| ຮັດແໜ້ນສາຍພົວພັນສາມັກຄີມິດຕະພາບແບບພິເສດ ແລະ ການຮ່ວມມືຮອບດ້ານລະຫວ່າງສອງປະເທດ ຫວຽດນາມ - ລາວ | |
| ຍົກສູງປະສິດທິພາບການເຄື່ອນໄຫວຂອງລັດວິສາຫະກິດໃນການພັດທະນາເສດຖະກິດ-ສັງຄົມ |
ເນື່ອງໃນໂອກາດບຸນປີໃໝ່ປະຈຳຊາດ Chol Chnam Thmay ຂອງລາຊະອານາຈັກ ກຳປູເຈຍ, ວັນທີ 12 ເມສາ, ທ່ານເອກອັກຄະລັດຖະທູດ ວິສາມັນຜູ້ມີອຳນາດເຕັມແຫ່ງ ສສ ຫວຽດນາມ ປະຈຳ ກຳປູເຈຍ ຫງວຽນຮຸຍຕັງ ໄດ້ໄປຢ້ຽມຢາມ ແລະ ອວຍພອນປີໃໝ່ພະນັກງານ, ພາລະກອນ ແລະ ແພດໝໍໂຮງໝໍ ເຈີ້ໄຢ-ພະນົມເປັນ, ກຸ່ມອຸດສາຫະກຳຢາງພາລາຫວຽດນາມຢູ່ກຳປູເຈຍ ແລະ ສະມາຄົມຂະແມຫວຽດນາມຢູ່ກຳປູເຈຍ.
 |
| ເພີ່ມທະວີການພົວພັນມິດຕະພາບ ແລະ ການຮ່ວມມືລະຫວ່າງ ຫວຽດນາມ ແລະ ກຳປູເຈຍ ຜ່ານບັນດາການເຄື່ອນໄຫວກວດກາ ແລະ ປິ່ນປົວພະຍາດ. ພາບ: dnnd.vn |
ທີ່ບັນດາຫົວໜ່ວຍທີ່ມາຢ້ຽມຢາມ, ທ່ານເອກອັກຄະລັດຖະທູດ ຫງວຽນຮຸຍຕັງ ໄດ້ສົ່ງຄຳອວຍພອນອັນປະເສີດມາຍັງພະນັກງານ, ແພດໝໍ.
ທີ່ໂຮງໝໍເຈີ້ໄຢ-ພະນົມເປັນ, ທ່ານເອກອັກຄະລັດຖະທູດ ຫງວຽນຮຸຍຕັງ ໄດ້ຕີລາຄາສູງບັນດາຜົນງານເຊິ່ງໂຮງໝໍເຈີ້ໄຢ-ພະນົມເປັນ ບັນລຸໄດ້ໃນ 8 ປີຜ່ານມາ, ໄດ້ປະກອບສ່ວນສຳຄັນເຂົ້າໃນການກວດ ແລະ ປິ່ນປົວຄົນເຈັບ ກຳປູເຈຍ. ບົນພື້ນຖານບັນດາຜົນງານດັ່ງກ່າວ ຖັນແຖວແພດໝໍ ໂຮງໝໍເຈີ້ໄຢ-ພະນົມເປັນ ໄດ້ເສີມຂະຫຍາຍກຳລັງຄວາມສາມາດ ແລະ ຈິດໃຈ, ສືບຕໍ່ຍົກສູງພາບພົດ ແລະ ອິດທິພົນຊື່ສຽງຂອງໂຮງໝໍ ເພື່ອຕອບສະໜອງຄວາມຕ້ອງການ ກວດ-ປິ່ນປົວພະຍາດທີ່ນັບມື້ນັບສູງຂຶ້ນຂອງປະຊາຊົນກຳປູເຈຍ. ຜ່ານນັ້ນ, ກໍປະກອບສ່ວນຊຸກຍູ້ການພົວພັນມິດຕະພາບທີ່ດີງາມ ແລະ ການຮ່ວມມືລະຫວ່າງສອງປະເທດຫວຽດນາມ - ກຳປູເຈຍ.
ເນື່ອງໃນໂອກາດນີ້, ທ່ານເອກອັກຄະລັດຖະທູດ ຫງວຽນຮຸຍຕັງ ໄດ້ລົງຢ້ຽມຢາມໂຮງໝໍ ແລະ ມອບຂອງຂວັນໃຫ້ຄົນເຈັບ 2 ຄົນ (ຊາວຂະແມ 1 ຄົນ, ຊາວກໍາປູເຈຍ ເຊື້ອຊາດຫວຽດນາມ 1 ຄົນ).
ບູນມີ
