ບັນດາສະຖານທີ່ທີ່ເປັນໜ້າຈັບໃຈ ແລະ ເລິກລັບ ຢູ່ໄຕງວຽນ

07:11 | 10/06/2022

ຍສໝ - ດິນແດນໄຕງວຽນເຕັມໄປດ້ວຍແດດລົມ ບໍ່ພຽງແຕ່ສ້າງຄວາມຄິດຮອດໃຫ້ແກ່ແຂກທ່ອງທ່ຽວຍ້ອນສີແດງຂອງດິນ ບາຢານ ເທົ່ານນັ້ນ ຫາກຍັງຍ້ອນວ່າທຳມະຊາດຢູ່ແຫ່ງນີ້ມີຄວາມງາມດັ່ງໃນຝັນ ແລະ ເລື່ອງນິຍານ ບໍ່ຈັກວ່າເທົ່າໃດ.

	ຊຸກຍູ້ການພົວພັນຕ່າງປະເທດຂອງ 3 ແຂວງ ຢູ່ ໄຕງວຽນ ກັບບັນດາຄູ່ຮ່ວມມືສາກົນ
	ຄວາມງາມຂອງມັງແດນໃນທ່າມກາງພູຜາປ່າໄມ້ເຂດໄຕງວຽນ

ໄຕງວຽນເຂດພູພຽງຂຶ້ນກັບເຂດພາກກາງ ຫວຽດນາມ ລວມມີບັນດາແຂວງ ກອມຕູມ, ຢາລາຍ, ດັກລັກ, ດັກນົງ ແລະ ເລິມດົ່ງ. ນີ້ແມ່ນສະຖານທີ່ພັກພາອາໄສຂອງກ່ວາ 20 ຊົນເຜົ່າສ່ວນໜ້ອຍ ດ້ວຍຄວາມເປັນຫຼາຍຮູບແບບຂອງພື້ນຖານວັດທະນະທຳທີ່ແຕກຕ່າງກັນ. ສິ່ງນີ້ໄດ້ສ້າງຄວາມງາມທີ່ເປັນເອກະລັກສະເພາະໃຫ້ແກ່ເຂດດິນແດນແຫ່ງນີ້.

ພູເຂົາໄຟ ຈືດັ່ງຢາ

ມາຮອດໄຕງວຽນແນ່ນອນວ່າເພື່ອນຕ້ອງໄປຢ້ຽມຊົມ ພູເຂົາໄຟ ຈືດັ່ງຢາ ໂດຍນອນຢູ່ຫ່າງຈາກນະຄອນ ຢາລາຍ ປະມານ 30 ກີໂລແມັດ.

ບັນດາສະຖານທີ່ທີ່ເປັນໜ້າຈັບໃຈ ແລະ ເລິກລັບ ຢູ່ໄຕງວຽນ

ພາບ: baohaiduong.vn

ຈືດັ່ງຢາ ຕາມສຽງຂອງພໍ່ແມ່ພີ່ນ້ອງຊົນເຜົ່າ J’rai ມີຄວາມໝາຍວ່າ ຫົວຂີງ. ນີ້ແມ່ນໜຶ່ງໃນບັນດາຈອມພູເຂົາໄຟເຄີຍເຄື່ອນໄຫວຢ່າງຮ້າຍແຮງຢູ່ເຂດດິນແດນໄຕງວຽນ ກ່ອນນັ້ນນັບລ້ານປີ. ເບິ່ງແຕ່ມູມສູງລົງ, ຈືດັ່ງຢາ ຄືຈວຍຂະໜາດໃຫຍ່, ປາກພູເຂົາໄຟເປັນຮູບວົງມົນ ມີສີແດງ ໄດ້ສ້າງເປັນຫີນລາວາ ນັບລ້ານໆປີປະຫວັດສາດ.

ພາບ: @lx.hai

ນ້ຳຕົກຕາດ Dray Sap

ໂດຍນອນຢູ່ຕາແສງ ດັກໂສ ຂຶ້ນກັບແຂວງ ດັກນົງ ແມ່ນນ້ຳຕົກຕາດ Dray Sap ທີ່ໃຫຍ່ໂຕມະໂຫຖານບົນແມ່ນ້ຳ ເຊເຣປົກ.

ນ້ຳຕົກຕາດ Dray Sap ຍັງມີຊື່ວ່າ ນ້ຳຕົກຕາດຜົວ, ໂດຍນອນຢູ່ຫ່າງຈາກນະຄອນ ບວນມາທວດ ປະມານ 30 ກີໂລແມັດ ຕາມທາງທິດໃຕ້. ຫ່າງຈາກນ້ຳຕົກຕາດ Dray Sap ບໍ່ໄກແມ່ນນ້ຳຕົກຕາດ Dray Nur (ນ້ຳຕົກຕາດເມຍ).

ພາບ: baoquangninh.com.vn

ຄວາມສູງຂອງນ້ຳຕົກຕາດ Dray Sap ແມ່ນປະມານ 20 ແມັດ ແລະ ມີຄວາມກວ້າງທີ່ເປັນໜ້າປະທັບໃຈທີ່ສຸດ, ຂຶ້ນເຖິງເກືອບ 100 ແມັດ. ກະແສນ້ຳທີ່ໃຫຍ່ໂຕມະໂຫຖານ ແຕ່ສູງລົງມາ ສ້າງກະແສນ້ຳທີ່ມີສີຂາວຄືສີຄວັນ. ແລະນີ້ກໍ່ແມ່ນຕົ້ນກຳເນີນຂອງນ້ຳຕົກຕາດ Dray Sap ຍ້ອນວ່າໃນພາສາ ເອເດ ມັນມີຄວາມໝາຍວ່າຄວັນ.

ພາບ: thienthanh06

ຫໍພິພິທະພັນໂລກ ກາເຟ

ເມື່ອແວ່ຢ້ຽມຢາມນະຄອນບວນເມທວດ, ຜູ້ທີ່ນິຍົມຊົມຊອບເດີນທາງໄປທ່ອງທ່ຽວແນ່ນອນວ່າຈະບໍ່ຄວນພາດສະຖານທີ່ check-in ທີ່ມີຊື່ສຽງທີ່ສຸດ, ນັ້ນແມ່ນ ຫໍພິພິທະພັນໂລກ ກາເຟ. ເຖິງວ່າຫາກໍ່ໄດ້ກໍ່ສ້າງ ແລະ ນຳເຂົ້າເຄື່ອນໄຫວໃນຊຸມປີຜ່ານມາ ແຕ່ຫໍພິພິທະພັນໂລກ ກາເຟ ກໍແມ່ນໜຶ່ງໃນບັນດາສະຖານທີ່ດຶງດູດແຂກທ່ອງທ່ຽວຫຼາຍທີ່ສຸດ.

ພາບ: real__ckl

ຫໍພິພິທະພັນມີສະຖາປັດຕະຍາກຳທີ່ເປັນເອກະລັກສະເພາະໂດຍໄດ້ຮັບແຫຼ່ງບັນດານໃຈຈາກແບບເຮືອນທີ່ຍາວຂອງຊາວເອເດ ແລະ ຊາຍຄາຣົງໄຕງວຽນ.

ພາບ: @nnk_iiii/@ninheating

ບວນດົນ

ຈະເສຍດາຍແທ້ໆ ຖ້າຫາກວ່າ ມາດັກລັກແຕ່ບໍ່ມາຢາມບວນດົນ - ໂດຍແມ່ນເຮືອນຂອງຊ້າງ. ບົດເພງ “ຊ້າງນ້ອຍຢູ່ບວນດົນ” ຂອງນັກດົນຕີ ຟ້າມຕວຽນ ໄດ້ຕິດພັນກັບເຍົາວະຊົນ ຫວຽດນາມ ຫຼາຍລຸ້ນຄົນ ກໍແມ່ນຂຽນກ່ຽວກັບສະຖານທີ່ແຫ່ງນີ້. ຕາມຜູ້ເລົ່າເລື່ອງແລ້ວ, ຊ້າງນ້ອຍໃນບົດເພງແມ່ນຊ້າງນ້ອຍທີ່ນັກດົນຕີໄດ້ພົບຢູ່ບວນດົນ, ນະຄອນບວນມາທວດ.