ແຕ່ວັນທີ 19-22 ສິງຫາ, ຢູ່ສະໜາມຫຼວງ 1 ເມສາ ນະຄອນ ຕຸຍຮວ່າ (ຝູອຽນ) ຈະຈັດຕັ້ງງານບຸນວັດທະນະທຳ, ກິລາ ແລະ ທ່ອງທ່ຽວບັນດາເຜົ່າແຂວງ ຟູອຽນ ຄັ້ງທີ XI - 2022. ຜ່ານງານບຸນເພື່ອຍົກສູງຄວາມເອກອ້າງທະນົງໃຈຊາດ; ເພີ່ມທະວີຄວາມສາມັກຄີ, ຄວາມເຂົ້າໃຈ ແລະ ການພົບປະແລກປ່ຽນວັດທະນະທຳລະຫວ່າງບັນດາຊາດ.
 |
| ງານບຸນວັດທະນະທຳ, ກິລາ ແລະທ່ອງທ່ຽວບັນດາເຜົ່າ ຄັ້ງທີ X – 2019. ພາບ: bienphong.com.vn |
ເພື່ອປົກປັກຮັກສາ ແລະ ສົ່ງເສີມມໍລະດົກວັດທະນະທຳບັນດາເຜົ່າໃນແຂວງ, ຮັບໃຊ້ການພັດທະນາເສດຖະກິດ-ສັງຄົມ ແລະ ໂຄສະນາການທ່ອງທ່ຽວຂອງຝູອຽນ; ຄະນະກຳມະການປະຊາຊົນແຂວງ ຫາກໍ່ວາງອອກແຜນການຈັດຕັ້ງງານບຸນວັດທະນະທຳ, ກິລາ ແລະທ່ອງທ່ຽວບັນດາເຜົ່າ ຄັ້ງທີ XI – 2022. ຕາມການຄາດຄະເນ, ເວລາຈັດຕັ້ງງານບຸນໄດ້ດຳເນີນໃນ 4 ວັນ (ແຕ່ວັນທີ 19-22 ສິງຫາ 2022) ຢູ່ສະໜາມຫຼວງ 1 ເມສາ ນະຄອນ ຕຸຍຮວ່າ.
ຕາມນັ້ນແລ້ວ, ບັນດາການເຄື່ອນໄຫວຕົ້ນຕໍທີ່ຈັດຂຶ້ນໃນວັນບຸນລວມມີ: ພິທີເປີດງານບຸນວັດທະນະທຳ, ກິລາ ແລະ ທ່ອງທ່ຽວແຂວງ ຝູອຽນ ຄັ້ງທີ XI - 2022 ແລະ ຕ້ອນຮັບໃບຢັ້ງຢືນມໍລະດົກວັດທະນະທຳນາມມະທໍາແຫ່ງຊາດ...
ຄະນະກໍາມະການປະຊາຊົນແຂວງ ມອບໃຫ້ພະແນກວັດທະນະທໍາ, ກິລາ ແລະ ທ່ອງທ່ຽວ ຈັດຕັ້ງຄຸ້ມຄອງການເຄື່ອນໄຫວຕາມແຜນການທີ່ໄດ້ອະນຸມັດ. ຈັດຕັ້ງ ໂຄສະນາເຜີຍແຜ່ກ່ຽວກັບງານບຸນ. ຄະນະກຳມະການປະຊາຊົນແຂວງຮຽກຮ້ອງໃຫ້ບັນດາການເຄື່ອນໄຫວຂອງງານບຸນຕ້ອງມີລັກສະນະວັດທະນະທຳຊົນເຜົ່າ, ເຂດພາກ ແລະ ທ້ອງຖິ່ນ. ວຽກງານຈັດຕັ້ງຕ້ອງມີປະສິດທິພາບ, ປະຢັດ, ຮັບປະກັນຄວາມເປັນລະບຽບຮຽບຮ້ອຍ ແລະ ຄວາມປອດໄພທາງສັງຄົມ.
ບູນມີ
