| ນັກກິລາ Taekwondo ເຈົາຕວຽດເວິນ ແມ່ນໜຶ່ງ ໃນຈຳນວນ “ທູດກິລາຍິງ ອາຊຽນ” 10 ຄົນ | |
| ຫວຽດນາມ - ລັດເຊຍ: ເປີດກວ້າງການຮ່ວມມືໃນຂົງເຂດນ້ຳມັນອາຍແກັສ |
 |
| ຊຸກຍູ້ການພົວພັນຕ່າງປະເທດຂອງ 3 ແຂວງ ຢູ່ ໄຕ ງວຽນ ກັບບັນດາຄູ່ຮ່ວມມືສາກົນ. ພາບ: TTXVN |
ແຕ່ວັນທີ 28 ພະຈິກຫາວັນທີ 2 ທັນວາ 2021, ທ່ານຮອງລັດຖະມົນຕີກະຊວງການຕ່າງປະເທດ - ປະທານຄະນະກຳມະການຊາຍແດນແຫ່ງຊາດ ຫງວຽນມີງຫວູ ໄດ້ນຳໜ້າຄະນະປະຕິບັດງານສະເພາະກິດໄປເຮັດວຽກຢູ່ 3 ແຂວງ ກອນຕູມ, ຢາລາຍ ແລະ ດັກລັກ.
ທ່ານຮອງລັດຖະມົນຕີ ຫງວຽນມີງຫວູ ແລະ ການນຳຫຼັກແຫຼ່ງຂອງ 3 ແຂວງ ໄດ້ປຶກສາຫາລືກ່ຽວກັບຈຸດສຸມວຽກງານການຕ່າງປະເທດ, ເພື່ອແນໃສ່ຊຸກຍູ້ການທູດເສດຖະກິດ, ການທູດວັດທະນະທຳ, ການຕ່າງປະເທດປະຊາຊົນກັບບັນດາແຂວງ, ນະຄອນ ແລະ ບັນດາຄູ່ຮ່ວມມືການຕ່າງປະເທດໃນພາກພື້ນອາຊີຕາເວັນອອກສ່ຽງໃຕ້, ອາຊີຕາເວັນອອກສ່ຽງເໜືອ ແລະ ເອີລົບ ທີ່ມີທ່າແຮງເໝາະສົມກັບຄວາມສາມາດບົ່ມຊ້ອນ ແລະ ທ່າໄດ້ປຽບຂອງແຕ່ລະທ້ອງຖິ່ນ; ຢືນຢັນ ກະຊວງການຕ່າງປະເທດຍາມໃດກໍ່ຈະໜູນຊ່ວຍແຂວງໃນການບຳລຸງສ້າງພະນັກງານທີ່ເຮັດວຽກກ່ຽວກັບການຕ່າງປະເທດ, ທັງວິຊາສະເພາະ ແລະ ພາສາຕ່າງປະເທດ ເພື່ອຕອບສະໜອງຄວາມຮຽກຮ້ອງຕ້ອງການຂອງວຽກງານການຕ່າງປະເທດໃນສະພາບການໃໝ່.
ໃນຂອບເຂດການປະຕິບັດງານ, ຄະນະໄດ້ສຳຫຼວດພູມສາດຕົວຈິງ, ຢ້ຽມຢາມປ້ອມທະຫານຊາຍແດນນບາງແຫ່ງ, ເຮັດວຽກກັບການນຳຫຼັກແຫຼ່ງຂອງ 3 ແຂວງກ່ຽວກັບວຽກງານຊາຍແດນທາງບົກ ແລະ ການຕ່າງປະເທດທ້ອງຖິ່ນ.
ກ່ຽວກັບວຽກງານຊາຍແດນ, ໃນໄລຍະສຳຫຼວດ ແລະ ແລກປ່ຽນ, ຄະນະໄດ້ຮັບຟັງການລາຍງານຂອງບັນດາແຂວງກ່ຽວກັບສະພາບການ ແລະ ໝາກຜົນຂອງວຽກງານຄຸ້ມຄອງຊາຍແດນ, ບັນດາຄວາມຫຍຸ້ງຍາກ, ສິ່ງທ້າທາຍ ແລະ ທິດທາງວຽກງານທ້ອງຖິ່ນໃນໄລຍະຈະມາເຖິງ.
ທ່ານຮອງລັດຖະມົນຕີ ຫງວຽນມີງຫວູ ໄດ້ຕີລາຄາສູງບັນດາຄວາມມານະພະຍາຍາມຂອງບັນດາທ້ອງຖິ່ນ ກໍ່ຄືບັນດາກຳລັງຢູ່ຊາຍແດນ; ແບ່ງປັນຄວາມຫຍຸ້ງຍາກ ກັບບັນດາແຂວງໃນການຄຸ້ມຄອງ ແລະ ປົກປັກຮັກສາຊາຍແດນ, ພິເສດແມ່ນສະພາບການແຜ່ລະບາດຂອງພະຍາດໂຄວິດ-19 ທີ່ສັບສົນ.
ທ່ານຮອງລັດຖະມົນຕີ ຫງວຽນມີງຫວູ ແລະ ການນຳຫຼັກແຫຼ່ງບັນດາທ້ອງຖິ່ນໄດ້ແລກປ່ຽນ, ປຶກສາຫາລື ແລະ ເຫັນດີເປັນເອກະພາບທິດທາງໃນການປະຕິບັດວຽກງານຊາຍແດນຈໍານວນໜຶ່ງຂອງແຕ່ລະແຂວງ; ພ້ອມກັນນັ້ນກໍ່ໄດ້ເນັ້ນໜັກວ່າ ກະຊວງການຕ່າງປະເທດ ແລະ ບັນດາກະຊວງ, ຂະແໜງການທີ່ກ່ຽວຂ້ອງຍາມໃດກໍ່ຮ່ວມເດີນທາງກັບທ້ອງຖິ່ນໃນພາລະກິດສ້າງສາເຂດຊາຍແດນແຫ່ງສັນຕິພາບ, ສະຖຽນລະພາບ, ມິດຕະພາບ ແລະ ການຮ່ວມມືພັດທະນາກັບບັນດາປະເທດບ້ານໃກ້ເຮືອນຄຽງ.
ໄຊພອນ
