 |
| ທ່ານເອກອັກຄະລັດຖະທູດ ດັ້ງຮ່ວາງຢາງ ກ່າວຄຳເຫັນທີ ວາລະປຶກສາຫາລື (ພາບ: ໜັງສືພິມໂລກ ແລະ ຫວຽດນາມ) |
ກ່າວຄຳເຫັນທີ່ວາລະປຶກສາຫາລືເປີດດ້ວຍຫົວເລື່ອງ “ການປະທະກັນ ແລະ ການຄ້ຳປະກັນສະບຽງອາຫານ” ຂອງສະພາຄວາມໝັ້ນຄົງ ສປຊ, ວັນທີ 19 ພຶດສະພາ, ທ່ານເອກອັກຄະລັດຖະທູດ ດັ້ງຮ່ວາງຢາງ, ຫົວໜ້າຄະນະຜູ້ຕາງໜ້າຫວຽດນາມ ປະຈຳ ສປຊ ໄດ້ເນັ້ນໜັກວ່າ ຫວຽດນາມ ຖືການຄ້ຳປະກັນສະບຽງອາຫານ ແມ່ນພື້ນຖານຂອງສັນຕິພາບ, ສະຖຽນລະພາບ ແລະ ການພັດທະນາ. ຫວຽດນາມ ແບ່ງປັນຄວາມວິຕົກກັງວົນລວມຂອງປະຊາຄົມສາກົນ ກ່ຽວກັບລະບົບທັນຍາຫານໂລກ ພວມນັບມື້ນັບໄດ້ຮັບສິ່ງທ້າທາຍຫຼາຍຢ່າງ ຍ້ອນຜົນສະທ້ອນຈາກໂລກລະບາດໂຄວິດ 19, ການປ່ຽນແປງຂອງດິນຟ້າອາກາດ, ໄພທຳມະຊາດ ແລະ ການປະທະກັນ, ໄດ້ກະທົບແຮງຕໍ່ການຄ້ຳປະກັນສະບຽງອາຫານຂອງປະເທດຕ່າງໆ, ໂດຍສະເພາະແມ່ນບັນດາປະເທດພວມພັດທະນາ ແລະ ມີການປະທະກັນ. ເມື່ອເນັ້ນໜັກເຖິງຄວາມມານະພະຍາຍາມຂອງຫວຽດນາມ, ທ່ານເອກອັກຄະລັດຖະທູດ ດັ້ງຮ່ວາງຢາງ ໃຫ້ຮູ້ວ່າ: ຫວຽດນາມ ປາດຖະໜາ ຢາກກາຍເປັນ “ສູນປະດິດຄິດສ້າງກ່ຽວກັບທັນຍາຫານ” ຂອງພາກພື້ນ ແລະ ຈະສືບຕໍ່ປະກອບສ່ວນເຂົ້າໃນຄວາມມານະພະຍາຍາມລວມ ໃນການແກ້ໄຂບັນດາສິ່ງທ້າທາຍດ້ານການຄ້ຳປະກັນສະບຽງຫານທົ່ວໂລກ.
vovworld.vn
