| ຫວຽດນາມ ຢືນອັນດັບທີ 3 ໃນຈຳນວນປະເທດທີ່ມີຈຳນວນນັກທ່ອງທ່ຽວໄປທ່ຽວລາວ ຫຼາຍທີ່ສຸດ | |
| ເຂດນິເວດທຳມະຊາດໂລກໜຸຍຈົ່ວ - ສະຖານທີ່ທ່ອງທ່ຽວທີ່ດູດດື່ມຂອງຫວຽດນາມ |
ບັນດາຜູ້ປະກອບການດ້ານການທ່ອງທ່ຽວ ເຊື່ອໜັ້ນວ່າ ຮູບແບບການທ່ອງທ່ຽວໃໝ່ນີ້ ແມ່ນສັນຍານທີ່ດີໃຫ້ແກ່ການຟື້ນຟູການທ່ອງທ່ຽວໃນນະຄອນຫຼວງໂດຍໄວ.
ຫວ່າງມໍ່ໆມານີ້, ເມື່ອຊີວິດສັງຄົມກັບຄືນສູ່ສະພາບປົກກະຕິ ພາຍຫຼັງການແຜ່ລະບາດຂອງພະຍາດໂຄວິດ-19 ໄດ້ຮັບການຄວບຄຸມ, ບັນດາຜະລິດຕະພັນທ່ອງທ່ຽວໃໝ່ຫຼາຍຢ່າງ ໄດ້ຮັບການປະຕິບັດໂດຍບໍລິສັດທ່ອງທ່ຽວຂຸດຄົ້ນ.
 |
| ຮ່າໂນ້ຍ ລົງທຶນຜະລິດຕະພັນທ່ອງທ່ຽວໃໝ່, ຊຸກຍູ້ຄວາມຕ້ອງການດຶງດູດນັກທ່ອງທ່ຽວ. (ພາບ: vov) |
ມາຮອດຄຸກຮວາລໍ່, ໄດ້ຮັບຂະໜານນາມວ່າເປັນ “ນະລົກເມືອງຄົນ”, ນັກທ່ອງທ່ຽວສາມາດສຳຜັດກັບບັນດາຮູບພາບຕົວຈິງ ທີ່ນັກໂທດການເມືອງຢູ່ທີ່ນີ້ຖືກທໍລະມານ, ບັນດາການທ່ອງທ່ຽວຍາມກາງຄືນໄປຢາມຄຸກຮວາລໍ່ ຄື: ກາງຄືນໄຟສັກສິດ, ດຳລົງຊີວິດຄືດອກໄມ້... ກໍາລັງສ້າງຄວາມດຶງດູດໃຫ້ກັບໄວຫນຸ່ມ.
ພາຍຫຼັງປິດໄປເປັນເວລາດົນນານຍ້ອນພະຍາດລະບາດ, ຮ່ອງຮອຍ ກຳແພງພະລາຊະວັງທັງລອງ ໄດ້ຈັດການທ່ອງທ່ຽວແບບກາງຄືນ ຄືນອີກດ້ວຍ tour ທ່ອງທ່ຽວ “ແກ້ລະຫັດກຳແພງພະລາຊະວັງທັງລອງ” ແຕ່ເວລາ 19 ໂມງຂອງທຸກໆວັນສຸກ ແລະ ວັນເສົາ, ໂດຍມີໜ້າປະຫວັດສາດອັນເລິກເຊິ່ງຂອງເມືອງ ທັງລອງ - ຮ່າໂນ້ຍ ອະລິຍະທຳຍາວພັນປີ. ນັບແຕ່ໄດ້ເປີດເປັນຕົ້ນມາ, ການທ່ອງທ່ຽວໃນກາງຄືນນີ້ ກໍໄດ້ຮັບການຕອບຮັບຢ່າງຕັ້ງໜ້າຈາກປະຊາຊົນ ແລະ ນັກທ່ອງທ່ຽວ.
ຕາມຂໍ້ມູນຂອງກົມທ່ອງທ່ຽວຮ່າໂນ້ຍ, ໃນ 6 ເດືອນຕົ້ນປີ 2022, ຈຳນວນນັກທ່ອງທ່ຽວມາຮ່າໂນ້ຍໄດ້ບັນລຸກວ່າ 8,6 ລ້ານເທື່ອຄົນ. ຕົວເລກດັ່ງກ່າວສະແດງໃຫ້ເຫັນວ່າ, ການທ່ອງທ່ຽວຮ່າໂນ້ຍ ພວມຟື້ນຕົວຄືນໃໝ່ພາຍຫຼັງ 2 ປີທີ່ໄດ້ຮັບຜົນກະທົບຈາກໂລກລະບາດໂຄວິດ-19.
ທ່ານ ດັ້ງຮົ່ງຢາງ, ຫົວໜ້າພະແນກທ່ອງທ່ຽວ ຮ່າໂນ້ຍ ໃຫ້ຮູ້ວ່າ: ໃນໄລຍະຈະມາເຖິງ, ກົມຈະສືບຕໍ່ສົມທົບກັບບັນດາຫົວໜ່ວຍທີ່ກ່ຽວຂ້ອງ, ທ້ອງຖິ່ນຂອງນະຄອນ ກໍ່ຄືບັນດາແຂວງຈັດຕັ້ງບັນດາການເຄື່ອນໄຫວສົ່ງເສີມການໂຄສະນາການທ່ອງທ່ຽວໃໝ່ ແລະ ດຶງດູດນັກທ່ອງທ່ຽວພາຍໃນປະເທດ ແລະ ຕ່າງປະເທດໄປທ່ຽວຢູ່ນະຄອນຫຼວງ.
ຄຳຮຸ່ງ
