ໃນຂອບເຂດການຢ້ຽມຢາມ, ເຮັດວຽກຢູ່ ຍີ່ປຸ່ນ, ຕອນບ່າຍ ວັນທີ 25 ພຶດສະພາ ຢູ່ນະຄອນຫຼວງ ໂຕກຽວ, ທ່ານຮອງນາຍົກລັດຖະມົນຕີ ຜູ້ປະຈຳການລັດຖະບານ ຫວຽດນາມ ຟ້າມບິ່ງມິງ ໄດ້ໃຫ້ການຕ້ອນຮັບ ທ່ານ Yuji Kuroiwa ຜູ້ວ່າການແຂວງ Kanagawa ແລະ ທ່ານ Ichita Yamamoto ຜູ້ວ່າການແຂວງ Gunma .
 |
| ທ່ານຮອງນາຍົກລັດຖະມົນຕີຜູ້ປະຈຳການລັດຖະບານ ຫວຽດນາມ ຟ້າມບິ່ງມິງ ຕ້ອນຮັບທ່ານ Yuji Kuroiwa ຜູ້ວ່າການແຂວງ Kanagawa. ພາບ: vovworld.vn |
ກ່າວຄຳເຫັນທີ່ການຕ້ອນຮັບ, ທ່ານຮອງນາຍົກລັດຖະມົນຕີ ຟ້າມບິ່ງມິງ ຕີລາຄາສູງຕໍ່ຄວາມມານະພາຍາຍາມຂອງສອງແຂວງ ໃນວຽກງານຈັດຕັ້ງການ ເຄື່ອນໄຫວພົບປະແລກປ່ຽນວັດທະນະທຳກັບຫວຽດນາມ ໃນຂະນະທີ່ເກີດ ໂລກລະບາດ, ພ້ອມດຽວກັນນັ້ນກໍ່ຢືນຢັນວ່າ ບັນດາການເຄື່ອນໄຫວນີ້ຈະປະກອບສ່ວນເຂົ້າໃນການເພີ່ມທະວີຄວາມເຂົ້າໃຈເຊິ່ງກັນແລະກັນ ລະຫ່ວາງ ປະຊາຊົນສອງປະເທດ.
ສ່ວນຜູ້ວ່າການ 2 ແຂວງ Kanagawa ແລະ Gunma ກໍ່ໃຫ້ຄຳໝັ້ນສັນຍາຈະພະຍາຍາມຊຸກຍູ້ບັນດາການເຄື່ອນໄຫວພົບປະແລກປ່ຽນວັດທະນະທຳ ແລະ ເສດຖະກິດກັບຫວຽດນາມ, ພ້ອມທັງສະແດງຄວາມມຸ່ງ ມາດປາດຖະໜາຢາກຕ້ອນຮັບນັກສຶກສາຝຶກງານຂອງຫວຽດນາມຕື່ມອີກ.
ວັນທີ 26 ພຶດສະພາ, ທ່ານຮອງນາຍົກລັດຖະມົນຕີ ຫວຽດນາມ ຟ້າມບິ່ງມິງ ແລະ ຄະນະຜູ້ແທນຫວຽດນາມ ໄດ້ເຂົ້າຮ່ວມກອງປະຊຸມ ອະນາຄົດອາຊີ ຄັ້ງທີ 27 ໂດຍສຳນັກຂ່າວສານ Nikkei ຈັດຕັ້ງຢູ່ ໂຕກຽວ ເຊິ່ງມີການນຳຫຼາຍປະເທດເຂົ້າຮ່ວມ, ພ້ອມດຽວກັນນັ້ນກໍໄດ້ຕ້ອນຮັບຄະນະການນຳລັດຖະບານ ພັກກຳອຳນາດ ຂອງຍີ່ປຸ່ນ ຈຳນວນໜຶ່ງ.
ບູນມີ
