ຊາວ​ຫວຽດ​ນາມ ອາ​ໄສ​ຢູ່ ​ສ.ເກົາຫຼີ ເຂົ້າ​ຮ່ວມ​ການ​ສອບ​ເສັງ​ຊອກ​ຮູ້​ກ່ຽວ​ກັບ​ 30 ປີ ແຫ່ງກ​າ​ນ​ພົວ​ພັນ​ທາງ​ການ​ທູດ ລະ​ຫວ່າງ​ສອງ​ປະ​ເທດ

	ການ​ຮ່ວມ​ມືກໍ່ສ້າງ​ພະ​ນັກ​ງານ​ສະ​ຫະ​ພັນ​ກໍາມະບານປະ​ກອບ​ສ່ວນ​ຮັດແໜ້ນ​ການ​ພົວ​ພັນ​ແບບ​ພິ​ເສດ​ລະ​ຫວ່າງ​ຫວຽດ​ນາມ-ລາວ
	ໄວ​ໜຸ່ມ​ສອງ​ປະ​ເທດ ຫວຽດ​ນາມ - ລາວ ຂໍຂານ​ອາ​ສາ​ຂຽນ​ຕໍ່​ໜ້າ​ປະ​ຫວັດ​ສາດ​ໃໝ່​ກ່ຽວ​ກັບ​ການ​ພົວ​ພັນ​ລະ​ຫວ່າງ ຫວຽດ​ນາມ - ລາວ

ພາບ​ປະ​ກອບ: AVCK

ເນື່ອງ​ໃນ​ໂອ​ກາດ 30 ປີ​ແຫ່ງວັນ​ສ້າງ​ຕັ້ງ​ການ​ພົວ​ພັນ​ທາງ​ການ​ທູດ ລະ​ຫວ່າງ ຫວຽດ​ນາມ ສ.ເກົາຫຼີ, ສະ​ມາ​ຄົມ​ຊາວ​ຫວຽດ​ນາມ ອ​າ​ໄສ​ຢູ່​ ສ.ເກົາຫຼີ (AVCK) ໄດ້​ຈັດ​ຕັ້ງ​ການ​ສອບ​ເສັງ​ການ​ຂຽນ​ກ່ຽວ​ກັບ​ການ​ພົວ​ພັນ​ທີ່​ໝັ້ນ​ແກ່ນ​ນີ້ ລະ​ຫວ່າງ​ສອງ​ປະ​ເທດ.

ການ​ສອບ​ເສັງ​ຊອກ​ຮູ້​ກ່ຽວ​ກັບ 30 ປີ​ແຫ່ງ​ການ​ພົວ​ພັນ​ທາງ​ການ​ທູດ ລະ​ຫວ່າງ​ສອງ​ປະ​ເທດ ຫວຽດ​ນາມ - ສ.ເກົາຫຼີ ​ດ້​ວຍ​ຫົວຂໍ້ທົ່ວໄປທີ່​ກ່ຽວ​ຂ້ອງ​ເຖິງ​ການ​ຮ່ວມ​ມື​ມິດ​ຕະ​ພາບ ລະ​ຫວ່າງ​ສອງ​ປະ​ເທດ ໃນ 30 ປີ​ຜ່ານ​ມາ ແລະ ການ​ພັດ​ທະ​ນາ​ໃນ​ອະ​ນາ​ຄົດ​ຂອງ​ການ​ພົວ​ພັນ​ສອງ​ຝ່າຍ.

ເປົ້າ​ໝາຍ​ເຂົ້າ​ຮ່ວມ​ແມ່ນສະ​ຫງວນ​ໃຫ້​ແກ່​ສ່ວນ​ບຸກ​ຄົນ ຫຼື​ໝູ່​ຄະ​ນະ​ຊາວ​ຫວຽດ​ນາມ, ສ.ເກົາ​ຫຼີ ຫຼື​ ສະ​ມາ​ຊິກ​ໃນ​ຄອບ​ຄົວ​ຫຼາຍ​ວັດ​ນະ​ທະ​ທຳ​ ​ຢູ່​ສ.ເກົາຫຼີ, ຫວຽດ​ນາມ, ບໍ່​ຈຳ​ກັດ​ເກນ​ອາ​ຍຸ.

ບັນ​ດາຮູບແບບການສົ່ງບົດ​ເຂົ້າ​ຮ່ວມ​ການ​ສອບ​ເສັງ​ແມ່ນ​file ເອ​ກະ​ສານ word, pdf, PPT, ວີ​ດີ​ໂອ (ໜັງ​ສັ້ນ, ສາ​ລະ​ຄະ​ດີ​ພາບ...) ຕາມ​ຮູບ​ແບບ file MP4, audio (ສຽງ) ແບບ file MP3… ດ້ວຍ​ພາ​ສາຫວຽດ​ ຫຼື ສ.ເກົາຫຼີ.

ສົ່ງບົດ​ເຂົ້າ​ຮ່ວມ​ການ​ສອບ​ເສັງ​​​ໄປ​ຍັງອີ​ເມວ: lehoivanhoavietnam10@gmail.com, ຫົວ​ຂໍ້​ຂອງອີ​ເມວ​ຂຽນ​ວ່າ: ການ​ພົວ​ພັນ​ທາງ​ການ​ທູດ ຫວຽດ​ນາມ - ສ.ເກົາຫຼີ - ຊື່​ຂອງ​ຜູ້​ເຂົ້າ​ຮ່ວມ. ອີ​ເມວ ລວມ​ມີ​ຂໍ້​ມູນ​ຢ່າງ​ຄົບ​ຖ້ວນ: ຊື່ ແລະ ນາມ​ສະ​ກຸນ, ທີ່​ຢູ່​ອີ​ເມວ, ເບີ​ໂທ​ລະ​ສັບ​ເພື່ອ​ຕິດ​ຕໍ່, ປະ​ເທດ​ຢູ່ອາ​ໄສ, ສັນ​ຊາດ​ຂອງ​ຜູ້​ເຂົ້າ​ຮ່ວມ ແລະ ບົດ​ເຂົ້າ​ຮ່ວມ​ການ​ເສັງ​ຕິດ​ຂັດ​ໄປ​ນຳ.

ຕາມ ACVK ແລ້ວ, ເວ​ລາ​ດຳ​ເນີນ​ການ​ແຂ່ງ​ຂັນ​ນັບ​ແຕ່​ວັນ​ທີ 28 ກໍ​ລະ​ກົດ ຫາ​ວັນ​ທີ 16 ກໍ​ລະ​ກົດ. ຄະ​ນະ​ຈັດ​ຕັ້ງ​ໃຫ້​ຮູ້​ວ່າ ຈະ​ມີ3ລາງວັນ​ລວມ​ໝູ່ (ລາງວັນ ທີ 1, ລາງວັນ​ທີ 2, ລາງວັນ​ທີ 3) ແລະ 3 ລາງວັນ​ສ່ວນ​ຕົວ (ລາງວັນ ທີ 1, ລາງວັນ​ທີ 2, ລາງວັນ​ທີ 3) ໃຫ້​ບັນ​ດາ​ບົດ​ເຂົ້າ​ຮ່ວມ​ການ​ເສັງທີ່ດີເລີດທີ່ສຸດ.