ກ່ຽວກັບຫົວເລື່ອງ “ລາຄາຖືກ, ປະຢັດ, ທັນສະໄໝ”, ງານວາງສະແດງ Vientiane International Motor Expo 2019 ກຳລັງໄດ້ເກີດຂຶ້ນຢ່ລາວ ໂດຍກົມສົ່ງເສີມການຄ້າ, ກະຊວງອຸດສາຫະກຳ ແລະ ການຄ້າ ລາວ ກັບ ຄູ່ຮ່ວມມື ໄດ້ຈັດຕັ້ງ ແລະ ນຳເອົາມາ 20 ສະແຕມລົດເກັ່ງຂອງ 16 ອົງການຜະລິດລົດເກັ່ງທີ່ມີຊື່ສຽງໃນທົ່ວໂລກ. ຄັ້ງນີ້ແມ່ນຄັ້ງທີ 4 ງານວາງສະແດງລົດເກັ່ງທີ່ມີອັນດັບສາກົນ ໄດ້ຈັດຂຶ້ນທີ່ ວຽງຈັນ, ລາວ.
ຈຸດເດັ່ນໃນງານວ່າງສະແດງຄັ້ງນີ້ ແມ່ນລົດເກັງໃຊ້ໄຟຟ້າ 100%, ບໍ່ແມ່ນລົດໃຊ້ນ້ຳມັນປະສົມກັບໄຟຟ້າ. ງານວ່າງສະແດງລົດໄຟຟ້າຄັ້ງນີ້ ໃຫ້ຜູ້ບໍລິໂພກ ຫຼາຍຈຸດພິເສດຄື ລາຄາຖືກ, ໄດ້ຊຸດສາກສະເພາະຢູ່ບ້ານ, ຊຸດຫົວສາກສຳລັບສາກຢູ່ສະຖານີລົດ, ໃບຮັບປະກັນຂອງອົງການຜະລິດວ່າ ລົດເກັງຕອບສະໜອງເຄືອຄາຍບັນດາສະຖານີສາກໄຟຟ້າສາທາລະນະ ຢູບັນດາຕົວເມືອງໃຫຍ່ຂອງລາວ. ລົດເກັ່ງແລ່ນດ້ວຍໄຟຟ້າ 100% ມີຮ່າງປະກອບງ່າຍດາຍ, ເໝາະສົມແລ່ນໃນຕົວເມືອງກັບຄ່າໃຊ້ຈ່າຍເຊື້ອເພີງຖືກ, ແຕ່ວ່າ ຖ້າຫາກຢາກໄປບ່ອນໄກຕ້ອງມີພື້ນຖານໂຄງລ່າງສະເພາະສຳລັບພາຫະນະນີ້.
 |
ລົດເກັ່ງແລ່ນດ້ວຍໄຟຟ້າ 100% ໃນງານວາງສະແດງ. (ພາບ: nhandan.vn)
ໜຶ່ງໃນແນວທາງການພັດທະນາເສດຖະກິດ ຂອງລາວໃນປະຈຸບັນ ແມ່ນພັດທະນາເສດຖະກິດຕິດພັນການປົກປັກຮັກສາສີ່ງແວດລ້ອມ, ລຸດຂາເຂົ້ານ້ຳມັນ ແລະ ເພີ່ມນຳໃຊ້ໄຟຟ້າ ຍ້ອນວ່າ ລາວບໍ່ຜະລິດໄດ້ນ້ຳມັນ ແລະ ມີການຄາດເດົາວ່າໃນອະນາຄົດ ຈະມີກະແສໄຟຟ້າຫລາຍເກີນໄປຍ້ອນການພັດທະນາເຂື່ອນໄຟຟ້ານ້ຳຕົກ.
ໃນການປະຊຸມ ສະພາແຫ່ງຊາດລາວ ຄັ້ງທີ 7 ຊຸດ VIII, ນາຍົກລັດຖະມົນຕີລາວ ທ່ານ ທອງລຸນ ສີສຸລິດ ໄດ້ຢັ້ງຢືນວ່າ ສຳລັບຈຳນວນໜຶ່ງນະໂຍບາຍທີ່ກ່ຽວຂ້ອງກັບກັານອຳນວຍຄວາມສະດວກ ເພື່ອພັດທະນາບັນດາປະເພດຂົນສົ່ງທີ່ສະອາດ, ໄປສູ່ການປົກປັກຮັກສາສິ່ງແວດລ້ອມ. ຕາມນັ້ນ, ລາວຈະຫຼຸດອາກອນຂາເຂົ້າ, ສົ່ງເສີມການຜະລິດ ແລະ ປະກອບ ເພື່ອຫຼຸດລາຄາ ຂອງບັນດາປະເພດລົດໄຟຟ້າ ຈະເຄື່ອນໄຫວຢູ່ລາວ.
ໃນບັນດາປະເພດລົດໄຟຟ້າໄດ້ສະແດງຢູ່ງານວາງສະແດງຄັ້ງນີ້, ໜ້າສົນໃຈແມ່ນບໍລິສັດ MG ຂອງອັງກິດ ໄດ້ແນະນຳຫຼາຍປະເພດລົດແລ່ນດ້ວບໄຟຟ້າ. ຜູ້ຜະລິດ ໄດ້ສັນຍາ ຜູບໍລິໂພກເສຍຄ່າສາກໄຟຟ້າເທົາກັບ 10% ຄ່າປ້ຳນ້ຳມັນ. ແຕ່ວ່າ ຖ້າສາກລົດເກັງຢູ່ບ້ານ ຕ້ອງໃຊ້ເວລາກ່ວາ 8 ຊົວໂມງ, ສ່ວນສາກຢູ່ສະຖານີສາກສາທາລະນະ ຈະເສຍເວລາ 30ນາທີ; ບໍລິສັດກັບຄູ່ຮ່ວມມື ຕັ້ງເປົ້າໝາຍ ຈະປະກອບ 100 ສະຖານີສາກທົ່ວປະເທດ ແຕ່ນີ້ຮອດທ້າຍປີ.
（ຄຳຮຸ່ງ）
