| ເຫງະອານຈັດຕັ້ງການໂຄສະນາກ່ຽວກັບປີມິດຕະພາບຫວຽດນາມ - ລາວ, ຫວຽດນາມ - ກຳປູເຈຍ. | |
| ຄະນະຜູ້ແທນຂັ້ນສູງກະຊວງປ້ອງກັນປະເທດຫວຽດນາມ ໄດ້ມີການພົບປະສອງຝ່າຍກັບຫົວໜ້າຄະນະຂອງປະເທດ ກຳປູເຈຍ ແລະ ສິງກະໂປ |
 |
| ຫວຽດນາມ ແລະ ກຳປູເຈຍ ພ້ອມກັນຮັກສາ, ເພີ່ມພູນຄູນສ້າງການພົວພັນສອງຝ່າຍອັນດີງາມ. ພາບ: VOV |
ທີ່ການໂອ້ລົມ, ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ຫງວຽນຝູຈ້ອງ ໄດ້ໂອ້ລົມທາງໂທລະສັບກັບທ່ານປະທານພັກປະຊາຊົນກຳປູເຈຍ, ນາຍົກລັດຖະມົນຕີແຫ່ງລາຊະອານາຈັກ ກຳປູເຈຍ Samdech Techo Hun Sen ແລກປ່ຽນກ່ຽວກັບສະພາບການຂອງແຕ່ລະພັກ, ແຕ່ລະປະເທດ ແລະ ເນັ້ນໜັກເຖິງຄວາມໝາຍ, ຄວາມສຳຄັນຂອງນ້ຳໃຈສາມັກຄີ, ການຊ່ວຍເຫຼືອຢ່າງໃຫຍ່ຫຼວງລະຫວ່າງ 2 ພັກ, 2 ລັດ ແລະ ປະຊາຊົນ 2 ປະເທດ ຫວຽດນາມ - ກຳປູເຈຍ. ຢືນຢັນຈະຮ່ວມກັນປົກປັກຮັກສາ ແລະ ເພີ່ມພູນຄູນສ້າງສາຍພົວພັນມິດຕະພາບທີ່ເປັນມູນເຊື້ອອັນດີງາມຂອງສອງປະເທດ ແລະ ເຫັນດີສືບຕໍ່ສົມທົບກັນຢ່າງແໜ້ນແຟ້ນ ແລະ ຊຸກຍູ້ການພົວພັນຮ່ວມມືຕາມທິດທາງທີ່ສອງຝ່າຍໄດ້ວາງອອກ.
ການນຳ 2 ທ່ານກໍ່ຕີລາຄາສູງຄວາມໝາຍສຳຄັນຂອງປີມິດຕະພາບ ຫວຽດນາມ - ກຳປູເຈຍ 2022, ນີ້ໄດ້ຖືກຖືວ່າແມ່ນເຫດການທີ່ໄດ້ຮັບຄວາມສົນໃຈຈາກຫາງສຽງ, ປະຊາຊົນ 2 ປະເທດ ແລະ ໄດ້ຮັບການຕີລາຄາສູງຈາກເພື່ອນມິດສາກົນ. ພິເສດ, ຫວ່າງມໍ່ໆມານີ້, ສອງຝ່າຍໄດ້ສົມທົບກັນຢ່າງສຳເລັດຜົນເພື່ອຈັດຕັ້ງພິທີສະເຫຼີມສະຫຼອງ 55 ປີແຫ່ງວັນສ້າງຕັ້ງການພົວພັນທາງການທູດ ແລະ 45 ປີແຫ່ງວັນສ້າງຕັ້ງ “ເສັ້ນທາງມຸ່ງໄປສູ່ການໂຄ່ນລົ້ມລະບອບດັບສູນເຊື້ອຊາດ” ຂອງທ່ານນາຍົກລັດຖະມົນຕີ Samdech Techo Hun Sen.
ໄຊພອນ
