| ທ່ານລັດຖະມົນຕີການຕ່າງປະເທດ ຫວຽດນາມ ບຸ່ນແທັງເຊີນ ຕ້ອນຮັບລັດຖະມົນຕີການຕ່າງປະເທດ ຊູແອັດ ແລະ ເອກອັກຄະລັດຖະທູດ ການາດາ | |
| ທ່ານເອກອັກຄະລັດຖະທູດຟີລິບປິນ ປະຈຳຫວຽດນາມ: ປາດຖະໜາຢາກຮ່ວມມືກັບ VUFO ຢ່າງໃກ້ຊິດກ່ວາເກົ່າ |
ຢູ່ທີ່ນີ້, ບັນດາພະນັກງານຈາກອົງການປົກປັກຮັກສາສິ່ງແວດລ້ອມຊູແອັດ ໄດ້ແບ່ງປັນປະສົບການ, ນະໂຍບາຍ ກໍ່ຄືເປົ້າໝາຍລະອຽດຂອງຊູແອັດໃນການປັບຕົວຝຫ້ເໝາະສົມກັບການປ່ຽນແປງຂອງດິນຟ້າອາກາດ, ຫຼຸດຜ່ອນປ່ອຍອາຍພິດ, ພັດທະນາພະລັງງານທົດແທນ, ບັນດາມາດຕະການໜູນຊ່ວຍປະຊາຊົນ ແລະ ວິສາຫະກິດທີ່ໄດ້ຮັບຜົນກະທົບຈາກການຫັນເປັນສີຂຽວ.
 |
| ຄະນະຜູ້ແທນນະຄອນ ໂຮ່ຈີມິນ ໄດ້ຊອກຮູ້ກັບຂະບວນການວາງແຜນ ແລະ ພັດທະນາທ່າກຳປັ່ນທະເລ ພະບໍລົມວົງສານຸວົງ ຊູແອັດ ... |
ທ່ານນາງ Isabella Hjorth, ພະນັກງານຮັບຜິດຊອບບັນດາໂຄງການສິ່ງແວດລ້ອມ ແລະ ດິນຟ້າອາກາດປະເທດບຣາຊິນ, ອິນເດຍ ແລະ ຫວຽດນາມ ໄດ້ແບ່ງປັນວິທີທີ່ລັດຖະບານ ຊູແອັດ ໜູນຊ່ວຍຊາວທ້ອງຖິ່ນ Sápmi ຢູ່ພາກເໜືອຂອງ ຊູແອັດ ດັດປັບໃຫ້ເໝາະກັບຂະບວນວິວັດຫັນປ່ຽນສີຂຽວ.
ຄະນະຜູ້ແທນຍັງໄດ້ໄປຢ້ຽມຢາມຕົວຈິງບັນດາປະຕູເກັບໂຮມຂີ້ເຫຍື້ອອັດຕະໂນມັດ, ໂຮງງານເກັບໂຮມຂີ້ເຫຍື້ອໂດຍໃຊ້ເຕັກໂນໂລຊີອັດອາກາດ ແລະ ໄດ້ຮ່ຳຮຽນກ່ຽວກັບຂະບວນການວາງແຜນຜັງ ແລະ ພັດທະນາທ່າກຳປັ່ນທະເລ ພະບໍລົມວົງສານຸວົງ ຊູແອັດ ...
ກ່າວຄຳເຫັນທີ່ກອງປະຊຸມ, ທ່ານ Åke Mikaelsson ໃຫ້ຮູ້ວ່າ: ເປົ້າໝາຍຂອງຊູແອັດ ແມ່ນບັນລຸການປ່ອຍອາຍພິດລົງເປັນ 0 ໃນປີ 2045 ແລະ ປະລິມານປ່ອຍອາຍພິດຮອດປີ 2045 ເມື່ອທຽບໃສ່ປີ 1990 ຈະຫຼຸດລົງຢ່າງໜ້ອຍ 85%. ບົດຮຽນປະສົບການຂອງ ຊູແອັດ ກໍ່ສະແດງໃຫ້ເຫັນວ່າ ການເພີ່ມ GDP ສາມາດໄປຄຽງຄູ່ກັບການຫຼຸດຜ່ອນການປ່ອຍອາຍພິດເຮືອນແກ້ວ. ໂດຍສະເພາະ, GDP ສະເລ່ຍຕໍ່ຫົວຄົນຂອງ ຊູແອັດ ໃນປີ 2020 ເພີ່ມຂຶ້ນ 62% ເມື່ອທຽບໃສ່ປີ 1990 ແລະ ການປ່ອຍອາຍພິດຫຼຸດລົງ 37%.
ທ່ານ Åke Mikaelsson ຫວັງວ່າ ອົງການປົກປັກຮັກສາສິ່ງແວດລ້ອມ ຊູແອັດ ຈະສາມາດຮ່ວມມືກັບຫວຽດນາມ ແລະ ນະຄອນໂຮ່ຈິມິນ ຊຸກຍູ້ບັນດາໂຄງການພັດທະນາຕົວເມືອງແບບຍືນຍົງ. ຄະນະຜູ້ຊ່ຽວຊານຂອງອົງການປົກປັກຮັກສາສິ່ງແວດລ້ອມ ຊູແອັດ ຈະມາຢ້ຽມຢາມນະຄອນ ໂຮ່ຈິມິນ ໃນປີ 2024 ເພື່ອຊຸກຍູ້ການເຄື່ອນໄຫວຮ່ວມມື.
ໂດຍຮັບຟັງການໃຫ້ຄຳປຶກສາ ແລະ ແລກປ່ຽນປະສົບການຕົວຈິງຈາກຝ່າຍເພື່ອນ, ທ່ານຮອງເລຂາຄະນະພັກນະຄອນ ໂຮ່ຈີມິນ ຫງວຽນໂຮ່ຫາຍ ໄດ້ຕີລາຄາສູງການປະກອບສ່ວນຂອງອົງການປົກປັກຮັກສາສິ່ງແວດລ້ອມ ຊູແອັດ ໃນການກໍ່ສ້າງ ແລະ ປະຕິບັດນະໂຍບາຍປົກປັກຮັກສາສິ່ງແວດລ້ອມ ແລະ ການຮັບມືກັບການປ່ຽນແປງຂອງດິນຟ້າອາກາດ.
ທ່ານ ຫງວຽນໂຮ່ຫາຍ ປາດຖະໜາວ່າ 2 ຝ່າຍຈະມີບັນດາການເຄື່ອນໄຫວຮ່ວມມື ແລະ ໜູນຊ່ວຍເຊິ່ງກັນ ແລະ ກັນ ເພື່ອບັນລຸເປົ້າໝາຍຍົກສູງຄຸນນະພາບສິ່ງແວດລ້ອມ ແລະ ພັດທະນາແບບຍືນຍົງໃນຫຼາຍຂົງເຂດຄື: ປົກປັກຮັກສາສິ່ງແວດລ້ອມ, ການຫັນປ່ຽນພະລັງງານ, ພັດທະນາເສດຖະກິດໝູນວຽນ...
ດີງເລື້ອງ
