ຫວ່າງແລ້ວນີ້, ຢູ່ຄະນະກຳມະການປະຊາຊົນນະຄອນ ເກີນເທີ, ຄະນະຈັດຕັ້ງເຫດການໃຫ້ຮູ້ວ່າ: ເຫດການສາກົນກ່ຽວກັບການນໍາໃຊ້ກົນຈັກມຸ່ງໄປເຖິງກະສິກຳແບບຍືນຍົງ ຈະດຳເນີນແຕ່ວັນທີ 24 – 26 ສິງຫາ ຢູ່ນະຄອນ ເກີນເທີ.
 |
| ບັນຍາກາດທີ່ການເຮັດວຽກ. ພາບ: TTXVN |
ເຫດການສາກົນກ່ຽວກັບການນໍາໃຊ້ກົນຈັກຄົບຊຸດມຸ່ງໄປສູ່ກະສິກຳແບບຍືນຍົງ ແມ່ນເຫດການທີ່ມີລັກສະນະແລກປ່ຽນການຄ້າເຕັກໂນໂລຊີ, ພິເສດແມ່ນນໍາໃຊ້ກົນຈັກໃນຂົງເຂດກະສິກຳ. ມີ 80 ວິສາຫະກິດພາຍໃນ ແລະ ຕ່າງປະເທດເຊັ່ນ ເຢຍລະມັນ, ອິນເດຍ, ສ.ເກົາຫຼີ...; ເຈົ້າຂອງເຄື່ອງຈັກ, ຜູ້ສະໜອງການບໍລິການດ້ານກົນຈັກ,... ລົງທະບຽນເຂົ້າຮ່ວມງານວາງສະແດງ, ສະແດງເຕັກໂນໂລຢີ, ເຄື່ອງຈັກ ແລະ ອຸປະກອນຕ່າງໆ...
ນີ້ແມ່ນເຫດການສາກົນທີ່ຈັດຂຶ້ນປະຈຳປີຢູ່ບັນດາປະເທດອາຊີ ເພື່ອຊຸກຍູ້ການປູກຝັງກະສິກຳແບບຍືນຍົງຜ່ານການນຳໃຊ້ບັນດາມາດຕະການເຕັກໂນໂລຢີທີ່ກ້າວໜ້າ ແລະ ທັນສະໄໝ. ນີ້ແມ່ນຄັ້ງທຳອິດທີ່ ຫວຽດນາມ ເປັນເຈົ້າພາບຈັດຕັ້ງ Agritechnica Asia Live ດ້ວຍຂະໜາດຂອງຜູ້ແທນ, ນັກທ່ອງທ່ຽວພາຍໃນ ແລະ ຕ່າງປະເທດປະມານ 4.000 ຄົນ.
ຕາມບັນດານັກຊ່ຽວຊານດ້ານກະສິກຳແລ້ວ, ນີ້ແມ່ນເຫດການສາກົນສຳຄັນທີ່ຖືເຄື່ອງໝາຍອຸດສາຫະກຳກະສິກຳເພື່ອຊຸກຍູ້ການປູກຝັງກະສິກຳແບບຍືນຍົງຜ່ານການນຳໃຊ້ວິທີແກ້ໄຂເຕັກໂນໂລຢີທີ່ກ້າວໜ້າ ແລະ ທັນສະໄໝ. ນີ້ກໍ່ແມ່ນເວທີປາໄສທີ່ມີປະໂຫຍດ ເພື່ອໃຫ້ຂະແໜງກະສິກຳຫວຽດນາມ ແລະ ບັນດາປະເທດອາຊີມີກາລະໂອກາດເຂົ້າເຖິງບັນດາເຕັກນິກ ແລະ ເຕັກໂນໂລຢີທີ່ສອດຄ່ອງ ແລະ ທັນສະໄໝ ທີ່ເໝາະສົມກັບສະພາບການ ແລະ ຂະໜາດການຜະລິດ.
ບູນມີ
