ຊຸກ​ຍູ້​ມາດ​ຕະ​ການ​ດຶງ​ດູດ​ແຂກ​ທ່ອງ​ທ່ຽວ​ສາ​ກົນ​ມາ ຫວຽດ​ນາມ

	ຫຼາຍ​ການ​ເຄື່ອນ​ໄຫວ​ເພື່ອ​ແນ​ໃສ່​ຊຸກ​ຍູ້​ສາຍ​ພົວ​ພັນ​ມິດ​ຕະ​ພາບ​ລະ​ຫວ່າງ​ຫວຽດ​ນາມ - ລາວ ຢູ່​ເຂດ​ຊາຍ​ແດນ​ແຂວງ ເກວ້​ຟອງ
	ທ່ານ​ເອກ​ອັກ​ຄະ​ລັດ​ຖະ​ທູດ Abdelhamid Boubazine: ຈະ​ມາ​ນະ​ພະ​ຍາ​ຍາມ​ຊຸກ​ຍູ້​ການ​ພົວ​ພັນ​ມິດ​ຕະ​ພາບທີ່ເປັນມູນເຊື້ອ ແລະ ການ​ຮ່ວມ​ມື​ລະ​ຫວ່າງ Algeria ແລະ ຫວຽດນາມ

ຫວ່າງແລ້ວນີ້, ໃນກອງປະຊຸມຂ່າວນັດສາມັນຂອງ ກະຊວງການຕ່າງປະເທດ, ເມື່ອແບ່ງປັນຂໍ້ມູນກ່ຽວກັບການດຶງດູດແຂກທ່ອງທ່ຽວສາກົນມາທ່ຽວ ຫວຽດນາມ, ທ່ານນາງ ເລທິທູຮັ່ງ ໂຄສົກກະຊວງການຕ່າງປະເທດ ຫວຽດນາມ ໃຫ້ຮູ້ວ່າ: ຫວຽດນາມ ແມ່ນໜຶ່ງໃນບັນດາປະເທດຟື້ນຟູນະໂຍບາຍ ເຂົ້າ - ອອກເມືອງ ໄວທີ່ສຸດໃນໂລກ ແຕ່ວັນທີ 15 ມີນາ 2022 ດ້ວຍການຕໍ່ວີຊາ ແລະ ນະໂຍບາຍຍົກເວັ້ນວີຊາໃຫ້ບັນດາປະເທດ. ທ່ານນາງ ເລທິທູຮັ່ງ ເນັ້ນໜັກວ່າ ປະຈຸບັນ ຫວຽດນາມ ໄດ້ຮັບການຕີລາຄາວ່າ ແມ່ນໜຶ່ງໃນບັນດາປະເທດ ອາຊີຕາເວັນອອກສ່ຽງໃຕ້ ທີ່ມີນະໂຍບາຍເຂົ້າ - ອອກເມືອງສະດວກທີ່ສຸດຫຼັງໂລກລະບາດໂຄວິດ - 19.

ຊຸກ​ຍູ້​ມາດ​ຕະ​ການ​ດຶງ​ດູດ​ແຂກ​ທ່ອງ​ທ່ຽວ​ສາ​ກົນ​ມາ ຫວຽດ​ນາມ. ພາບ: TTXVN

ເພື່ອຊຸກຍູ້ຟື້ນຟູ, ພັດທະນາຂະແໜງທ່ອງທ່ຽວແບບຍືນຍົງຢ່າງແທ້ຈິງ, ບັນດາອົງການເຈົ້າໜ້າທີ່ ແລະ ທ້ອງຖິ່ນຂອງ ຫວຽດນາມ ໄດ້ ແລະ ພວມສຸມໃສ່ສ້າງສະພາບແວດລ້ອມທ່ອງທ່ຽວສີຂຽວ, ຕິດພັນກັບການພັດທະນາ ການທ່ອງທ່ຽວດ້ວຍການອະນຸລັກຮັກສາ, ເສີມຂະຫຍາຍຄຸນຄ່າ ແລະ ສີສັນ ວັດທະນະທຳຂອງຊາດ, ຍົກສູງຄຸນນະພາບຜະລິດຕະພັນ ແລະ ການບໍລິການ ທ່ອງທ່ຽວ, ຄຸນນະພາບແຫຼ່ງຊັບພະຍາກອນມະນຸດ ແລະ ພື້ນຖານໂຄງລ່າງ ການທ່ອງທ່ຽວໃຫ້ເໝາະສົມກັບການທ່ອງທ່ຽວຫວຽດນາມ ອອກສູ່ໂລກ, ພິເສດແມ່ນໝູນໃຊ້ເຕັກໂນໂລຢີທັນສະໄໝ ດ້ວຍເນື້ອໃນປ່ຽນໃໝ່ຄວາມຮຽກ ຮ້ອງຕ້ອງການຂອງແຂກທ່ອງທ່ຽວ; ເພີ່ມທະວີມູນເຊື້ອ, ການໂຄສະນາກ່ຽວກັ ບບັນດາຂໍ້ມູນທີ່ດູດດື່ມກວ່າ.

ນີ້ແມ່ນທັດສະນະກໍຄືການກຳນົດທິດຂອງກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ໃນໄລຍະຈະມາເຖິງ.

ຕາມ​ສະຖິຕິ, ​ແຕ່​ຕົ້ນ​ປີ 2022 ມາ​ຮອດ​ປະຈຸ​ບັນ, ອຸດສາຫະກຳ​ການທ່ອງທ່ຽວ​ໄດ້​ຮັບ​ການ​ບໍລິການ​ນັກ​ທ່ອງ​ທ່ຽວ​ພາຍ​ໃນ​ເກືອບ 72 ລ້ານ​ເທື່ອ​ຄົນ (​ແຜນການ​ປີ 2022 ບັນລຸ 60 ລ້ານ​ເທື່ອ​ຄົນ), ​ແລະ ນັກ​ທ່ອງ​ທ່ຽວ​ສາກົນ 733.000 ຄົນ. ບັນດາ​ທ້ອງ​ຖິ່ນ​ທີ່​ມີ​ຂະ​ແໜງ​ການ​ທ່ອງ​ທ່ຽວ​ທີ່​ພັດທະນາ​ໃນ​ຊຸມ​ປີ​ມໍ່ໆ​ມາ​ນີ້​ລ້ວນ​ແຕ່​ມີ​ລາຍ​ຮັບ​ທີ່​ປະ​ທັບ​ໃຈ​ຈາກ​ການທ່ອງທ່ຽວ​ຄື: ​ແຂວງ​ແຄ໋ງຮ່ວາ ​ເພີ່ມ​ຂຶ້ນ 858,4%; ແຄ໋ງຮ່ວາ ເພີ່ມຂຶ້ນ 328,3%; ດ່າໜັງ ເພີ່ມຂຶ້ນ 284,8%; ຮ່າໂນ້ຍ ເພີ່ມຂຶ້ນ 216,8% ແລະ ນະຄອນ ໂຮ່ຈີມິນ ເພີ່ມຂຶ້ນ 111,4%.

​ເຖິງ​ຢ່າງ​ໃດ​ກໍ່ຕາມ, ຈຳນວນ​ນັກ​ທ່ອງ​ທ່ຽວ​ສາກົນ​ຍັງ​ຈຳກັດ. ຢ່າງໃດກໍ່ຕາມ, ຂໍ້ມູນຈາກເຄື່ອງມືຕິດຕາມທ່າອ່ຽງຕະຫຼາດຂອງ Google ສະແດງໃຫ້ເຫັນວ່າ ຈໍານວນການຄົ້ນຫາສາກົນຂອງການທ່ອງທ່ຽວຫວຽດນາມ ເພີ່ມຂຶ້ນປະມານ 50-75%, ເພີ່ມຂຶ້ນເປັນອັນດັບທີ 4 ຂອງໂລກ. ​ໂດຍ​ສະ​ເພາະ​ແມ່ນ​ນັບ​ແຕ່​ໄດ້​ເປີດ​ບໍລິການ​ຢ່າງ​ຄົບ​ຖ້ວນ​ແຕ່​ວັນ​ທີ 15/3/2022, ດັດຊະນີ​ນີ້​ຂອງ​ຫວຽດນາມ ​ໄດ້​ຮັກສາ​ລະດັບ​ເຕີບ​ໂຕ​ສູງ​ທີ່​ສຸດ​ໃນ​ໂລກ, ​ເປັນ​ການ​ຊຸກຍູ້​ການ​ຟື້ນ​ຕົວ​ຢ່າງ​ແຂງ​ແຮງ​ຂອງ​ຂະ​ແໜງ​ການທ່ອງທ່ຽວ​ສາກົນ.