ງານວາງສະແດງສິນຄ້ານໍ້ານົມ ແລະ ຜະລິດຕະພັນຈາກນໍ້ານົມ ຄັ້ງທີ 3 ຢູ່ຫວຽດນາມ - VIETNAM DAIRY 2022 ໄດ້ໄຂຂຶ້ນໃນວັນທີ 31 ພຶດສະພາ ແລະ ແກ່ຍາວຮອດວັນທີ 4 ມິຖຸນາ 2022 ຢູ່ຫໍວັດທະນະທຳມິດຕະພາບ, ເຮືອນເລກທີ 91 ເຈີ່ນຮືງດ້າວ, ຮ່າໂນ້ຍ. ເຫດການໂດຍສະມາຄົມນໍ້ານົມຫວຽດນາມ (VDA) ເປັນປະທານ ແລະ ສົມທົບກັບບໍລິສັດຫຸ້ນສ່ວນຕະຫຼາດນັດງານວາງສະແດງ ແລະ ໂຄສະນາຫວຽດນາມ (VIETFAIR) ຈັດຕັ້ງ 2 ປີ/1 ຄັ້ງ.
 |
| 10 ກວ່າປະເທດ ແລະ ເຂດແຄວ້ນເຂົ້າຮ່ວມງານວາງສະແດງ VIETNAM DAIRY 2022. ພາບ: tuoitrethudo.com.vn |
VIETNAM DAIRY 2022 ໄດ້ເຕົ້າໂຮມ 200 ຮ້ານຄ້າຂອງ 50 ຫົວໜ່ວຍທີ່ມາຈາກ 10 ກວ່າປະເທດ ແລະ ເຂດແຄວ້ນ. ງານວາງສະແດງ ແລະ ແນະນຳ: ນ້ຳນົມ ແລະ ຜະລິດຕະພັນຈາກນໍ້ານົມ, ວັດຖຸດິບທີ່ໃຊ້ໃນຂະແໜງອຸດສາຫະກຳນໍ້ານົມ; ເຕັກໂນໂລຢີປຸງແຕ່ງ ແລະ ອຸປະກອນການຫຸ້ມຫໍ່ໃນການປຸງແຕ່ງ ນໍ້ານົມ; ສາຍພັນງົວນົມ; ອາຫານສັດ, ຢາສັດຕະວະແພດສຳລັບງົວນົມ…
ເຂົ້າຮ່ວມ VIETNAM DAIRY 2022 ແມ່ນບັນດາເຄື່ອງໝາຍການຄ້າທີ່ມີຊື່ສຽງພາຍໃນ ແລະ ຕ່າງປະເທດຄື: Vinamilk, Nestle, Nutifood, Abbott, Vinasoy, Aiwado... ແລະ ບັນດາເຄື່ອງໝາຍການຄ້າສາກົນທີ່ຕາງໜ້າໃຫ້ຂະແໜງນໍ້ານົມຂອງບັນດາປະເທດຄື: ນິວຊີແລນ, ຝະລັ່ງ, ສາທາລະນະລັດເຊັກ…
ໃນຂອບເຂດງານວາງສະແດງ VIETNAM DAIRY 2022, ວັນທີ 1 ມິຖຸນາ, ຄະນະຈັດຕັ້ງ ແລະ ບໍລິສັດຫຸ້ນສ່ວນນໍ້ານົມຫວຽດນາມ - Vinamilk ໄດ້ສົມທົບກັນຈັດຕັ້ງງາມມິດຕິງສະເຫຼີມສະຫຼອງ “ວັນນໍ້ານົມໂລກ ແລະ ວັນເດັກນ້ອຍສາກົນ ວັນທີ 1 ມິຖຸນາ”. ຄະນະຈັດຕັ້ງງານວາງສະແດງຍັງໄດ້ຈັດຕັ້ງກອງປະຊຸມສຳມະນາ 4 ຄັ້ງກ່ຽວກັບຂະແໜງນໍ້ານົມຂອງຫວຽດນາມ.
ບູນມີ
