ວັນທີ 31 ພຶດສະພາ, ທີ່ຮ່າໂນ້ຍ, ກະຊວງຊັບພະຍາກອນ ແລະ ສິ່ງແວດລ້ອມຫວຽດນາມ ຈັດຕັ້ງກອງປະຊຸມສໍາມະນາສະຫຼຸບການເຄື່ອນ ໄຫວດ້ານວິທະຍາສາດ ແລະ ເຕັກໂນໂລຢີ ໄລຍະ 2011-2021 ແລະ ກໍານົດທິດເຖິງປີ 2030 ໃນຂົງເຂດທະເລ ແລະ ໝູ່ເກາະ.
 |
| ເພີ່ມທະວີການນໍາໃຊ້ວິທະຍາສາດ, ເຕັກໂນໂລຢີໃນການພັດທະນາທະເລ, ໝູ່ເກາະແບບຍືນຍົງ. ພາບປະກອບ: TTXVN |
ທ່ານ ເລມິງເງິນ ຮອງລັດຖະມົນຕີກະຊວງຊັບພະຍາກອນ ແລະ ສິ່ງແວດລ້ອມ ໃຫ້ຮູ້ວ່າ ໃນໄລຍະ 2011-2021, ສໍາລັບຂົງເຂດທະເລ ແລະ ໝູ່ເກາະ, ກະຊວງຊັບພະຍາກອນ ແລະ ສິ່ງແວດລ້ອມ ໄດ້ປະຕິບັດບັນດາໜ້າທີ່, ຫົວຂໍ້, ໂຄງການວິທະຍາສາດ ແລະ ເຕັກໂນໂລຢີທຸກຂັ້ນ, ປະກອບສ່ວນສໍາຄັນເພື່ອ ຮັບໃຊ້ວຽກງານຄຸ້ມຄອງສັງລວມທະເລ ແລະ ໝູ່ເກາະ.
ຕາມທ່ານ ເລມິງເງິນ ແລ້ວ, ການກໍານົດທິດຮອດປີ 2030, ເນື້ອໃນກ່ຽວກັບ ວິທະຍາສາດ ແລະ ເຕັກໂນໂລຢີໃນຂົງເຂດທະເລ ແລະ ໝູ່ເກາະຈະສືບຕໍ່ ຄົ້ນຄວ້າ, ສະໜອງຂໍ້ໂຕ້ຖຽງວິທະຍາສາດເພື່ອປະຕິບັດສໍາເລັດ ແລະ ຜັນ ຂະຫຍາຍກົນໄກ, ນະໂຍບາຍ, ກົດໝາຍກ່ຽວກັບການຄຸ້ມ ຄອງສັງລວມທະເລ ແລະ ໝູ່ເກາະຢ່າງມີປະສິດທິຜົນ; ຄົ້ນຄວ້າ, ສະເໜີແນະບັນດາເຄື່ອງມື, ຮູບການຄຸ້ມຄອງໃໝ່ເພື່ອຂຸດຄົ້ນຢ່າງມີປະສິດທິຜົນ, ປະຢັດ, ໝັ້ນຄົງສຳລັບບັນດາແຫຼ່ງຊັບພະຍາກອນທະເລປະສານສົມທົບກັບການປົກ ປັກຮັກສາອະທິປະໄຕທະເລ, ໝູ່ເກາະແຫ່ງຊາດ.
ບູນມີ
