ທ່ານປະທານສະພາແຫ່ງຊາດ ຫວຽດນາມ ພົບປະກັບການນຳໂຮງຮຽນ Imperial College London

13:53 | 04/07/2022

ຍສໝ - ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫ້ວ ເນັ້ນໜັກວ່າ ຫວຽດນາມ ຍາມໃດກໍ່ຖືການສຶກສາ ແລະ ບຳລຸງສ້າງແມ່ນນະໂຍບາຍແຖວໜ້າຂອງຊາດ. ຫວຽດນາມ ມີແຜນນະໂຍບາຍຍູ້ແຮງການຮ່ວມມືສາກົນດ້ານການສຶກສາ ແລະ ບຳລຸງສ້າງ.

	ທ່ານປະທານສະພາແຫ່ງຊາດ ຫວຽດນາມ ຖະຫວາຍດອກໄມ້ໄວ້ອາໄລປະທານໂຮ່ຈີມິນຢູ່ນະຄອນຫຼວງ ລອນດອນ, ລາຊະອານາຈັກອັງກິດ
	ທ່ານປະທານປະເທດ ຫວຽດນາມ ຫງວຽນຊວັນຟຸກ ຕ້ອນຮັບທ່ານລັດຖະມົນຕີກະຊວງຍຸຕິທຳ ຍີ່ປຸ່ນ

ທ່ານປະທານສະພາແຫ່ງຊາດ ຫວຽດນາມ ພົບປະກັບການນຳໂຮງຮຽນ Imperial College London. ພາບ: TTXVN

ວັນທີ 30 ມິຖຸນາ, ທີ່ການຕ້ອນຮັບທ່ານນາງ ສຈ Maggie Dallman, ຮອງອະທິການບໍດີ Imperial College London ໃນຂອບເຂດການຢ້ຽມຢາມ ລາຊະອານາຈັກອັງກິດ ແລະໄອແລນເໜືອ ຢ່າງເປັນທາງການ, ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫ້ວ ເນັ້ນໜັກວ່າ ຫວຽດນາມ ຍາມໃດກໍ່ຖືການສຶກສາ ແລະ ບຳລຸງສ້າງແມ່ນນະໂຍບາຍແຖວໜ້າຂອງຊາດ. ຫວຽດນາມ ມີແຜນນະໂຍບາຍຍູ້ແຮງການຮ່ວມມືສາກົນດ້ານການສຶກສາ ແລະ ບຳລຸງສ້າງ. ສະພາແຫ່ງຊາດຫວຽດນາມ ຖືເປັນສຳຄັນການພັດທະນາການສຶກສາ ແລະ ບຳລຸງສ້າງ, ໄດ້ປະກາດໃຊ້ກົດໝາຍທີ່ກ່ຽວຂ້ອງຫຼາຍສະບັບ ເພື່ອສ້າງເງື່ອນໄຂ ແລະ ພື້ນຖານນິຕິກຳໃຫ້ແກ່ຂົງເຂດສຳຄັນພິເສດນີ້. ທ່ານປະທານສະພາແຫ່ງຊາດ ປາດຖະໜາວ່າ Imperial College London ຈະສົມທົບກັບສະຖານທູດ ຫວຽດນາມ ປະຈຳ ອັງກິດ ແລະ ບັນດາຄູ່ຮ່ວມມືຢູ່ ຫວຽດນາມ ເພື່ອແນໃສ່ເພີ່ມທະວີການຮ່ວມມືດ້ານການສຶກສາລະຫວ່າງ 2 ຝ່າຍຢ່າງມີປະສິດທິຜົນ.

ໂດຍເນັ້ນຫນັກ Imperial College London ເປັນໂຮງຮຽນອັນດັບ 1 ໃນປະເທດອັງກິດ, ອັນດັບສອງໃນເອີຣົບ ແລະອັນດັບທີ 10 ຂອງໂລກ, ທ່ານນາງ ສຈ Maggie Dallman ໃຫ້ຮູ້ວ່າ: ປະຈຸບັນມີນັກສຶກສາຫວຽດນາມ ຫຼາຍຄົນຢູ່ Imperial London. ເນັ້ນໜັກຄືນເຖິງຄວາມສຳຄັນຂອງການເພີ່ມທະວີການຮ່ວມມືດ້ານການສຶກສາລະດັບປະລິນຍາເອກ ແມ່ນມີຄວາມສຳຄັນຫຼາຍ, ເພາະວ່ານີ້ແມ່ນການເຊື່ອມຕໍ່ບັນດາຂົງເຂດຄົ້ນຄວ້າທີ່ແຕກຕ່າງກັນ, ທ່ານນາງ ສຈ Maggie Dallman ປາດຖະໜາຢາກຮ່ວມມືກັບ ຫວຽດນາມ ໃນຂົງເຂດນີ້.

ບູນມີ