| ປະທານສະພາແຫ່ງຊາດ ເວືອງດິ່ງເຫ້ວ ພົບປະກັບພະນັກງານ, ພາລະກອນສະຖານກົງສູນ ຫວຽດນາມ ປະຈຳ ປາກເຊ, ປະຊາຄົມຊາວ ຫວຽດນາມ ຢູ່ ລາວ | |
| ສະຖານທູດ ຫວຽດນາມ ປະຈຳ ເວເນຊູເອລາ ສະເຫຼີມສະຫຼອງ 47 ປີແຫ່ງວັນປົດປ່ອຍພາກໃຕ້ |
 |
| ສະຫະພັນບັນດາອົງການຈັດຕັ້ງມິດຕະພາບ ຫວຽດນາມ (VUFO) ໄດ້ມອບຫຼຽນກາລະນຶກ “ເພື່ອສັນຕິພາບ ແລະ ມິດຕະພາບລະຫວ່າງບັນດາຊາດ” ໃຫ້ແກ່ທ່ານນາງເອກອັກຄະລັດຖະທູດອົດສະຕາລີ ປະຈຳ ຫວຽດນາມ Robyn Mudie (ພາບ: TTXVN) |
ໂດຍກ່າວຄໍາປາໄສທີ່ພິທີ, ທ່ານນາງປະທານ VUFO ຫງວຽນເຟືອງງາ ເນັ້ນໜັກວ່າ ຫຼຽນກາລະນຶກ “ເພື່ອສັນຕິພາບ ແລະ ມິດຕະພາບລະຫວ່າງບັນດາຊາດ” ເພື່ອແນໃສ່ເຊີດຊູບັນດາການປະກອບສ່ວນຢ່າງຕັ້ງໜ້າ ແລະ ບໍ່ຮູ້ອິດຮູ້ເມື່ອຍຂອງທ່ານນາງເອກອັກຄະລັດຖະທູດອົດສະຕາລີ ໃນການຊຸກຍູ້ການພົວພັນຮ່ວມມືມິດຕະພາບລະຫວ່າງສອງປະເທດ.
ທ່ານນາງຫງວຽນເຟືອງງາ ໃຫ້ຮູ້ວ່າ ທ່ານນາງເອກອັກຄະລັກຖະທູດ Robyn Mudie ເປັນເພື່ອນມິດທີ່ສະໜິດສະໜົມ, ມີຄວາມຜູກພັນຢ່າງເຊິກເຊິ່ງກັບຫວຽດນາມ. ທັງເປັນນັກການທູດທີ່ມີປະສົບການຫຼາຍ ແລະ ເປັນໜຶ່ງໃນຈໍານວນໜ້ອຍທ່ານເອກອັກຄະລັກຖະທູດຕ່າງປະເທດໄດ້ເຮັດດວຽກຢູ່ຫວຽດນາມເປັນ 2 ວາລະ ແລະ ສາມາດນໍາໃຊ້ພາສາຫວຽດໄດ້ຫຼ່ຽນໄຫຼດີ.
ໃນອາຍຸການ 3 ປີຜ່ານມາ, ເຖິງວ່າຈະຢູ່ໃນໄລຍະໂລກລະບາດໂຄວິດ - 19, ທ່ານນາງເອກອັກຄະລັດຖະທູດ ໄດ້ສວມບົດບາດສຳຄັນໃນການຊຸກຍູ້ການການພົວພັນຮອບດ້ານລະຫວ່າງຫວຽດນາມ - ອົດສະຕາລີ ໃຫ້ພັດທະນາຢ່າງເຂັ້ມແຂງ.
ໂດຍສະແດງຄວາມເປັນກຽດທີ່ໄດ້ຮັບລາງວັນອັນລ້ຳຄ່ານີ້, ທ່ານນາງເອກອັກຄະລັດຖະທູດ ອົດສະຕາລີ Robyn Mudie ກໍໄດ້ຂອບອົບຂອບໃຈສຳລັບການຊ່ວຍເຫຼືອ ແລະ ນໍ້າໃຈອັນດີງາມທີ່ເພື່ອນມິດຫວຽດນາມໄດ້ມອບໃຫ້ທ່ານນາງໃນຕະຫຼອດ 3 ປີຜ່ານມາ.
ທ່ານນາງເອກອັກຄະລັດຖະທູດ ກ່າວວ່າ: “ຫວຽດນາມ ຍາມໃດກໍຖືເປັນຈຸດພິເສດໃນຫົວໃຈຂອງຂ້າພະເຈົ້າ ແລະ ເຖິງແມ່ນວ່າພວກເຮົາຕ້ອງແຍກຈາກກັນກໍຕາມ, ແຕ່ຂ້າພະເຈົ້າຍັງຖືວ່າ ຫວຽດນາມ ແມ່ນບ້ານເກີດເມືອງນອນແຫ່ງທີສອງຂອງຂ້າພະເຈົ້າ.
ໂດຍເຊື່ອໝັ້ນວ່າ ການພົວພັນລະຫວ່າງສອງປະເທດຈະສືບຕໍ່ພັດທະນາດ້ວຍບັນດາໝາກຜົນທີ່ດີກວ່າໃນໄລຍະຈະມາເຖິງ, ທ່ານນາງເອກອັກຄະລັດຖະທູດເນັ້ນໜັກວ່າ ເຖິງວ່າໃນຖານະຕຳແໜ່ງໃດກໍຕາມ, ທ່ານນາງກໍຈະສືບຕໍ່ມີການປະກອບສ່ວນໃນການປັບປຸງ, ພັດທະນາການພົວພັນມິດຕະພາບ ແລະ ການພົວພັນຄູ່ຮ່ວມມືຍຸດທະສາດລະຫວ່າງສອງປະເທດ.
ຫອມມາລາ
