| ເປັນເຈົ້າການໃນກາບປັບຕົວຕໍ່ຂໍ້ກຳນົດນຳເຂົ້າຜະລິດຕະພັນກະເສດໃໝ່ | |
| ຜະລິດຕະພັນກະເສດ ວິງລອງ ມີເວັບໄຊຂາຍເຄື່ອງທາງອອນລາຍ |
 |
| ພາບປະກອບ: TTXVN |
ໃນບົດກ່າວປາໄສຂ່ຳນັບຮັບຕ້ອນ ເວທີປາໄສ, ທ່ານນາຍົກລັດຖະມົນຕີ ຟ້າມມິງຈິງ ໄດ້ເນັນໜັກເຖິງບົດບາດສຳຄັນຂອງ ສະຫະພັນລັດເຊຍສຳລັບຂະແໜງພະລັງງານທົ່ວໂລກ, ຊ່ວຍຮັກສາສະຖຽນລະພາບ ແລະ ຄວາມສົມດຸນຕະຫຼາດພະລັງງານສາກົນ.
ທ່ານນາຍົກລັດຖະມົນຕີ ຟ້າມມິງຈິງ ຖືວ່າ ເວທີປາໄສ “ສັບປະດາພະລັງງານ ລັດເຊຍ” ໄດ້ປະກອບສ່ວນເພີ່ມທະວີການໂອ້ລົມສົນທະນາ ແລະ ການຮ່ວມມືລະຫວ່າງບັນດາປະເທດ, ເປັນຕົ້ນແມ່ນການຮ່ວມມືພາກລັດ - ເອກະຊົນ ໃນການພັດທະນາຂະແໜງພະລັງງານຢ່າງມີປະສິດທິຜົນ, ຍືນຍົງ, ເພື່ອຜົນປະໂຫຍດລວມຂອງບັນດາປະເທດ ແລະ ມວນມະນຸດ.
ທ່ານນາຍົກລັດຖະມົນຕີ ຟ້າມມິງຈິງ ເນັ້ນໜັກວ່າ ຫວຽດນາມ ໄດ້ຮັບຮູ້ຢ່າງຈະແຈ້ງເຖິງຄວາມສຳຄັນຂອງການຫັນປ່ຽນໂຄງປະກອບແຫຼ່ງພະລັງງານ ຕາມທິດຍົກສູງອັດຕາສ່ວນ ພະລັງງານຜະລິດຄືນໃໝ່ ຕິດພັນກັບການນຳໃຊ້ພະລັງງານປະຢັດ, ມີປະສິດທິຜົນ, ຍືນຍົງ. ຫວຽດນາມ ພວມ ສ້າງການວາງແຜນຜັງພັດທະນາໄຟຟ້າແຫ່ງຊາດ ໄລຍະ 2021 – 2030, ວິໄສທັດຮອດປີ 2045 ດ້ວຍການກຳນົດທິດສ້າງໂຄງປະກອບພະລັງງານຂອງ ຫວຽດນາມ ດ້ວຍ 3 ກຳນົດທິດໃຫຍ່.
ຕາມນັ້ນແລ້ວ, ຫວຽດນາມ ກໍ່ຊຸກຍູ້ການຫັນແຫຼ່ງກຳລັງເປັນຫຼາຍຮູບແບບ, ເອົາໃຈໃສ່ພັດທະນາບັນດາແຫຼ່ງພະລັງງານສະອາດ, ພະລັງງານຜະລິດຄືນໃໝ່. ຫວຽດນາມ ໄດ້ປະກາດໃຊ້ຫຼາຍກົນໄກສົ່ງເສີມພັດທະນາໄຟຟ້າແຮງລົມ, ໄຟຟ້າຊີວະມວນ, ໄຟຟ້າຈາກສິ່ງເສດເຫຼືອແຂງ ແລະ ໄຟຟ້າແສງຕາເວັນ…
ສຳລັບກຳລັງໄຟຟ້າຟອັກຊິວ, ມີຂັ້ນຕອນຄ່ອຍໆຫຼຸດຜ່ອນລົງ ແລະ ສ່ວນຫຼາຍແມ່ນບໍ່ພັດທະນາບັນດາໂຮງງານໄຟຟ້າຖ່ານຫີນໃໝ່ຕື່ມອີກ. ໂດຍຄາດຄະເນພັດທະນາໄຟຟ້າອາຍແກັດຢ່າງແຮງ, ລວມມີທັງໄຟຟ້າຄວາມຮ້ອນທີ່ນຳໃຊ້ອາຍແກັດພາຍໃນປະເທດ ແລະ ຫັນເປັນອາຍແກັດແຫຼວ (LNG).
ຫວຽດນາມ ກໍ່ເພີ່ມທະວີການນຳໃຊ້ພະລັງງານຢ່າງປະຢັດ ແລະ ມີປະສິດທິຜົນ. ຕັ້ງໜ້າຜັນຂະຫຍາຍສົນທິສັນຍາ Pari ກ່ຽວກັບການປ່ຽນແປງຂອງດິນຟ້າອາກາດ, ໃນນັ້ນມີການຮ່ວມມືດ້ານພະລັງງານທີ່ມີປະສິດທິຜົນທີ່ສຸດ ລະຫວ່າງສອງປະເທດ ໃນຫຼາຍທົດສະວັດທີ່ຜ່ານມາ, ເນັ້ນໜັກເຖິງຫຼາຍໂຄງການພະລັງງານໃໝ່ ຢູ່ ຫວຽດນາມ ລ້ວນແຕ່ມີຂີດໝາຍຂອງນ້ຳໃຈມິດຕະພາບ ແລະ ການຮ່ວມມືລະຫວ່າງ ຫວຽດນາມ - ລັດເຊຍ, ຢັ້ງຢືນການຮ່ວມມືດ້ານນ້ຳມັນອາຍແກັດແມ່ນເສົາຫຼັກສຳຄັນຂອງການພົວພັນຄູ່ຮ່ວມມືຍຸດທະສາດ ຮອບດ້ານຫວຽດນາມ - ລັດເຊຍ, ດ້ວຍວິສາຫະກິດ ແລະ ໂຄງການຫຼາຍແຫ່ງພວມສືບຕໍ່ໄດ້ຮັບການເຄື່ອນໄຫວຢ່າງມີປະສິດທິຜົນຢູ່ ທັງ ຫວຽດນາມ ແລະ ລັດເຊຍ. ບັນດາຜົນງານນີ້ແມ່ນປະຖົມປັດໄຈເພື່ອໃຫ້ ຫວຽດນາມ ແລະ ສະຫະພັນ ລັດເຊຍເປີດກ້ວາງການຮ່ວມມືໄປຍັງຂົງເຂດພະລັງງານໃໝ່, ພະລັງງານຜະລິດຄືນໃໝ່, ຂຽວ ແລະ ສະອາດ.
ທ່ານນາຍົກລັດຖະມົນຕີ ຟ້າມມິງຈິງ ຢັ້ງຢືນວ່າ ຫວຽດນາມ ຈະສືບຕໍ່ປະຕິບັດສຳເລັດລະບອບລະບຽບການ, ນະໂຍບາຍ, ກົດໝາຍໜູນຊ່ວຍການພັດທະນາຂະແໜງພະລັງງານ, ສົ່ງເສີມການຍູ້ແຮງກົນໄກຮ່ວມມື ພາກລັດ - ເອກະຊົນ, ສືບຕໍ່ສ້າງເງື່ອນໄຂສະດວກໃຫ້ແກ່ບັນດາວິສາຫະກິດຂອງ ສະຫະພັນລັດເຊຍ ແລະ ບັນດາປະເທດລົງທຶນດຳເນີນທຸລະກິດເຂົ້າຂົງເຂດພະລັງງານຢູ່ ຫວຽດນາມ.
ເວທີປາໄສ “ສັບປະດາພະລັງງານ ລັດເຊຍ” ແມ່ນເຫດການສຳຄັນກ່ຽວກັບພະລັງງານ, ໄດ້ຈັດຕັ້ງຕາມຂໍ້ລິເລີ່ມຂອງ ລັດຖະບານ ລັດເຊຍ ນັບແຕ່ປີ 2017 ເພື່ອແນໃສ່ປຶກສາຫາລື ບັນດາພັດທະນາ ແລະ ຮ່ວມມືສາກົນໃນຂົງເຂດພະລັງງານ.
ເວທີປາໄສ “ສັບປະດາພະລັງງານ ລັດເຊຍ” ປີນີ້ ດ້ວຍຫົວຂໍ້ “ພະລັງງານໂລກ: ຫັນປ່ຽນເພື່ອພັດທະນາ” ດຶງດູດ ການເຂົ້າຮ່ວມຂອງຜູ້ແທນລັດເຊຍ ແລະ ສາກົນ ກ່ວາ 1000 ຄົນ, ໃນນັ້ນ ມີການນຳຫຼາຍປະເທດ, ອົງການຈັດຕັ້ງສາກົນ ແລະ ກຸ່ມບໍລິສັດພະລັງງານແຖວໜ້າໂລກ. ທ່ານປະທານາທິບໍດີ Vladimir Putin ລັດເຊຍ ກໍ່ມີບົດກ່າວປາໄສຢູ່ເວທີປາໄສ.
ບົດກ່າວປາໄສຂອງ ທ່ານນາຍົກລັດຖະມົນຕີ ຟ້າມມິງຈິງ ໄດ້ຮັບການຕີລາຄາສູງຈາກບັນດາຜູ້ແທນເຂົ້າຮ່ວມເວທີປາໄສ, ສະແດງໃຫ້ເຫັນການເຂົ້າຮ່ວມຢ່າງຕັ້ງໜ້າ, ມີຄວາມຮັບຜິດຊອບຂອງ ຫວຽດນາມ ໃນບັນດາບັນຫາທົ່ວໂລກ, ເພີ່ມທະວີການຮ່ວມມືກັບ ສະຫະພັນລັດເຊຍ ແລະ ບັນດາປະເທດເພື່ອແນໃສ່ພັດທະນາຂະແໜງພະລັງງານແບບຍືນຍົງ, ຫຼຸດຜ່ອນຜົນກະທົບຕໍ່ສິ່ງແວດລ້ອມ, ປະກອບສ່ວນເຂົ້າໃນການຮັກສາສັນຕິພາບ, ສະຖຽນລະພາບ ແລະພັດທະນາໃນທົ່ວໂລກ.
ບຸນຄົງ
