ຕອນເຊົ້າວັນທີ 9 ມິຖຸນາ, ຢູ່ເມືອງວີງ, ທ່ານ ເຈິ່ນແຄ໊ງທຸ້ກ, ຫົວໜ້າພະແນກພົວພັນຕ່າງປະເທດເງ້ອານ ໄດ້ເຮັດວຽກກັບຄະນະຜູ້ແທນນະຄອນ Gwangju (ສ.ເກົາຫຼີ) ນຳໂດຍທ່ານ Chang Kyoon Jeong - ຫົວໜ້າພະແນກພົວພັນຕ່າງປະເທດ ເພື່ອປຶກສາຫາລືບັນດາຂົງເຂດຮ່ວມມື.
 |
| ຊຸກຍູ້ການຮ່ວມມືດ້ານປັນຍາປະດິດ, ການທ່ອງທ່ຽວ ແລະແຮງງານ ເງ້ອານ - Gwangju. ພາບ: baonghean.vn |
ທີ່ການເຮັດວຽກ, ຄະນະຜູ້ແທນນະຄອນ Gwangju ໄດ້ຮັບຟັງການແນະນຳລວມກ່ຽວກັບແຂວງເງ້ອານ, ສະພາບແວດລ້ອມແຫ່ງການລົງທຶນ, ນະໂຍບາຍບຸລິມະສິດລົງທຶນຂອງແຂວງ...
ທ່ານ ເຈິ່ນແຄ໊ງທຸ້ກ, ຫົວໜ້າພະແນກພົວພັນຕ່າງປະເທດແຂວງເງ້ອານ ໄດ້ປຶກສາຫາລື ແລະ ສະເໜີບາງຂົງເຂດເພື່ອໃຫ້ 2 ຝ່າຍຄົ້ນຄວ້າຮ່ວມມື ຄື: ດຶງດູດການລົງທຶນຈາກ Gwangju, ແລກປ່ຽນການຄ້າ, ການສຶກສາ, ບຳລຸງສ້າງ, ການທ່ອງທ່ຽວ, ແລກປ່ຽນວັດທະນະທຳ.
ທ່ານ Chang Kyoon Jeong - ຫົວໜ້າພະແນກພົວພັນຕ່າງປະເທດ Gwangju ຢືນຢັນວ່າ ນະຄອນປາດຖະໜາຢາກຮ່ວມມືໃນຫຼາຍຂົງເຂດກັບແຂວງເງ້ອານ ແລະການຢ້ຽມຢາມຄັ້ງນີ້ແມ່ນປະຖົມປັດໄຈເພື່ອສາມາດມຸ່ງ ໄປເຖິງການລົງນາມຂໍ້ຕົກລົງສ້າງຕັ້ງການພົວພັນມິດຕະພາບ, ຮ່ວມມືກັບ ເງ້ອານ.
ທ່ານ Chang Kyoon Jeong ໄດ້ປຶກສາຫາລືກ່ຽວກັບບັນດາຂົງເຂດ, ພິເສດແມ່ນການຮ່ວມມືທີ່ມີຄວາມສາມາດບົ່ມຊ້ອນຮ່ວມມືໃນຂົງເຂດເຕັກໂນໂລຊີຄືປັນຍາປະດິດ (AI). Gwangju ພ້ອມແລ້ວທີ່ຈະຮັບພະນັກງານ, ລັດຖະກອນແຂວງເງ້ອານໄປຮ່ຳຮຽນ ແລະບຳລຸງສ້າງຢູ່ນະຄອນ Gwangju...
ຄະນະຜູ້ແທນນະຄອນ Gwangju ກໍ່ສະແດງຄວາມປາດຖະໜາຢາກຮ່ວມມືໃນບັນດາຂົງເຂດຄືການທ່ອງທ່ຽວ ແລະແຮງງານກັບແຂວງເງ້ອານ.
ບູນມີ
