ວັນທີ 25 ພຶດສະພາ, ຢູ່ຮ່າໂນ້ຍ, ທ່ານນາງປະທານສະຫະພັນບັນດາອົງການຈັດຕັ້ງມິດຕະພາບຫວຽດນາມ ຫງວຽນເຟືອງງາ ໄດ້ຕ້ອນຮັບທ່ານເອກອັກຄະລັດຖະທູດ ເອຢິບ Amal Abdel Kader Elmorshi Salama ເຂົ້າຢ້ຽມຂ່ຳນັບ.
 |
| ຊຸກຍູ້ການພົວພັນມິດຕະພາບລະຫວ່າງປະຊາຊົນ ຫວຽດນາມ ແລະ ເອຢິບ. ພາບ: ມິງເຈິ່ນ |
ທ່ານນາງປະທານ VUFO ຫງວຽນເຟືອງງາ ເນັ້ນໜັກວ່າ ຫວຽດນາມ ແລະ ເອຢິບ ມີການພົວພັນມິດຕະພາບທີ່ເປັນມູນເຊື້ອອັນດີງາມ ແລະ ໃຫ້ຮູ້ວ່າ ຫວຽດນາມ ຖືເປັນສຳຄັນການພັດທະນາການພົວພັນກັບ ເອຢິບ - ປະເທດໃຫຍ່ທີ່ມີອິດທິພົນຊື່ສຽງ ແລະ ບົດບາດສຳຄັນໃນພາກພື້ນ ແລະ ຂະບວນການບໍ່ຮ່ວມກຸ່ມ.
VUFO ຈະສົມທົບກັນຢ່າງຕັ້ງໜ້າກັບສະຖານທູດເອຢິບ ປະຈຳຫວຽດນາມ ຈັດຕັ້ງບັນດາການເຄື່ອນໄຫວພົບປະແລກປ່ຽນປະຊາຊົນຄື: ກອງປະຊຸມສຳມະນາ, ໂອ້ລົມສົນທະນາ, ແລກປ່ຽນວັດທະນະທຳ, ສິລະປະ... ໂດຍສະເພາະແມ່ນປີ 2023, 2 ປະເທດຈະສະເຫຼີມສະຫຼອງ 60 ປີແຫ່ງວັນສ້າງຕັ້ງການພົວ ພັນທາງການທູດ.
ທ່ານເອກອັກຄະລັດຖະທູດ Amal Abdel Kader Elmorshi Salama ຕີລາຄາສູງການພົວພັນມິດຕະພາບທີ່ເປັນມູນເຊື້ອລະຫວ່າງ ຫວຽດນາມ ແລະ ເອຢິບ. ທ່ານເອກອັກຄະລັດຖະທູດ Salama ໃຫ້ຮູ້ວ່າ, ໃນອາຍຸການເຮັດວຽກຂອງຕົນ ຈະປະກອບສ່ວນຊຸກຍູ້ການສ້າງຕັ້ງບັນດາອົງການຈັດຕັ້ງມິດຕະພາບລະຫວ່າງ 2 ປະເທດ.
ຕາມທ່ານເອກອັກຄະລັດຖະທູດ Salama ແລ້ວ, ຫວຽດນາມ ແລະ ເອຢິບ ມີຄວາມສາມາດບົ່ມຊ້ອນອັນໃຫຍ່ຫຼວງໃນການຮ່ວມມືດ້ານເສດຖະກິດ, ການຄ້າ, ວັດທະນະທຳ, ການທ່ອງທ່ຽວ..., 2 ຝ່າຍຄວນເພີ່ມທະວີການຮ່ວມມືດ້ານການລົງທຶນ.
ບູນມີ
