ດ້ວຍມູນເຊື້ອວັດທະນະທໍາຕອບບຸນແທນຄຸນຕໍ່ຄຸນງາມຄວາມດີພໍ່ແມ່, ກິນເຂົ້າຄິດຮອດຄຸນນາ ກິນປາຄິດຮອດຄຸນນ້ຳ, ບຸນເຂົ້າປະດັບດິນ ຂອງພຸດທະສາສະໜາໄດ້ປະສົມກົມກຽວກັບປັດຊະຍາ ແລະ ຮີດຄອງປະເພນີຂອງການບູຊາໃນວັນເພັງເດືອນ 7 ຕາມຈັນທະປະຕິທິນ ເຊິ່ງແມ່ນບຸນເຂົ້າປະດັບດິນ - ລະດູຕອບບຸນແທນຄຸນ.
 |
| ບຸນເຂົ້າປະດັບດິນ - ລະດູຕອບບຸນແທນຄຸນ, ວັນບຸນໃຫຍ່ຂອງປີຊາວຫວຽດນາມ. ພາບ: TTXVN |
ພາຍຫຼັງ 2 ປີຖືກຢຸດຕິຍ້ອນພະຍາດໂຄວິດ-19, ບັນດາກິດຈະກໍາຄວາມເຊື່ອຖື ແລະ ການເຄື່ອນໄຫວທາງສາສະໜາຕ້ອງຈຳກັດການເຕົ້າໂຮມເພື່ອຮັບປະກັນລະບຽບການປ້ອງກັນ ແລະ ຕ້ານການແຜ່ລະບາດຂອງພະຍາດ, ໃນປີນີ້, ບຸນເຂົ້າປະດັບດິນ ປະຕິທິນພຸດທະສາສະໜາ 2566- 2022 ໄດ້ກັບຄືນສູ່ຄວາມເບີກບານມ່ວນຊື່ນຂອງທຸກຄົນ.
ບຸນເຂົ້າປະດັບດິນ - ລະດູຕອບບຸນແທນຄຸນ ບໍ່ພຽງແຕ່ແມ່ນພິທີກຳ ຂອງພຸດທະສາສະນິກະຊົນ, ວັນບຸນຂອງບັນດາລູກຫຼານຂອງພຣະພຸດທະເຈົ້າ ເທົ່ານັ້ນ, ແຕ່ຍັງກາຍເປັນຄວາມງາມທາງດ້ານວັດທະນະທຳທີ່ເປັນມູນເຊື້ອ ຂອງຊາວ ຫວຽດນາມ.
ນີ້ກໍ່ແມ່ນໂອກາດເພື່ອສະແດງຮູ້ບຸນຄຸນຕໍ່ປະເທດຊາດ, ພີ່ນ້ອງຮ່ວມຊາດ, ລະນຶກເຖິງການເສຍສະຫຼະອັນສູງສົ່ງຂອງຄົນຮຸ່ນກ່ອນ, ວິລະຊົນທີ່ເສຍສະຫຼະຊີວິດເພື່ອຊາດ ແລະຄວາມຜາສຸກຂອງບັນດາເຜົ່າ.
ບຸນເຂົ້າປະດັບດິນ - ລະດູຕອບບຸນແທນຄຸນ ໄດ້ກາຍເປັນຈຸດວັດທະນະທຳທີ່ເປັນມູນເຊື້ອ ຂອງຊາວຫວຽດນາມ ນັບພັນປີ.
ໃນຊຸມມື້ນີ້, ຫຼາຍຄອບຄົວຊາວຫວຽດນາມ ມັກຈັດຖາດເຂົ້າສານເພື່ອບູຊາບັນພະບຸລຸດ, ກະກຽມເຄື່ອງບູຊາບັນພະບຸລຸດ, ໄປວັດເພື່ອບູຊາທູບທຽນ ແລະ ເຂົ້າຮ່ວມພິທີ.
ພະມະຫາອາຈານ ທີກທ້ຽນເຍີນ, ປະທານຄະນະບໍລິຫານງານສັງຄົມພຸດທະສາສະໜາຫວຽດນາມ ໃຫ້ຂໍ້ສັງເກດວ່າ ຈະຫຼີກລ່ຽງການຈັດຕັ້ງການເກັບເງິນເພື່ອຊື້ພິທີໃນຮູບແບບການບໍລິການທາງຈິດໃຈ ແລະ ພິທີກຳທີ່ບໍ່ສອດຄ່ອງກັບທຳມະຊາດ ແລະ ຮີດຄອງປະເພນີ; ຫ້າມຈູດກະດາດຫຼາຍ.
ພະມະຫາອາຈານ ທີກທ້ຽນເຍີນ ກ່າວວ່າ: “ພວກເຮົາຄວນປະຕິບັດວຽກງານກຸສົນເພື່ອຊ່ວຍເຫຼືອຄົນທຸກຍາກຫັນປ່ຽນເປັນກຳມະການດີເພື່ອສະແດງຄວາມເມດຕາຕໍ່ບັນພະບຸລຸດ ແລະ ພໍ່ແມ່ຂອງພວກເຮົາ."
ບູນມີ
