| ສືບຕໍ່ຊຸກຍູ້ການພົວພັນຮ່ວມມືລະຫວ່າງຫວຽດນາມ - ກາຊັກສະຖານ | |
| ຊຸກຍູ້ການພົວພັນຄູ່ຮ່ວມມືຍຸດທະສາດ ຫວຽດນາມ - ຍີ່ປຸ່ນ ຜ່ານຊ່ອງທາງລັດຖະສະພາ |
ກ່າວຄຳເຫັນທີ່ພິທີ, ທ່ານຟານວັນມາຍ ປະທານຄະນະກຳມະການປະຊາຊົນນະຄອນໂຮ່ຈີມິນ ໃຫ້ຮູ້ວ່າ: ໄປພ້ອມກັບການພັດທະນາ ຂອງການພົວພັນລະດັບຊາດລະຫວ່າງ ຫວຽດນາມ ແລະ ກຳປູເຈຍ, ນະຄອນໂຮ່ຈີມິນໄດ້ມານະພະຍາຍາມປະຕິບັດແຜນນະໂຍບາຍຂອງການນຳສອງປະເທດ ປະກອບສ່ວນສຳຄັນຊຸກຍູ້ການພົວພັນສອງຝ່າຍຜ່າການເຄື່ອນໄຫວຮ່ວມມືຢ່າງລະອຽດກັບທ້ອງຖິ່ນຕ່າງໆຂອງກຳປູເຈຍ. ໄລ່ມາຮອດເດືອນ ຕຸລາປີ 2021, ວົງເງິນການຄ້າສອງສົ້ນລະຫວ່າງນະຄອນໂຮ່ຈີມິນ ແລະ ກຳປູເຈຍ ບັນລຸກ່ວາ 230 ລ້ານ USD, ເພີ່ມຂຶ້ນ 12,7%ເມື່ອທຽບໃສ່ໄລຍະດຽວກັນຂອງປີກາຍ.
 |
| ທ່ານ Sok Dareth ຫົວໜ້າສະຖານກົງສູນ ແຫ່ງລາຊະອານາຈັກກຳປູເຈຍ ກ່າວຄຳເຫັນທີ່ພິທີ. |
ທ່ານ Sok Dareth ຫົວໜ້າສະຖານກົງສູນ ແຫ່ງລາຊະອານາຈັກກຳປູເຈຍ ປະຈຳ ນະຄອນໂຮ່ຈີມິນຢັ້ງຢືນວ່າ: ດ້ວຍທຸກວິທີພວກເຮົາຕ້ອງພ້ອມກັນປົກປ້ອງນ້ຳໃຈມິດຕະພາບ, ເພີ່ມທະວີຄວາມສາມັກຄີອ້າຍນອງແລະການພົວພັນທີ່ເປັນ ມູນເຊື້ອອັນດີງາມ ແລະຫວ່າງສອງຝ່າຍ ໃຫ້ຂຽວສົດງົດງາມ ໝັ້ນຄົງທະໜົງແກ່ນໄປຊົ່ວກາລະນານ. ສະຖານກົງສູນກຳປູເຈຍຍາມໃດກໍ່ປະກອບສ່ວນສ້າງສາ, ປົກປັກຮັກສາເພີ່ມພູນຄູນສ້າງນ້ຳໃຈສາມັກຄີ, ມິດຕະພາບແລະການຮ່ວມມື ຢ່າງດີງາມລະຫວ່າງສອງປະເທດ ເວົ້າລວມ ແລະ ລະຫວ່າງນະຄອນຫຼວງ Phnom Penh ແລະ ນະຄອນໂຮ່ຈີມິນເວົ້າສະເພາະຢ່າງສຸດໃຈ, ກໍ່ຄືກັບອົງການ, ຄະນະ, ຂະແໜງການຂອງນະຄອນ ໃຫ້ນັບມື້ນັບເລິກເຊິ່ງ ແລະ ແທດຈິງ, ເພື່ອຜົນປະໂຫຍດລວມຂອງສອງປະເທດ, ສອງຊາດພວກເຮົາ.
vovworld.vn
