| ຄະນະຜູ້ແທນ ຄະນະກຳມະການແນວລາວສ້າງຊາດ ຢ້ຽມຢາມ ແລະ ເຮັດວຽກຢູ່ ເທດສະບານເມືອງ ກວ້າງອຽນ | |
| ຄະນະປະຕິບັດງານຫ້ອງວ່າການສຳນັກງານນາຍົກລັດຖະມົນຕີ ລາວ ຢ້ຽມຢາມ ແລະ ເຮັດວຽກ ຢູ່ ແຂວງເງະອານ |
ວັນທີ 21 ກໍລະກົດ, ຄະນະຜູ້ແທນຂັ້ນສູງສະພາແຫ່ງຊາດລາວ ນໍາໂດຍສະຫາຍນາງ ສູນທອນ ໄຊຍະຈັກ ຮອງປະທານສະພາແຫ່ງຊາດລາວ, ປະທານສະມາຄົມສະມາຊິກລັດຖະສະພາມິດຕະພາບລາວ-ຫວຽດນາມ ໄປຢ້ຽມຢາມ ແລະ ເຮັດວຽກຢູ່ແຂວງຮວ່າບິ່ງ.
 |
| ຮອງປະທານສະພາແຫ່ງຊາດລາວ ຢ້ຽມຢາມ ແລະ ເຮັດວຽກຢູ່ແຂວງຮວ່າບິ່ງ. ພາບ: TTXVN |
ທີ່ການເຮັດວຽກ, ສະຫາຍນາງ ສູນທອນ ໄຊຍະຈັກ ປາດຖະໜາຢາກໃຫ້ ສອງຝ່າຍສືບຕໍ່ເສີມຂະຫຍາຍມູນເຊື້ອສະໜິດຕິດພັນ ແລະ ສາຍພົວພັນທາງ ການທູດທີ່ເລິກເຊິ່ງ, ກວ້າງຂວາງ, ຫວັງວ່າສອງປະເທດລາວ-ຫວຽດນາມ ຈະສືບຕໍ່ຮັກສາສາຍພົວພັນສັດຊື່ບໍລິສຸດ, ຈົງຮັກພັກດີນີ້ໄວ້. ສະຫາຍນາງ ສະແດງຄວາມປິຕິຊົມຊື່ນທີ່ໄດ້ມາຢ້ຽມຢາມປູຊະນີຍະສະຖານປະຫວັດສາດການປະຕິວັດ “ສະຖານທີ່ຝຶກດ້ານການເມືອງ ແລະ ຈັດກອງປະຊຸມກະກຽມ ກອງປະຊຸມໃຫຍ່ ຄັ້ງທີ II, ພັກປະຊາຊົນ ປະຕິວັດ ລາວ” ທີ່ກອງບັນ ຊາການທະຫານແຂວງຮວ່າບິ່ງ.
ສະຫາຍ ໂງວັນຕ໊ວນ ເລຂາພັກແຂວງຮວ່າບິ່ງ ເນັ້ນໜັກວ່າ ໃນໄລຍະຈະ ມາເຖິງ, ທາງແຂວງຈະສືບຕໍ່ໃຫ້ບຸລິມະສິດ, ເອົາໃຈໃສ່ຊຸກຍູ້ສາຍພົວພັນ ມິດຕະພາບຮ່ວມມືກັບບັນດາທ້ອງຖິ່ນຂອງລາວ; ເສີມຂະຫຍາຍຜົນການຮ່ວມມືທີ່ ບັນລຸໄດ້, ເປີດກວ້າງໄປສູ່ຂົງເຂດໃໝ່, ຂຸດຄົ້ນກາລະໂອກາດ, ຄວາມສາມາດ ບົ່ມຊ້ອນລະຫວ່າງສອງຝ່າຍກວ່າອີກ. ແຂວງຮວ່າບິ່ງ ຈະອໍານວຍຄວາມ ສະດວກໃຫ້ບັນດາການເຄື່ອນໄຫວພົບປະແລກປ່ຽນ, ແບ່ງປັນບົດຮຽນ, ແລກປ່ຽນການຮ່ວມມືລະຫວ່າງບັນດາອົງການຈັດຕັ້ງພັກ, ອົງການວິຊາ ສະເພາະຂອງແຂວງ ກັບບັນດາແຂວງ, ນະຄອນຂອງລາວ.
ໄລຍະຜ່ານມາ, ແຂວງຮົວບິງໄດ້ຕ້ອນຮັບຄະນະນຳແຂວງຫົວພັນ, ແຂວງຫຼວງພະບາງ ແລະ ຄະນະນັກສຶກສາຈາກລາວຫຼາຍທ່ານມາຢ້ຽມຢາມ, ເຮັດວຽກ ແລະ ຊອກຮູ້ບັນດາສະຖານທີ່ປະຫວັດສາດປະຕິວັດທີ່ມີຄວາມໝາຍພິເສດນີ້. ນອກຈາກນັ້ນ, ແຂວງຍັງໄດ້ລົງນາມໃນບົດບັນທຶກຄວາມເຂົ້າໃຈກັບສອງທ້ອງຖິ່ນຂອງລາວຄື: ແຂວງຫຼວງພະບາງ ແລະ ແຂວງຫົວພັນ. ນັ້ນແມ່ນປະກອບສ່ວນອະນຸລັກຮັກສາ, ບຳລຸງສ້າງ ແລະ ເສີມຂະຫຍາຍມູນເຊື້ອສາຍພົວພັນສາມັກຄີແບບພິເສດຫວຽດນາມ - ລາວ ເວົ້າລວມ ແລະ ລະຫວ່າງ ແຂວງຮົວບິງ ກັບ ແຂວງຫົວພັນ ແລະ ແຂວງຫຼວງພະບາງ ເວົ້າສະເພາະ.
ບູນມີ
