| ສະພາແຫ່ງຊາດ ຫວຽດນາມ - ອານເຊຣີ ເພີ່ມທະວີການຮ່ວມມື | |
| ປະທານສະພາແຫ່ງຊາດ ຫວຽດນາມ ເວືອງດິ່ງເຫວະ ຕ້ອນຮັບຫົວໜ້າກຳມາທິການການຕ່າງປະເທດສະພາແຫ່ງຊາດລາວ ແລະ ກຳປູເຈຍ |
ເຂົ້າຮ່ວມພິທີເປີດຊຸດຮຽນ, ມີ ທ່ານຮອງຫົວໜ້າຫ້ອງວ່າການສະພາແຫ່ງຊາດ ຫວຽດນາມ ຫງວຽນແມ້ງຮຸ່ງ; ທ່ານຮອງຫົວໜ້າກົມຈັດຕັ້ງພະນັກງານ, ຫ້ອງວ່າການສະພາແຫ່ງຊາດ ຫວຽດນາມ ເຈີ່ນກວກນາມ; ທ່ານ ອະທິການບໍດີ ມະຫາວິທະຍາໄລ ຮ່າໂນ້ຍ, ສາດສະດາຈານ, ປອ ຫງວຽນວັນຈ່າວ...
 |
| ຫ້ອງວ່າການສະພາແຫ່ງຊາດ ເປີດຊຸດຮຽນພາສາຫວຽດນາມ ໃຫ້ພະນັກງານຄະນະເລຂາສະພາແຫ່ງຊາດລາວ |
ກ່າວຄຳເຫັນທີ່ກອງປະຊຸມ, ທ່ານຮອງຫົວໜ້າຫ້ອງວ່າການສະພາແຫ່ງຊາດ ຫງວຽນແມ້ງຮຸ່ງ ໃຫ້ຮູ້ວ່າ: ໃນຊຸມປີມໍ່ໆມານີ້, ການຮ່ວມມືລະຫວ່າງ ຫວຽດນາມ - ລາວ ໃນທຸກຂົງເຂດສືບຕໍ່ໄດ້ຮັບການຊຸກຍູ້ດ້ວຍລະດັບສູງໃໝ່. ຄຽງຄູ່ກັບທ່າອ່ຽງນັ້ນ, ຫ້ອງວ່າການສະພາແຫ່ງຊາດຫວຽດນາມ ແລະ ຄະນະເລຂາທິການສະພາແຫ່ງຊາດລາວ ໄດ້ມີການເຄື່ອນໄຫວຮ່ວມມືຫຼາຍຢ່າງ, ປະກອບສ່ວນຢ່າງຕັ້ງໜ້າເຂົ້າໃນການຊຸກຍູ້ການພົວພັນຕ່າງປະເທດ ລະຫວ່າງສະພາແຫ່ງຊາດຂອງສອງປະເທດ.
ທ່ານຖືວ່າ ມີການພົບປະ, ແລກປ່ຽນ ຈິ່ງເຂົ້າໃຈເຊິ່ງກັນແລະກັນ, ຖ້າມີຄວາມເຂົ້າໃຈເຊິ່ງກັນ ແລະ ກັນ ຈຶ່ງສາມາດເຮັດວຽກ, ຮັກແພງ ແລະ ຊ່ວຍເຫຼືອເຊິ່ງກັນ ແລະ ກັນ, ໃນນັ້ນພາສາແມ່ນ “ກຸນແຈ” ໃນການພົບປະ, ແລກປ່ຽນລະຫວ່າງບັນດາປະເທດ. ທ່ານຮອງຫົວໜ້າຫ້ອງວ່າການສະພາແຫ່ງຊາດ ເຊື່ອໝັ້ນວ່າ ຜ່ານຊຸດຮຽນພາສາຫວຽດ, ບັນດາສະມາຊິກຄະນະເລຂາທິການສະພາແຫ່ງຊາດ ສປປ.ລາວ ຈະມີຄວາມຮັກແພງກ່ຽວກັບພາສາຫວຽດ ແລະ ໜູນຊ່ວຍໃນວຽກງານຢ່າງແທດຈິງກວ່າອີກ. ຫ້ອງວ່າການສະພາແຫ່ງຊາດ ຫວຽດນາມ ແລະ ອາຈານສອນ ພ້ອມແລ້ວທີ່ຈະໜູນຊ່ວຍ ແລະ ສ້າງສະພາບແວດລ້ອມດ້ານພາສາທີ່ດີທີ່ສຸດ ໃຫ້ແກ່ສຳມະນາກອນ ເພື່ອບັນລຸເປົ້າໝາຍຂອງຊຸດຮຽນ.
 |
| ທ່ານຮອງຫົວໜ້າຫ້ອງວ່າການສະພາແຫ່ງຊາດ ຫງວຽນແມ້ງຮຸ່ງ |
ທ່ານຮອງອະທິການບໍດີມະຫາວິທະຍາໄລຮ່າໂນ້ຍ ຫງວຽນຕຽນຢຸງ ໃຫ້ຮູ້ວ່າ: ຊຸດຝຶກອົບຮົມພາສາຫວຽດ ໃຫ້ພະນັກງານຄະນະເລຂາທິການສະພາແຫ່ງຊາດລາວ ໄດ້ຮັບການສ້າງຂຶ້ນເປັນພິເສດ ເພື່ອຕອບສະໜອງຄວາມຮຽກຮ້ອງຕ້ອງການສະເພາະຂອງຜູ້ຮຽນ, ເມື່ອສິ້ນສຸດຊຸດຝຶກອົບຮົມ ຈະໍຊ່ວຍໃຫ້ຜູ້ຮຽນສາມາດຮຽນພາສາຫວຽດ ໄດ້ໃນລະດັບກາງ, ມີຄວາມສາມາດນຳໃຊ້ພາສາຫວຽດ ຢ່າງຄ່ອງແຄ້ວ ເພື່ອແລກປ່ຽນ ແລະ ແບ່ງປັນຂໍ້ມູນຂ່າວສານ. ມະຫາວິທະຍາໄລຮ່າໂນ້ຍ ໃຫ້ຄຳໝັ້ນສັນຍາ ຈະສ້າງເງື່ອນໄຂດີທີ່ສຸດໃຫ້ແກ່ພະນັກງານອາຈານສອນ, ສິ່ງອຳນວຍຄວາມສະດວກ, ການບໍລິການໜູນຊ່ວຍຜູ້ຮຽນ ເພື່ອບັນລຸເປົ້າໝາຍຂອງຊຸດຮຽນ.
ຄຳຮຸ່ງ
