ເຂົ້າຮ່ວມພິທີ ມີປະທານສະມາຄົມນັກຮົບເກົ່າ ຢູແກຼນ, ພົນຈັດຕະວາ Popovich Vladimir Vasilievich ແລະ ບັນດານັກຮົບເກົ່າ ຢູແກຼນ ທີ່ເຄີຍຊ່ວຍເຫຼືອ ຫວຽດນາມ ໃນປາງສົງຄາມ; ຜູ້ຕາງໜ້າບັນດານັກຮົບເກົ່າຫວຽດນາມ ທີ່ມາຈາກນະຄອນ Kyiv, Kharkiv, Odesa ແລະ Mariupol ພ້ອມກັບບັນດາພະນັກງານສະຖານທູດຫວຽດນາມ ປະຈຳ ຢູແກຼນ.
ວຽນກວາງຈ້ຽນ ໄດ້ຫວນຄືນການເຄື່ອນໄຫວກໍ່ສ້າງ, ຕໍ່ສູ້ ແລະ ເຕີບໂຕຂອງກອງທັບປະຊາຊົນຫວຽດນາມ ໃນໄລຍະ 77 ປີແຫ່ງວັນສ້າງຕັ້ງກອງທັບປະຊາຊົນຫວຽດນາມ, ໂດຍຍົກໃຫ້ເຫັນບັນດາຜົນງານທີ່ບັນລຸໄດ້ໃນສອງວິວັດການຕໍ່ສູ້ຕ້ານພວກລ່າເມືອງຂຶ້ນຝະລັ່ງ ແລະ ຈັກກະພັດອາເມລິກາ ຂອງກອງທັບປະຊາຊົນຫວຽດນາມ; ຜົນສຳເລັດໃນວຽກງານການຕ່າງປະເທດດ້ານປ້ອງກັນຊາດ, ໃນນັ້ນມີໜ້າທີ່ການເຂົ້າຮ່ວມການເຄື່ອນໄຫວຮັກສາສັນຕິພາບຂອງ ສະຫະປະຊາຊາດ, ຈັດຕັ້ງຜັນຂະຫຍາຍໂຮງໝໍພາກສະໜາມເລກ 2 ຢູ່ຊູດັງໃຕ້ ແລະ ສາທາລະນະລັດອາຟຣິກາກາງ, ເຊິ່ງໄດ້ຮັບການຮັບຮູ້ ແລະ ຕີລາຄາສູງຈາກສະຫະປະຊາຊາດ ແລະ ປະຊາຄົມສາກົນ.
 |
| ສະເຫຼີມສະຫຼອງ 77 ປີແຫ່ງວັນສ້າງຕັ້ງກອງທັບປະຊາຊົນຫວຽດນາມ ຢູ່ ຢູແກຼນ. (ພາບ: vietnamplus) |
ທ່ານພັນເອກ ຫງວຽນກວາງຈ້ຽນ ກໍ່ສະແດງຄວາມຂອບອົກຂອບໃຈບັນດານັກຮົບເກົ່າ ຢູແກຼນ ທີ່ໄດ້ຊ່ວຍເຫຼືອ ຫວຽດນາມ ໃນໄລຍະສົງຄາມ, ແລະ ເນັ້ນໜັກວ່າ ຄົນຫວຽດນາມລຸ້ນຕ່າງໆ ຈະບໍ່ມີວັນລືມການປະກອບສ່ວນອັນໃຫຍ່ຫຼວງນັ້ນ.
ຕາງໜ້າບັນດານັກຮົບເກົ່າ ອູແກຣນ, ພົນຈັດຕະວາ Popovich ສະແດງຄວາມຊົມເຊີຍບັນດາກະຊວງ, ນັກຮົບກອງທັບປະຊາຊົນຫວຽດນາມ, ອວຍພອນໃຫ້ກອງທັບປະຊາຊົນຫວຽດນາມ ນັບມື້ນັບເປັນໃນລະບົບທີ່ຍອດຢ້ຽມ, ທັນສະໄໝ, ປະຕິບັດໜ້າທີ່ປົກປັກຮັກສາປະເທດຊາດໃຫ້ສຳເລັດເປັນຢ່າງດີ.
ໂດຍເນັ້ນໜັກເຖິງສາຍພົວພັນມິດຕະພາບທີ່ເປັນມູນເຊື້ອອັນຍາວນານ ລະຫວ່າງປະຊາຊົນ, ກອງທັບ ແລະ ນັກຮົບເກົ່າ 2 ປະເທດ ຫວຽດນາມ - ຢູແກຼນ, ການພົວພັນມິດຕະພາບທີ່ເປັນມູນເຊື້ອອັນດີງາມ ລະຫວ່າງສະມາຄົມນັກຮົບເກົ່າ ຢູແກຼນ ແລະ ສະຖານທູດ, ຫ້ອງການທີ່ປຶກສາຝ່າຍປ້ອງກັນຊາດ, ສະມາຄົມນັກຮົບເກົ່າ ຫວຽດນາມ ປະຈຳ ຢູແກຼ, ທ່ານພົນຈັດຕະວາ Popovich ປາດຖະໜາວ່າ ການພົວພັນມິດຕະພາບທີ່ເປັນມູນເຊື້ອ ລະຫວ່າງປະຊາຊົນ, ກອງທັບ ແລະ ນັກຮົບເກົ່າ 2 ປະເທດ ຈະນັບມື້ນັບພັດທະນາ ແລະ ໝັ້ນຄົງເຂັ້ມແຂງກວ່າອີກ.
ຄຳຮຸ່ງ
