| ເພີ່ມທະວີການຮ່ວມມືລະຫວ່າງ ສະຖາບັນການເມືອງແຫ່ງຊາດ ໂຮ່ຈີມິນ ກັບ ໂຮນລັງ ແລະ ໂມຊຳບິກ | |
| ປະທານ VUFO ເຂົ້າຮ່ວມພິທີລົງມືກໍ່ສ້າງຂົວຊົນນະບົດ 4 ແຫ່ງ ແລະ ເຮືອນມິດຕະພາບ 25 ຫຼັງ ຢູ່ ກ່າເມົາ |
 |
| ການເຮັດວຽກລະຫວ່າງສອງຝ່າຍ |
ທີ່ການພົບປະ, ທ່ານນາງເອກອັກຄະລັດຖະທູດ ຫງວຽນເຟືອງງາ ໄດ້ໃຫ້ການຕ້ອນຮັບທ່ານນາງ Esperança Laurinda Francisco Nhiuane Bias, ປະທານສະພາແຫ່ງຊາດ ໂມຊຳບິກ ທີ່ມາຢ້ຽມຢາມ ຫວຽດນາມ ຢ່າງເປັນທາງການ.
ທ່ານນາງເອກອັກຄະລັດຖະທູດ ຫງວຽນເຟືອງງາ ເນັ້ນໜັກວ່າ ຫວຽດນາມ ແລະ ໂມຊຳບິກ ມີມິດຕະພາບທີ່ເປັນມູນເຊື້ອອັນດີງາມ, ມີລັກສະນະຄ້າຍຄືກັນໃນປະຫວັດສາດ, ຍາມໃດກໍ່ສາມັກຄີ, ສະໜັບສະໜູນເຊິ່ງກັນ ແລະ ກັນໃນພາລະກິດຕໍ່ສູ້ປົດປ່ອຍຊາດ, ໃນການສ້າງສາ ແລະ ພັດທະນາປະເທດຊາດ. ສອງປະເທດໄດ້ສ້າງຕັ້ງການພົວພັນທາງການທູດໃນວັນທີ 25 ມິຖຸນາ 1975, ກົງກັບວັນທີ່ໂມຊຳບິກປະກາດເປັນເອກະລາດ.
ຫວຽດນາມ ຍາມໃດກໍ່ມີຄວາມສະເໝີຕົ້ນສະເໝີປາຍ ແລະ ຕີລາຄາສູງການພົວພັນມິດຕະພາບທີ່ເປັນມູນເຊື້ອ, ໃນນັ້ນມີ ໂມຊຳບິກ. ການຢ້ຽມຢາມ ຫວຽດນາມ ຢ່າງເປັນທາງການ ຂອງທ່ານນາງປະທານສະພາແຫ່ງຊາດ Esperanca Laurinda Francisco Nhiuane Bias ແລະ ຄະນະຜູ້ແທນສະພາແຫ່ງຊາດ ສາທາລະນະລັດ ໂມຊຳບິກ ໄດ້ປະກອບສ່ວນຮັດແໜ້ນ ແລະ ເພີ່ມທະວີການພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືຫຼາຍດ້ານລະຫວ່າງ 2 ປະເທດ, ພ້ອມກັນນັ້ນ ກໍເພີ່ມທະວີການຮ່ວມມືລະຫວ່າງສະພາແຫ່ງຊາດຫວຽດນາມ ແລະ ສະພາແຫ່ງຊາດ ໂມຊຳບິກ ໃຫ້ນັບມື້ນັບມີປະສິດທິຜົນ ແລະ ແທດຈິງ.
ທ່ານນາງ Esperança Laurinda Francisco Nhiuane Bias ໃຫ້ຮູ້ວ່າ: ການຢ້ຽມຢາມຂອງຄະນະຜູ້ແທນ ໂມຊຳບິກ ຢູ່ ຫວຽດນາມ ແມ່ນເພື່ອແນໃສ່ຮັດແໜ້ນສາຍພົວພັນມິດຕະພາບທີ່ເປັນມູນເຊື້ອອັນດີງາມລະຫວ່າງ 2 ປະເທດໃຫ້ນັບມື້ນັບພັດທະນາ. ທ່ານປະທານສະພາແຫ່ງຊາດ ໂມຊຳບິກ ຂອບອົກຂອບໃຈບັນດາການຊ່ວຍເຫຼືອຂອງປະຊາຊົນຫວຽດນາມ ໃນໄລຍະຜ່ານມາ. ທ່ານນາງ Esperança Laurinda Francisco Nhiuane Bias ເນັ້ນໜັກວ່າ: “ນີ້ແມ່ນການສະໜັບສະໜູນທີ່ມີແຕ່ເພື່ອນທີ່ຈິງໃຈ ແລະ ເປັນເວລາດົນນານຈິ່ງມີໃຫ້ເຊິ່ງກັນແລະກັນ”.
ບຸນຄົງ
