ວັນທີ 9 ສິງຫາ, ຢູ່ຮ່າໂນ້ຍ, ທ່ານ ດັ້ງຮວ່າງອານ ຮອງລັດຖະມົນຕີກະຊວງອຸດສາຫະກຳ ແລະການຄ້າຫວຽດນາມ ໄດ້ມີການເຮັດວຽກກັບທ່ານ Selwin Hart ທີ່ປຶກສາພິເສດ ແລະ ຜູ້ຊ່ວຍວຽກເລຂາທິການໃຫຍ່ສະຫະປະຊາຊາດ. ສອງຝ່າຍໄດ້ແລກປ່ຽນກ່ຽວກັບບັນຫາປະຕິບັດຄຳໝັ້ນສັນຍາຂອງຫວຽດນາມ ທີ່ COP 26 ຜ່ານການຫັນປ່ຽນພະລັງງານ.
ກ່າວຄຳເຫັນທີ່ການເຮັດວຽກ, ທ່ານ Selwin Hart ປາດຖະໜາຢາກໃຫ້ກະຊວງອຸດສາຫະກຳ ແລະ ການຄ້າຫວຽດນາມ ແບ່ງປັນຂັ້ນຕອນເພື່ອຫຼຸດຜ່ອນໄຟຟ້າຖ່ານຫີນ ກໍ່ຄືບັນດາມາດຕະການການຫັນປ່ຽນພະລັງງານ ແນໃສ່ປະຕິບັດຄຳໝັ້ນສັນຍາ COP 26 ຂອງ ຫວຽດນາມ.
 |
| ຫວຽດນາມ ໃຫ້ບຸລິມະສິດພັດທະນາພະລັງງານສະອາດ. ພາບ: congthuong.vn |
ໂດຍແລກປ່ຽນກ່ຽວກັບບັນຫານີ້, ທ່ານຮອງລັດຖະມົນຕີ ດັ້ງຮວ່າງອານ ໃຫ້ຮູ້ວ່າ ການກຳນົດທິດພັດທະນາໃນຮ່າງແຜນຜັງໄຟຟ້າ 8 ຂອງລັດຖະບານຫວຽດນາມ ແມ່ນຮັບປະກັນຄວາມໝັ້ນຄົງດ້ານພະລັງງານແຫ່ງຊາດ, ໃນນັ້ນໃຫ້ບຸລິມະສິດພັດທະນາພະລັງງານສະອາດ, ຍືນຍົງຕິດພັນກັບສິ່ງແວດລ້ອມຊີວະພາບ. ພ້ອມທັງ, ສົ່ງເສີມ ແລະ ສ້າງເງື່ອນໄຂໃຫ້ທຸກພາກສ່ວນເສດຖະກິດ, ພິເສດແມ່ນພາກເອກະຊົນ ເຂົ້າຮ່ວມການພັດທະນາພະລັງງານ.
ທ່ານຮອງລັດຖະມົນຕີ ດັ້ງຮວ່າງອານ ໃຫ້ຮູ້ວ່າ: “ຫວຽດນາມ ຈະບໍ່ພັດທະນາໂຮງງານໄຟຟ້າຖ່ານຫີນແຫ່ງໃໝ່ໃນແຜນຜັງໄຟຟ້າ 8, ແຕ່ນີ້ຮອດປີ 2030 ມີແຕ່ຈະສືບຕໍ່ຜັນຂະຫຍາຍບັນດາໂຄງການທີ່ພວມກໍ່ສ້າງ ຫຼື ມີຄຳໝັ້ນສັນຍາກັບນັກລົງທຶນຕ່າງປະເທດຕາມຮູບແບບ BOT. ພາຍຫຼັງປີ 2030 ຫວຽດນາມ ກໍານົດທິດຈະເຜົາຖ່ານຫີນປົນກັບ armonia ຫຼື biomass ເພື່ອມຸ່ງໄປເຖິງການຫັນປ່ຽນເຊື້ອເພີງ”.
ເມື່ອແລກປ່ຽນກ່ຽວກັບບັນຫານີ້, ທ່ານ Selwin Hart ສະແດງຄວາມປາດຖະໜາວ່າ ຫວຽດນາມ ຈະຮຽນຮູ້ ແລະ ໝູນໃຊ້ກົນໄກ Just Energy Partnership JETP ຂອງກຸ່ມ ບັນດາປະເທດ G7 ໃຫ້ຄຳໝັ້ນສັນຍາໜູນຊ່ວຍ 8,5 ຕື້ໂດລາສະຫະລັດໃຫ້ບັນດາປະເທດພາກພື້ນອາຟະລິກາ, ອາຊີ (ຖະແຫຼງການໄດ້ຍົກອອກໃນໂອກາດ COP26 ຈັດຢູ່ Glassgow ອັງກິດ ເດືອນພະຈິກ 2021) ແລະ ETM (Energy Transition Mechanism) ຂອງ ADB ເພື່ອໄດ້ຮັບການໜູນຊ່ວຍຂອງປະເທດທີ່ກ້າວໜ້າ, ອົງການຈັດຕັ້ງສາກົນໃນຂະບວນການປະຕິບັດການຫັນປ່ຽນພະລັງງານ.
ກອງທັບ
