| ສືບຕໍ່ຊຸກຍູ້ການພົວພັນຮ່ວມມືລະຫວ່າງຫວຽດນາມ - ກາຊັກສະຖານ | |
| ຊຸກຍູ້ການຮ່ວມມືລະຫວ່າງຫວຽດນາມ ແລະມົງໂກນ |
 |
| ຮ້ານວາງສະແດງສິນຄ້າຂອງ ຫວຽດນາມ (ພາບ: ) |
ເຫດການດັ່ງກ່າວໄດ້ຮັບການສະໜັບສະໜູນຈາກທ່ານນາງ Amir Abdollahian, ພັນລະຍາຂອງລັດຖະມົນຕີການຕ່າງປະເທດອີຣານ ແລະ ໄດ້ດຶງດູດການເຂົ້າຮ່ວມຂອງເກືອບ 100 ຮ້ານຂອງສະຖານທູດ, ສູນວັດທະນະທຳຕ່າງປະເທດ ແລະ ບັນດາວິສາຫະກິດອີຣານ.
ສະຖານທູດ ຫວຽດນາມ ປະຈຳ ອີຣານ ໄດ້ນຳສິນຄ້າກະສິກຳທົ່ວໄປຂອງ ຫວຽດນາມ ມາວາງສະແດງ ເຊັ່ນ: ກາເຟ, ໝາກມ່ວງຫິມະພານ, ເຂົ້າສານ ST25, ມັນດ້າງຫວານ, ໝາກລີ້ນຈີ່ແຫ້ງ, ໝາກແອັບເປິ້ນ ແລະ ໝາກນັດແຫ້ງ, ໝາກກ້ວຍ... ແລະບາງຜະລິດຕະພັນຫັດຖະກຳຈຳນວນໜຶ່ງ.
ຮ້ານຂາຍເຄື່ອງຂອງ ຫວຽດນາມ ໄດ້ດຶງດູດຄວາມສົນໃຈຈາກເພື່ອນມິດສາກົນ ກໍ່ຄືແຂກທ່ອງທ່ຽວ ຍ້ອນບັນດາປະເພດ ແລະ ການອອກແບບ, ພິເສດແມ່ນກາເຟ ແລະ ໝາກໄມ້ແຫ້ງແມ່ນ 2 ປະເພດສິນຄ້າ ທີ່ໄດ້ຮັບຄວາມສົນໃຈຈາກລູກຄ້າ.
ສະຖານທູດ ຫວຽດນາມ ປະຈຳ ອີຣານ ໄດ້ແນະນຳ ແລະ ໂຄສະນາບັນດາເນື້ອໃນວັດທະນະທຳ ແລະ ອາຫານຫວຽດນາມ ໃຫ້ແກ່ເພື່ອນມິດສາກົນ ແລະ ທ້ອງຖິ່ນເປັນຈຳນວນຫຼວງຫຼາຍ. ພ້ອມກັນນັ້ນ, ງານຕະຫຼາດນັດກໍ່ແມ່ນໂອກາດເພື່ອໃຫ້ສະຖານທູດໜູນຊ່ວຍບັນດາວິສາຫະກິດ ຫວຽດນາມ ທີ່ຢາກໂຄສະນາ ແລະ ຊອກຫາຄູ່ຮ່ວມມືໃຫ້ແກ່ຜະລິດຕະພັນກະເສດຜ່ານການວາງສະແດງຕົວຢ່າງຢູ່ງານຕະຫຼາດນັດ ແລະ ຈຳໜ່າຍ catalogue ໃຫ້ແກ່ລູກຄ້າ.
ສະຖານທູດ ຫວຽດນາມ ພ້ອມກັບ 5 ສະຖານທູດ ປະຈຳ ອາຊຽນ (ໄທ, ບຣູໄນ, ອິນໂດເນເຊຍ, ມາເລເຊຍ ແລະ ຟີລິບປິນ) ໄດ້ມອບເງິນລາຍໄດ້ທັງໝົດຈາກງານຕະຫຼາດນັດໃຫ້ເພື່ອການກຸສົນຂອງກະຊວງການຕ່າງປະເທດ ອີຣານ. ເງິນດັ່ງກ່າວໄດ້ມອບໃຫ້ພັນລະຍາຂອງລັດຖະມົນຕີຕ່າງປະເທດອີຣານ Amir Abdollahian ທັນທີຫຼັງຈາກເຫດການດັ່ງກ່າວສິ້ນສຸດລົງ.
ບຸນຄົງ
