 |
ສຳເລັດຄັດເລືອກນາງສາວງາມຊົນເຜົ່າມົ້ງ ນະຄອນຫຼວງປີ 2020
ການຄັດເລືອກນາງສາວງາມຊົນເຜົ່າມົ້ງ ນະຄອນຫຼວງວຽງຈັນ ເພື່ອເປັນການສົ່ງເສີມເຮັດໃຫ້ບັນດານາງສາວຊົນເຜົ່າມົ້ງໄດ້ກ້າສະແດງອອກ ແລະ ຮູ້ຮີດຄອງປະເພນີອັນດີງາມ ເຊັ່ນ: ການນົບ ການໄຫວ້ ການຍ່າງ ແລະ ກິລິຍາມາລະຍາດ ເຊິ່ງປີນີ້ມີນາງສາວຊົນເຜົ່າມົ້ງເຂົ້າມາສະໝັກຢ່າງຫຼວງຫຼາຍ ໂດຍໄດ້ຄັດເລືອກເອົາ 50 ນາງສາວ ຈາກນັ້ນ ຄະນະກຳມະການໄດ້ຄັດເອົາ 20 ນາງສາວ ເຂົ້າຮ່ວມກິດຈະກຳຕ່າງໆ ເຊິ່ງຜ່ານການຄັດເລືອກຂອງຄະນະກຳມະການ ໃນຄ່ຳຄືນວັນທີ 24 ພະຈິກ 2019 ສາມາດຄັດເລືອກໄດ້ນາງງາມຊົນເຜົ່າມົ້ງ 7 ນາງສາວ ອັນດັບທີ 1 ໝາຍເລກ SM3 ນາງ ປ່າເຢັ້ງຊາ ຂໍ່ ພ້ອມທັງເປັນນາງງາມຂວັນໃຈມະຫາ ຊົນ ແລະ ນາງງາມໄດ້ດອກໄມ້ຫຼາຍກວ່າໝູ່ຈາກຜູ້ທີ່ເຂົ້າຮ່ວມງານ ຮອງອັນດັບທີ 1 ໝາຍເລກ SM5 ນາງ ປ່າເຊ້ຍ ລີ ຮອງອັນດັບທີ 2 ໝາຍເລກ SM4 ນາງ ກ່າວຈີທ່າວ ໄຈເຈ້ຍ ຮອງອັນດັບ 3 ໝາຍເລກ SM13 ນາງ ປ່າເຊ້ຍ ເຮີ ຮອງອັນດັບທີ 4 ໝາຍເລກ SM16 ນາງ ຫຼ້າທໍ່ ເຍ່ຍປາວ ຮອງອັນດັບທີ 5 ໝາຍເລກ SM18 ນາງ ຊາຢາ ຊົງມີໄຊ ແລະ ຮອງອັນດັບທີ 6 ໝາຍເລກ SM10 ນາງ ເດ່ ເຊ້ຍລີ ນອກນີ້ ຍັງມີລາງວັນນາງງາມຂວັນໃຈຊ່າງພາບ ໝາຍເລກ SM19 ນາງ ປ່າກູ້ຕາລີ ເຈ່ຍຫຼີລີ ແລະ ລາງວັນມິດຕະພາບ ໝາຍເລກ SM1 ນາງ ກະເລ່ຍ ຮົວຕູ້ໄຊ.
ສຳລັບລາງວັນທີ 1 ກໍຄື ນາງງາມໄດ້ຮັບລາງວັນມຸງກຸດ ມູນຄ່າ 50 ລ້ານກີບ ສາຍສະພາຍ ພ້ອມເງິນ 5 ລ້ານກີບ ຈາກສວນພຶກສາ ວົງເງິນຄຸ້ມຄອງປະກັນໄພຈາກ ບໍລິສັດ ເອັສທີ ປະກັນໄພ 30 ລ້ານກີບ ລາງຮອງອັນດັບທີ 1 ໄດ້ຮັບເງິນ 3 ລ້ານກີບ ວົງເງິນຄຸ້ມຄອງປະກັນໄພຈາກບໍລິສັດ ເອັສທີປະກັນໄພ 20 ລ້ານກີບ ຮອງອັນດັບ 2 ໄດ້ຮັບລາງວັນເງິນ 2 ລ້ານກີບ ວົງເງິນຄຸ້ມຄອງປະກັນໄພຈາກ ບໍລິສັດ ເອັສທີ ປະກັນໄພ 15 ລ້ານກີບ ຮອງອັນດັບທີ 3 ໄດ້ຮັບລາງວັນຂວັນໃຈຊ່າງພາບ ຂວັນໃຈມະຫາຊົນ ແລະ ລາງວັນມິດຕະພາບ ໄດ້ຮັບເງິນ 1,5 ລ້ານກີບ ວົງເງິນຄຸ້ມຄອງປະກັນໄພຈາກ ບໍລິສັດ ເອັສທີ ປະກັນໄພ 10 ລ້ານກີບ ເຊິ່ງທຸກນາງສາວແມ່ນໄດ້ຮັບສາຍສະພາຍ ນອກນີ້ ພິເສດຍັງມີລາງວັນນາງສາວໄດ້ຮັບດອກໄມ້ຫຼາຍທີ່ສຸດຈາກຜູ້ທີ່ເຂົ້າຮ່ວມງານ ແມ່ນໄດ້ຮັບວົງເງິນຄຸ້ມຄອງປະກັນໄພຈາກ ບໍລິສັດ ເອັສທີປະກັນໄພ 10 ລ້ານກີບ ແລະ ລາງວັນທີ 1-3 ບໍລິສັດ ລາວສະກາຍເວ ຍັງໄດ້ມອບແພັກເກັດທ່ອງທ່ຽວຫຼວງພະບາງ 2 ມື້ 1 ຄືນ ມູນຄ່າຜູ້ລະ 4 ລ້ານກີບ.
（ແຫຼ່ງຂໍ້ມູນ： vientianemai.net）
