້ນ | |
| ຫວຽດນາມ ເຜີຍແພ່ຢ່າງທົ່ວເຖິງ ແລະ ການບໍລິໂພກ ໝາກທຸລຽນຢູ່ອົດສະຕາລີ |
ນີ້ແມ່ນການເຄື່ອນໄຫວໜູນຊ່ວຍຂໍ້ມູນຂ່າວສານຕະຫຼາດ ແລະ ເຊື່ອມຕໍ່ບັນດາຜູ້ສົ່ງອອກໝາກທຸລຽນ ແລະ ໝາກຫນອດຂອງ ຫວຽດນາມ ກັບບັນດາຜູ້ຈຳໜ່າຍ ແລະ ນຳເຂົ້າໝາກທຸລຽນ ແລະ ໝາກຫນອດຂອງຈີນ ໃນສະພາບທີ່ບັນດາຜະລິດຕະພັນດັ່ງກາວໄດ້ກະກຽມສົ່ງອອກຢ່າງເປັນທາງການ ຫຼື ໄດ້ທົດລອງສົ່ງອອກໄປຍັງຕະຫຼາດຈີນ.
ດ້ວຍຮູບແບບການຈັດຕັ້ງທັງໂດຍກົງສົມທົບກັບອອນລາຍ, ກອງປະຊຸມຄາດວ່າຈະມີຜູ້ຕາງໜ້າກະຊວງອຸດສາຫະກຳ ແລະ ການຄ້າ, ກະຊວງກະສິກຳ ແລະ ພັດທະນາຊົນນະບົດ, ອົງການຄຸ້ມຄອງທ້ອງຖິ່ນທີ່ກ່ຽວຂ້ອງ, ບັນດາຄອບຄົວທຳການຜະລິດ ແລະ ວິສາຫະກິດການຄ້າສົ່ງອອກໝາກທຸລຽນ ແລະ ໝາກຫນອດຂອງບັນດາແຂວງເຂດໄຕງວຽນ ແລະ ພາກໃຕ້, ຫ້ອງການການຄ້າ/ສາຂາຫ້ອງການການຄ້າຫວຽດນາມ ປະຈຳປັກກິ່ງ/ໜານນິງ ຈີນ.
 |
| ໜູນຊ່ວຍວິສາຫະກິດ ສົ່ງອອກໝາກທຸລຽນ ແລະ ໝາກຫນອດໄປຈີນ. (ພາບ: congthuong) |
ຝ່າຍຈີນ, ຄາດວ່າຈະມີວິສາຫະກິດ 25 ແຫ່ງ ແລະ ຮ້ານຊຸບເປີມາເກັດທີ່ນຳເຂົ້າ, ດຳເນີນທຸລະກິດ ແລະ ຈຳໜ່າຍຜະລິດຕະພັນໝາກໄມ້ຢູ່ຕະຫຼາດຈີນສະເພາະ ເຂົ້າຮ່ວມໂດຍຜ່ານທາງອອນລາຍ.
ກອງປະຊຸມໄດ້ສຸມໃສ່ແລກປ່ຽນຂໍ້ມູນຂ່າວສານ ກ່ຽວກັບຕະຫຼາດຈີນ ແລະ ບັນດາຂໍ້ສັງເກດເມື່ອສົ່ງອອກໝາກໄມ້ສົດ ແລະ ປຸງແຕ່ງຂອງຫວຽດນາມ; ກາລະໂອກາດ ແລະ ສິ່ງທ້າທາຍສຳລັບການສົ່ງອອກກະສິກຳຂອງຫວຽດນາມ; ຂໍ້ກຳນົດດ້ານເຕັກນິກ ແລະ ຂັ້ນຕອນເພື່ອວິສາຫະກິດສາມາດສົ່ງອອກໝາກທຸລຽນ ແລະ ໝາກຫນອດໄປຕະຫຼາດຈີນ.
ພ້ອມກັນນັ້ນ, ບັນດາວິສາຫະກິດ ຈະແບ່ງປັນຂໍ້ມູນກ່ຽວກັບຄວາມຕ້ອງການຂອງຕະຫຼາດຈີນ ແລະ ປະສົບການ, ວິທີແກ້ໄຂ ເພື່ອຊຸກຍູ້ການສົ່ງອອກໝາກທຸລຽນ ແລະ ໝາກຫນອດ; ຖາມຕອບ ແລະ ແລກປ່ຽນການຄ້າວິສາຫະກິດຂອງສອງຝ່າຍ.
ຄຳຮຸ່ງ
