 |
| ທ່ານ ໂງຮວ່າງເງິນ ຮອງເລຂາຜູ້ປະຈໍາການພັກແຂວງກວ໋າງນີງ ຕ້ອນຮັບທ່ານ ສົມມາດ ພົນເສນາ ຮອງປະທານສະພາແຫ່ງຊາດລາວ. ພາບ: quochoi.vn |
ທ່ານ ໂງຮວ່າງເງິນ ຮອງເລຂາຜູ້ປະຈຳການພັກແຂວງກວ໋າງນີງ, ຫົວໜ້າຄະນະສະມາຊິກສະພາແຫ່ງຊາດແຂວງກວ໋າງນີງ ໄດ້ໃຫ້ການຕ້ອນຮັບ ແລະມອບດອກໄມ້ອວຍພອນ.
ສະແດງຄວາມປິຕິຊົມຊື່ນທີ່ໄດ້ຕ້ອນຮັບທ່ານ ສົມມາດ ພົນເສນາ ແລະຄະນະຜູ້ແທນສະພາແຫ່ງຊາດລາວ ມາຢ້ຽມຢາມອ່າວຮະລອງ, ທ່ານ ໂງຮວ່າງເງິນ ປາດຖະໜາວ່າ ໃນໄລຍະຈະມາເຖິງ, ແຂວງກວ໋າງນີງ ຈະໄດ້ຕ້ອນຮັບເພື່ອນມິດສາກົນກໍ່ຄືເພື່ອນມິດທີ່ສະໜິດສະໜົມທີ່ມາຈາກແຫ່ງ ສປປ ລາວ ຫຼາຍກວ່າອີກ. ແນະນຳໃຫ້ຄະນະຜູ້ແທນສະພາແຫ່ງຊາດລາວ ກ່ຽວກັບອ່າວຮະລອງ, ທ່ານ ໂງຮວ່າງເງິນ ໃຫ້ຮູ້ວ່າ ອ່າວຮະລອງ ແມ່ນມໍລະດົກທີ່ເປັນເອກະລັກສະເພາະຍ້ອນມີບັນດາຮ່ອງຮອຍທີ່ສຳຄັນໃນວິວັດແຫ່ງການສ້າງຕັ້ງ ແລະພັດທະນາປະຫວັດສາດໜ່ວຍໂລກ, ທັງແມ່ນຮູບພາບສິລະປະປະຕິມາກຳຂອງທຳມະຊາດດ້ວຍຫຼາຍເກາະຫີນທີ່ສວຍງາມແບບທຳມະຊາດ.
ສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນຂອງແຂວງກວ໋າງນີງ, ທ່ານ ສົມມາດ ພົນເສນາ ສະແດງຄວາມປະທັບໃຈພິເສດຕໍ່ຄວາມງາມມະຫັດສະຈັນຂອງອ່າວຮະລອງ. ທ່ານ ສົມມາດ ພົນເສນາ ເຊື່ອໝັ້ນວ່າ ແຂວງກວ໋າງນີງ ຈະສືບຕໍ່ບັນລຸຜົນສຳເລັດໃໝ່ຫຼາຍຢ່າງບົນເສັ້ນທາງພັດທະນາ. ພ້ອມທັງສະແດງຄວາມປາດຖະໜາວ່າ ສອງປະເທດເວົ້າລວມ, ໃນນັ້ນມີແຂວງກວ໋າງນີງ ຈະສືບຕໍ່ຊຸກຍູ້ການພົບປະແລກປ່ຽນວັດທະນະທຳ, ເພີ່ມພູນຄູນສ້າງສາຍພົວພັນທີ່ເປັນມູນເຊື້ອ, ບໍລິສຸດຜຸດຜ່ອງລະຫວ່າງຫວຽດນາມ-ລາວ; ຊຸກຍູ້ການຮ່ວມມືລະຫວ່າງແຂວງກວ໋າງນີງ ກັບບັນດາທ້ອງຖິ່ນຂອງລາວ ແນໃສ່ປະກອບສ່ວນປັບປຸງສາຍພົວພັນສະໜິດຕິດພັນ, ສະໜິດສະໜົມລະຫວ່າງສອງປະເທດ.
ກອງທັບ
